حراميه يعني سارقه

السلام عليكم ورحمة الله وبركاته

اخواني وخواتي ما ادري انا اكتب في المكان المناسب ولا لا بس ياليت تولون موضوعي اهتمام لانه والله خطير

قبل كم يوم كنت في مجمع ورحت اصلي ولما خلصت وقفت اتفرج على المحلات شوي الا هذيك المره اللي جايه تركض مثل الصاروخ والعبايه طايره وماسكه بقوه على شنطه في صدرها المنظر والله اذهلني وما امداني افكر فيها الا المره اللي مسكينه تمشي بسرعه وراها وتقول امسكوها الله يعافيكم الشنطه .......اثاري المره كانت تصلي وهاذي ما صدقت اخذت الشنطه والله ما امداني اسوي شي لان السارقه اختفت والمره كان جنبها رجال يمشي وتقول له الشنطه الله يخليك التفت الرجال وقال بكل برود................(قدامك السكورتيه يعني الحراس).........والله ساعتها القهر تملكني من رد الرجال للاسف بتقولون ليش؟؟؟؟؟؟؟؟؟؟؟

لانه اذا كانت هي مره وما يقدر يمسكها على الاقل اركض وراها وحاوطها الى ان توصل للباب وعللى قولك السكورتي ساعتها له الحق يسحبها وفيه حلول ثانيه
وزوجي الحمد لله ما خيب ظني يوم سالته وكان رده مثل ما نا فكرت
وصديقاتي سالو ازواجهم واحد قال وش لي بوجع الراس
واحد قال ابسوي اللي علي في حدود المسموح

فايش كان بيضر هذا الرجال لو حاول المره والله شكلها يكسر الخاطر والله اعلم بظروفها
والله حز في نفسي هذا الموقف وما طلعت من المجمع الا تقولون انا المسروقه

سامحوني على الاطاله لكن والله هذي جريمه..شاركوني برايكم وراي من حولكم او اذكروا مواقف مرت عليكم او سمعتوا فيها
الله لايوريكم مكروه.............وارجوكم تجاوبوا معي ترى الموضوع خطير
السرقه....................مد يد العون
لكم تحياتي