واقي شمس ؟ - منتديات عروس

ل

لام القمرية

عروس متألقة

11-06-2005 | 07:25 AM

السلام عليكم ورحمة الله وبركاته

أخواتي حبيت أستفسر عن أفضل واقي ضد الشمس للوجه ، خاصة هالأيام الشمس حرّاقة

أنا سمعت الأفضل يكون بدرجة 45 بس معظم الكريمات الي اشوفها تكون بين الخمسة عشر و الثلاثين و جربتها و لا أحسها تنفع!

ياليت الي عندها خبرة ترد علي و الله يجزيكم خير

m

maryoom

عروس ماسية

11-06-2005 | 07:36 AM

آنا شريت من الصيدلية واقي شمس بصراحة كان ممتاز بس ستخدمته مرتين وتركته لأني أتملل بسرعة وبصراحة مو متذكرة أسمه إذا رحت البيت أن شاء الله أكتب أسمه لج... هو صناعة أمريكية وريحته حلوة ولايعطي الويه لمعان بالعكس خفيف..

ع

عيون بوظبي

مشرفة سابقة

11-06-2005 | 11:49 AM

البارحة انا شفت اخت ريلي .. اقولها ما شالله ويهج مفتح وطالع حلو ...

قالت لي لأنها استخدمت واقي شمس وايد اوكي .. وانا اثق في كلامها مب عشان شي .. لسببين ..

1- لأنها استشارت زوج اختها الي هو دكتور جلدية ..ووصف لها اياه..

2- لأنها هيه ماشالله وايد ملمه بمواضيع الاهتمام بالبشرة وما تسوي شي مني والدرب ..

وسألتها عنه .. قالت لي انه واقي شمس ماركة روك Roc ومب الواقي العادي .. هذا واقي مال البحر .. وتستخدمه بدال الواقي العادي لانه اقوى .. وغير جي يشيل البقع السودة في نفس الوقت ..

لونه يكون برتقالي وبس لما تشترينه من الصيديلة تقولين له واقي الشمس مال البحر .. وما شالله بشرتها صايرة حلوة ونظيفة لأنه الشمس ما تحرقها وايد ..
و سمعت انه درجته 60% و قيمته في الامارات 70 درهم ..

ان شالله اكون فدتج .. :)

M

Marshmallows

مشرفة سابقة

11-06-2005 | 01:58 PM

هلا عزيزتي

قوة الشمس مالها علاقة بأختيار درجة الحماية

درجة الحماية تختارينها على حسب بشرتج

بهذا الرابط راح تلقين الطريقه الصحيحه في اختيار واقي الشمس

واقي الشمس

لكن انتي اذا حابة بدرجة وقاية كبيره ،، جربي ديور درجة الحماية فيه 50

وللجسم مافي احسن من لويس ويدمر