متى ينام بروحه..؟

والله يا أختي آنه كنت أسأل نفس السؤال قبل ما يوصل أبني للدنيا و كنت آقول من 6 شهور باخذه للغرفة الثانية صعبة يكون معاك خصوصا بأوقات (-----)، بس الشهر الياي بيكمل السنة وبعده معانه بالغرفة ماتخيل أني أقدر أتركه بعيد عني او أني أخليه مع الشغالة، يمكن أسهل لما الواحد يفطم الطفل عن الرضاعة بإمكانه يكون بغرفة ثانية ، مع أن الأجانب يتركون أولادهم من الأربعين بغرفة ثانية ومافيهم شي، بس أحنه العاطفة تغلبنه وايد،، أنت قومي بالسلامة وبعدين فكري متى تتركينه....

مرحبا خواتي ... انا صراحه ولدي كمل سنتين واهو لي الحين بالغرفه معانا ، ما كنت اقدر اخليه ينام بالدار الثانيه ( ما ادري عاد منومينه في بيت ثاني ) بس ما ادري ليش ما كنت اقدر .. طبعا ولدت بنتي الثانيه واهو لي الحين معانا ، يعني تخيلو غرفة النوم فيها اربع اشخاص ( عنبر مو غرفة نوم ) بس بعدين طلعتهم اثنينهم بالدار الثانيه ، يا حرام المقروده بنتي .. قالي ولدي ما اطلع الا واهي معاي ( الغيره وماتسوي ) طلعتهم وحطيت الجهاز مال الصوت عندهم يعني اذا بجو اسمعهم ، وهالجهاز وايد قوي لدرجه اني اسمع نفسهم .. والحمدالله ارتحنا وقويت قلبي .. لاني مو قاطتهم بره ولا شي ، وطبعا من المستحيل اخلي الخدامه تنام عندهم .. انا موجوده ونومي خفيف لو يقول واحد فيهم : آآ .. افز من النوم على طول!

وتحياتي لكم حبايبي :)

السلام عليكم ورحمة الله وبركاته

فعلا ما صارت غرفة نوم

بنتي تنام بينّا على السرير...مع إنه سريرها معانا في الغرفة و مجهزينه أحلى جهاز...بس هي لازم تنام جنبي...

نفسي أقدر أعوّدها على الأقل تنام على سريرها

مرموم سبحان الله بنتي نفس بنتج لو حطيتها بالسرير بتنام شوي ويتقوم وارجع انيمها تتعبني

لكن لما انيمها جنبي تنام ماشاءالله عليها حتى لو للصبح حتى لدرجة ان مرة ابدا انا طول الليل ما نمت بسبب انها ما نامت الا بعد ما حضنتها وظليت على هالحال طول الليل حاضنتنها وهي نايمة وانا سهرانة

الله يخليها لي يارب

السلام عليكم ورحمة الله وبركاته

و الله يا قلوووووووب شكل بناتنا متّفقين مع بعض علينا...

يا ريت تضعي في توقيعك شريط عمر بنتك...أعتقد هي نفس عمر بنتي...صح ؟

أحسها يا قلوووووب لمّا تشم ريحتي تنام....و هذا يخلّيها تحس بالأمان

والله يا أخواتي أنا أحس إن لو الواحدة تعلم ولدها من يكون عمره 6 أشهر ينام لحاله وتاخذ الجهاز إلي يخليها تسمعه إذا صاح يكون أفضل لأن بعد السنة بيكون صعب ...

أنا ولدي بيكمل 3 سنوات بعد 10 أيام ولسه ينام معنا لكن في سرير لحاله وأبغى أعوده ينام في غرفة لحاله ... لكن ما أدري متى ألحين باقي شهر ويجي أخوه أو أخته ... ولا أدري كيف بأتصرف قلت بأشتري له غرفه لحاله وأحط ألعابه و كل شي يخصه فيه بس ناس نصحوني قالوا الأفضل تخلينه شوي معك وبعد كم شهر إنقليه هو وأخوه لأن لو نقلتيه ألحين وتخلين البيبي معك كان بتجيه الغيره ويمكن يسوي الهوايل لكن لو مع بعض يمكن أهون ... ما بيحس إنك تفضلين أخوه عليه وأنا الحين أفكر في هالمشكلة ...

لو كنت معودته من الأول ماكان حسيت بصعوبة الموقف .. لكن الله المعين

[grade="FF4500 4B0082 0000FF 000000 F4A460"]حررررررررررررررررررام عليكم اشبلاكم مستعيلين على ترك اطفالكم في الغرفه بروحم

الاطفال توهم صغا ر ويحتاجون للأم سبحان الله ما تدرون يمكن يصير فيهم شيء لا سمح الله او يحتاجون لشيء ضروري .

انتو شدراكم بتكونون وقتها في سابع نومه اصبروا عليهم .

لين على الاقل يكملون الثلاث سنوات بعدها تركوهم بروحم مو مشكله يعني علاقل بيكون الطفل فهم كل شيء .[/grade]

هههههههه والله بلشه هالعيال..

طيب مشرفتنا ام يوسف...علميا ما عندج فكره متى نخليهم..

يعني انسب عمر نخليهم ينامون بروحهم و كيف اذا ابي اعوده على النوم بروحه..

ولدي نام بغرفه خاصه فيه لما كان عمره ثلاث سنوات ونص

وطبعا بالتدريج


لاني كنت احيان اقوم الصبح والقااااه نايم بغرفتي

[grade="FF4500 4B0082 0000FF 000000 F4A460"]اول شيء ووفري الغرفه المناسبه للطفل

وبعدها خليه يلعب دايم فيها لفتره معينه لما جوفينه خلاص تعود على الغرفه

وبعدها شوي شوي خليه ينام فيها الظهر او شوفي الوقت اللي ينام فيه غير نوم الليل

بعدها دايم نومي في الغرفه واقري له قصص وحببيه في الغرفه

وخلي الغرفه امنه ما فيها اي حاجه خطره على الطفل

وبعدها خلالالالالاص راح يتعود وما يبي ينام الا في غرفته

والعمر المحدد تقريبا 3 سنوات ونص يكون الطفل وقتها خلا صتعود على روحة الحمام الله يعزكم .[/grade]

السلام عليكم ورحمة الله وبركاته

انا بقول لكم سالفتي مع بناتي
عمرهم ما ناموا معي بالغرفه الا يوم الاربعين
واول ما اخلص احطهم بغرفه مقابله غرفتي على طول
ما بينا مسافه
وجهاز الصوت مشغلته عندهم على بطاريه ((اخاف احطه على الكهرباء يضرب شوط))موسوسه
واللي عندي على الكهرباء
صدقوني خواتي والله تحسين انهم نايمين معك اقصد طول الليل اسمع انفاسها واترك باب اترك باب غرفتهم وغرفتي مفتوحه صدقوني اول الايام بتحسون بتعب كم مره تروحين لهم في الليل بعدين اول ما يكبرون بترتاحين
بسأل خواتي اللي ينامون اطفالهم معهم بالغرفه
كيف تعطرون الغرفه او تبخرونها والاطفال فيها احس صدورهم بتعورهم
حتى لو كان ابوهم في دوره او مسافر اخليهم بغرفتهم
بالرغم ان عندي لهم مربيات بس اخاف ما امن تنام معهم
علشان كذا بناتي تعلموا ينامون بروحم
الله يحفظ بناتي لي ويحفظ عيالكم يارب

كل واحد من عيالي كانو ينامون معانا على نفس السرير ومع التطور على سريرهم الي بجانب سريرنا وطورو اشوي ينامون في المجلس ووصلو غرفتهم

بس تعرفون
























فليل يهربون من غرفتهم وينامون عندنا يوم يشوفونا نايمين ههههههههههههههههه

لكن حطيت الهم تيلفزيون عشان يتسلون
البنات تعودو على الغرفه لكن الولد عمره خمس سنوات بعده يهرب من الغرفه ويجي عندنا رحت وشاليت سريره

تعرفون وين نام













تحت السرير هههههههههههههه عن يفوته شي :o

انا بعد عندي نفس المشكلة ولدي عمرة سنة واربع شهور ولمن الحين ينام معاي
ومرات بليل يقوم يبجي ولازم احطة عندي بالسرير ولا ماينام
وطبعا انا مالي خلق صياح تالي الليل ......................

ممكن تقولولي وين ينباع جهاز الصوت وكيف شكله
الصراحه اول مره اسمع فيه

هلا فيك اختي ورده المنتدى
اختي جهاز الصوت هم جهازين
واحد يكون عندطفلك واحد يكون معك
وحجمه صغير تقريبا بحجم الجوال
انا شريته من سنتين من (شيكو)
وفيه في مذر كير
انت اطلبي منهم الجهاز واسمه lindam_قولي لهم baby talk
اتمنى الغاليه اني افدتك في الموضوع]

أختي soft_dreams أنا ولدي الكبير تم ينام معانا لين ما حملت بولدي الثاني ولي بعد الولادة بعد يعني لين صار عمره خمس سنوات
بس من كمل ولدي الثاني خمس شهور خلاص نقلتهم الاثنين غرفة ثانية ومثل ما قالوا خواتي أسمعهم طول الليل
عن طريق الجهاز صحيح في البداية تعب انج تقومين كل شوي وشويات حق تتطمنين عليهم بس بعدين ترتاحين
وتتعودين انتي واهم بعد والزين في ولدي الكبير مسكين راسه خفيف وبس يقوم أخوه بالليل ينادي على طول يجي يقول لي
بس الشياطين مرات أوعى بالليل الا واهم يمنا بالسرير يعني اربعة على السرير متى جوا واندسوا ويانا ما ادري بس يحليلهم
والله الود وده الواحد ما يفارقهم بس لي متى بيظلون معانا والله يخليهم لي يارب ويخلي عيالكم لكم ان شاء الله

تحياتي للجميع