سؤال جزاكم الله خير

السلام عليكم ورحمة الله وبركاته

هلا ريم

حبيبتي لازم تروحين لدكتورة وتابعين معها على طول

تسوين تحاليل للهرمونات والبويضة وكل هل السوالف

على اساس تنظم الدورة

ان شاء الله ما فيش الا الخير يارب..

ربي ارزق كل محروم وسهل على كل حامل..

مشكوره أختي نور المدينه وجزاج الله الف خير بس أنا مليت من الدكاتره ومن الادويه

الله يكون بعونك حبيبتي

لاتملين بالعكس روحي وكلك ثقه بالله

الله يحقق امنيتك وتحملين باقرب وقت
اللهم آمييييييييين

معقوله محد يخفف عني ويرفع معنوياتي غير أختي نور المدينه والاخت طولون بس؟؟؟؟!!!! عموما جزاهم الله خير والله يسامحكم

هلا و غلا يا ريم

ما تشوفين شر يا الغالية

حبيبتي من اسباب اضطراب الدورة الشهرية اختلال الهرمونات

و دايما اختلال الهرمونات سببها زيادة بالوزن او بعد الزواج تختل الهرمونات

و بالتالي لا تنتظم الدورة

و احتمال يكون فيك تكيس لانه شائع جدا بين البنات اللاتي يشكين من اختلال الدورة و عدم الحمل

اهم شي تاخذين منظم للدورة

و قد تحتاجين منشطات مثل الكلوميد تحت اشراف الطبيبة

و باذن الله بتحملين قريب و تبشرينا بحملج

مشكوره أختي فوانيس جزاج الله خير يالغاليه بس أنا ظروفي مختلفه أولا أنا وزني أوكيه وعندي من قبل بنت وولد الله يحفظهم بس ماحملت بعدها والكلوميد أخذته مع الابر تحت اشراف دكتوره بس ماحملت ومليت ووقفت الدواء لانه بصراحه ارهقني ماديا ونفسيا دون فايده والشهر الي طاف جربت التمريخ بزيت الزيتون وكاسات الهوا والحينه جاتني الدوره . آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآسفه للاطاله بس مثل ماقلت نفسيتي تعبانه

هلا الغالية ريم الفلا

الحمدلله...حالتج احسن عن كثير من البنات يا الغالية

لا تحاتين...التفكير و الحالة النفسية اللي انتي فيها سبب رئيسي لتاخير الحمل عندج

اشغلي نفسج و انسي موضوع الحمل تماما

مارسي الرياضة في النادي..او تمشي يوميا ساعة اذا الظروف تسمح

بتشوفين نفسج نسيتي موضوع الحمل

و النفسية عال العال..طبيعيا بتحملين باذن الله

مشكوره الغاليه فوانيس الله ينولج اللي في بالج بس انا حبيت اعرف اذا كان اللي فيني طبيعي ولا لأ؟واذا كان فيه حد نفس حالتي بس عموما ريحتيني الله يريحج والله ماتتصورين اش كثر فرحت يوم شفت ردج حسيت انه فيه حد اهتم لموضوعي.

هلا ريم الفلا

وايد من بنات عروس كانوا يشتكون تأخر الحمل لانهم كانوا يحاتون وايد
و تفكيرهم كله متى بنحمل و ليش ما حملنا...
تأخر الحمل و التفكير مسبب لهن وساوس و قلق و توتر
بس لما نسوا سالفه الحمل..كم شهر إلا ماشاء الله تم الحمل

الغاليه فوانيس كلامج صحيح حبيبتي بس انا اقصد فيه حد مثلي حمل من قبل وبعدين تم كم سنه ما حمل بدون مانع وبعد كذي حمل ؟سامحيني أختي أذيتج بالأسئله بس استحمليني متضايقه وماأعرف شو اسوي.

ما عليج أختي...

أنا مثلج أعاني الحين بس جربت المشي كل يوم وارتحت وااايد...

ترى المشي ينشط المبايض لأنه يحسن نوعيه الدم اللي يوصل لها...

وربي يجبر بخواطرنا ونسمع خبر زين منج قرييب..

مشكوره اختي حورا على الرد والله فرحتيني يوم اهتميتي بموضوعي الله يرزقج ويرزقني ويرزق كل محتاج بالذريه الصالحه ان شاء الله