اكبر غلط في حياتي..

لو جاك محلات الوالد

فالوالد راح يتصرف معاه ولا تبينين إنك تعرفينه لا من بعيد ولا من قريب ولا تتكلمين معاه أو تردين عليه

زاد في الكلام قولي للوالد شكله مغازلجي وقليل أدب ويبيله تأديب

وحاولي ما تروحين أي مكان عام بروحك يعني الأفضل تطلعين ويا حد والأفضل ما تكون بنت عمك بس يعني هي مع غيرها أيضا

جا وتكلم خلي الكبار يتكلمون وبيبين مغازلجي وبينطرد

الله يحفظك من الشر يا الغالية وجميع المسلمين اللهم آمين

[grade="00008B FF6347 008000 4B0082align=center]"]إنا لله وإنا إليه راجعون

أول شي عزيزتي : قولي

لا حول ولا قوة إلا بالله ، حسبي الله ونعم الوكيل نعم المولى ونعم النصير

" اللهم آجرني في مصيبتي واخلف لي خيراً منها "

" اللهم دبر لي كل أمر عسير فإني لا أحسن التدبير "

" يا حي يا قيوم برحمتك أستغيث "

ثاني شي ما شاء الله عليهم خواتك ما قصروا بالردود الله يحفظهم

تمي استغفري أختي الغالية لا توقفي لسانك عن الاستغفار لا تشغليه غير بالاستغفار

صدقيني من لزم الاستغفار

جعل الله له من كل ضيق فرجاً ومن كل هم مخرجاً ورزقه من حيث لا يحتسب

واحنا إنشاء الله بندعيلك بقلوب خالصة لله موقنه من الله الإجابة

قومي بالليل قبل الفجر حاولي كل يوم قعدي ادعي ربك يستر عليك

ورددي عليه اللهم اجعل كيده في نحره واجعل تدميره في تدبيره عشان إذا كان مفكر يآذيك يرجع عليه

اللهم اصرفه عني فيما شئت وكيفما شئت ، اللهم اكفنيه بما شئت [/grade]

[grade="00008B FF6347 008000 4B0082"]صدقيني وقت السحر الثلث الأخير من الليل وقت فضيل الله متنزل عالسماء الدنيا

يسأل عباده هل من داعي فأستجيب له هل من تائب فأتوب عليه هل من مستغفر فأغفر له هل .. وهل ... وهل .....

هذا وقت مبارك وفضيل لا تضيعيه قومي الليل وتمي ادعي بالسجود

جربي وشوفي بنفسك النتيجة

صدقيني نتيجة عجيييييييييييييييييييييييبة وبترتاحين

الله يريح قلوبنا كلنا بطاعته وذكره ،،، اللهم آمين[/grade]

مشكوره حبيبتي bent_palestine على اهتمامج و نصايحج و ما قصرتي..و ان شاء الله بسوي هالشي:smile:

اختي Neamaمشكوره وايد على الأدعيه و النصايح و ماقصرتي

الله يساعدج حبيبتي

وانا مع كل كلمة قالت بنت فلسطين .. !

أكيد أنتِ لست محجبه ؟ هذه أكبر المشاكل ويبغالها حل .

طنشيه وخلليه يضرب راسه ف اعرض واكبر جدار ببيتهم

واذا فضحك لاتنسي انه راح يفضح نفسه اول..لانه متزوج وعنده عيال

ولاتحسسيه انه ماسكك من الايد اللي تعورك
ادعي ربك انه تضيع الصورة منه وتحترق

حسبي الله ونعم الوكيل

ونصيحة لك ولو انك ماشاءالله متربية وعندك وازع ديني

املئي قلبك بحب الله ورسوله
علشان ما يمتلئ بحب هالاشياء

وخبرينا وش يصير معاكي

رأيي من رأي البنات تغيرين رقمج والايميل .......
اتكلمين بنت عمج تتركه ولا ترد عليه ......
واذا اتحسين الصورة بتسبب لج بلاوي ومشاكل ألجأي لعمك خليه يأدبه ويكلمه بلهجه قوية ......

طمنينا عنك ........

a witch ايه والله بنت فلسطين ما قصرت وايد ريحتني و ساعدتني جزاها الله الف خير و انا قاعده اسوي اللي قالت لي عليه وانشالله يارب اييب نتيجه
اختي نزف الجراح لاا انا متحجبه و عن اقتناع
نجمة الفجر مشكوره حبيبتي على نصيحتج و ماقصرتي و هاي اللي انا قاعده اسويه حاليا
اول امس دز مسج حق بنت عمي و ماردت عليه واليوم دزلي انا و يسأل بس انا ما رديت عليه
وهو مسافر الحين على ما اعتقد بيرجع لسبوع الجاي و انا ما بعطي اي فرصه يكلمني او اي شي..ولتنسوني من دعواتكم
الله يسهل علي يارب ويبعد شره عني
ايوت مشكوره حبيبتي انا الحين قاعده اروح على نصايح البنات..مطنشته سويته بلوك و ديليت و هم بنت عمي بعد مسحته من قائمتهه على المسنجر و مو قاعدين انرد عليه
وبحاول ابقرب فرصه اغير رقمي
وانشالله اذا هل شي ما فاد بلجء الى عمي والله يكتب اللي فيه الخير يارب ويبعده عني يارب

الله يستر عليج يارب ويكفيج شر هالانسان وشر شياطين الانس والجن وعيال وبنات الحرام


تضايقت وايد وانا اقرا مشكلتج لكن اتمنى انج ماتضعفين ولاتتهاونين وانا من رأيي انج تلجأين لعمج وقبلها استخيري

بس انا مستغربه ليش بنت عمج تضيفه وعلى اي اساس ؟؟!!!

احس انها متساهله معاه اكثر وانتي يبين عليج اعقل ماشاء الله عشان جذي انا اقولج لتخذي القرار الصح من الحين

ولازم تغيرين رقمج وبلتقين لج اي عذر قولي عليه ازعاج قولي وايد بنات يعرفونه وانا مب مرتاحه لهم اي شي من هالكلام

وحاولي تأثرين على بنت عمج عشان ماتتهاون وتضعف وتعطيه رقمج الجديد او حتى تكلمه هي وتحبه لان باين عليه انسان مريض

وخصوصا انه وصل هالسن وللحين يتصرف تصرفات طائشه وصبيانيه

والله يستر عليج دنيا واخره ويطمن بالج ان شاء الله ويعوضج خير

وتحملي تضعفين لاي سبب كان حتى لو قالج انه على فراش الموت

والله يعينج ويريح بالج ان شاء الله

وطمنينا عليج يالغاليه

وحاولي ترسلين لناس متخصصين يفيدونج اخذي استشاره في مركز الراشد عندكم او المركز الكندي وان شاء الله بتستفيدين


وياااااااااااارب يااااااااااااااارب يااااااااااااااااااااااااااااااارب يستر عليج ويحميج من كل شر

حبي وتقديري

مشكوره طيوبه و ما قصرتي على ردج انا وبنت عمي قطعنا علاقنا نهائيا معاه و دام اني لجأت لربي انشالله ما راح اضعف خصوصا اني كارهه هل الأنساان..مارديت عليه من شهر تقريبا وهو دايما يتصل و اشوفه ما رد حاول يتصل من اسبوع الله يكفيني شره انشالله و يبعده عني..و انا لو مهما كان ماراح ارد عليه..غلطت مره و تعلمت وايد الحمدلله و ماراح اضعف مره ثانيه بإذن الله:smile:

ان شاء الله وربي يكفيكم شره يارب


بس انا اشوف تغيرين رقمج افضل


والله يحرسج ويحميج يالغاليه

الله يعينك على البلوه يلي حطيتي نفسك فيها

عليك اولا بالتويه النصوحه الى الله 00

والتضرع الى الله تعالى بالدعاء ليكشف عنك هذا البلاء 00

الله يستر علينا وعلى اخوانتا يارب

الله يهديك الى الحل المناسب 000

السلام عليكم ورحمة الله وبركاته

اختي الله ينهي هالامر على خير ان شالله ويبعد عنج شره ويهديه يا رب

انتي حطي عمج كحل وحيد لا غير خلي الفكره على طرف لسانج لانه عنده على الاقل خلفيه وبيحسبها بعقل ان شالله

والرقم بعد ما تصارحي عمج عطيه لعمج بشكل نهائي وخليه يتصل على الريال ويخبره انج خبرتي العايله عن انه ناوي يتقدم لج وان العايله رافضه وانتي من النوع اللي يوافق على شور الاهل وما يرد اهله حتى لو شو

علشان يعرف انكم مترابطين وما يخوفكم امثاله

خيار ثاني اذا ما نفع معاه الادب

روحي لاخته وخبريها واذا تقدر تسترجع الصورة منه حتى لو بالسر
لان من الاساس تعتبر الصورة انسرقت منج

وتقدر تمسح الرسايل من مبايله ياااااااااااااااااااااااااااارب تطلع فاهمه وتقدر تخلصج من هالاذية



لا تنسي الحل الاساسي هو عمج


راح ندعيلج ان الله ان شالله يبرد قلبج و ينتهي الامر على خير


طمنينا عنج

السلام عليكم

انا رايي من راي الاخوات.. ايااااني واياج تحطين في بالج قصة الصورة!!!
الصورة طاحت منج في مكان عام!! واللي اخذها قليل الادب!! انتي في هالشي مالج ذنب..

مادام عمج متفهم قولي له.. لازم شخص مسئول في العيلة يعرف.. اخوج.. ابوج.. عمج.. الوالدة..
المهم شخص مسئول يعرف.. عشان ما يعتقد الخايس انه ميود عليج شي وانج خاشة عن اهلج!! بتكونين بينج وبين نفسج تدرين ان اهلج عارفين.. وان شاء الله ما بيصير الا الخير

اذا تقدرين انج ما تردين على اتصالاته كان بها
بس انا اقول لج هالشي بيكون وايييد صعب عليج.. صدقيني!! تراه ما بيتصل مرة ولا 2 ولا 10 ولا 100!!!
ما راح يتعب!!
عقب65734735 اتصال يمكن يوقف اسبوع اسبوعين على امل انج بتنسين وتتطمنين وبعدين بيعيدها..

حاولي تغيرين الرقم ولو لمدة شهر واحد
وما يكون باسمج


وطنشييييييييييييييييييييييييييييييييييه.. لأا تفكرين فيه ولا بخيالج!!!
وايد من هالاشكال ما يهتمون حتى لو عمج كلمه..
المهم انج تعتبرينه غير موجود!!

لا تظعفين يا حبيبتي!! الله يقويج ويبارك فيج

اختي طيوبه انا لمحت حق ابوي ابي اغير الرقم و قلت له لأن وايد شباب من ارقام غريبه يتصلون فقال لي عطيني برد عليهم انا سكت ما قدرت اقول شي

مشكوره happy على ردج والحمدلله انا تبت توبه صادقه لربي والله هداني قبل ما اغلط غلط اكبر منه

على البال مشكوره حبيبتي على ردج المشكله ما قدر اصارح عمي لأن ماخذ عني فكره وايد زينه مابي اغير نظرته لي انا صار لي تقريبا شهر مطنشته و انشالله هالتطنيش اييب نتيجه

new 3roos انا خبرت واحد من اهلي انا اعتبره اخوي العود وهو عود و تفهم الموضوع و كلمني و ساعدني ونصحني وااايد ..و صح كلامج هالشاب ينتظر اسبوع و يرد يتصل مره ثانيه بس انا مطنشته و ماراح اضعف بإذن الله لأني كرهته خلااااص

الله يهديك ان شاء الله وتكون هذي درس لك وعبره لغيرك .......... ومثل ما قالو لك الاخوات طنشي ولا تحاولين تكلمينه او تطلبين الصوره ودام قلتي لاحد من اهلك لا تخافين ان شاء الله ماراح يضرك وادعي ربك انه يصرفه عنك شره..........والله يكتب لك اللي فيه الخير