مشكلتي بالحياة امي... كرهتني الحياة

السلام عليكم
بتستغربون من العنوان ادري وهذا انا مثل ما انتوا شايفين يديدة عليكم بس انا دايم اقرا لكم واحسكم ويا بعض ايد وحدة حبيت ادخل وياكم ابي صدر وسيع يتقبلني قسم بالله قاعدة اصيح وانا اكتب لانه المفروض هالصدر يكون صدر امي لكن خسارة
بنات انا مو متزوجة ومو صغيرة عمري 28 سنة عشت حياة مأساه والله اني صادقة بكل كلمة تخيلوا الخدم في البيت يدعولي اني اتزوج حتى ارتاح من عيشتي وانا ادعي اطلع من هالبيت حية ولا ميته
امي يا بنات ما اذكر انه في يوم كانت حنونة معاي دايم اذكر انها تفضل خواني علي مع اني جميلة والحمد الله مصلية وخلوقة محد يعرفني ما يعجب فيني والكل مستغربين من قسوتها علي
خواني الشباب حدث ولا حرج منتهى اللا مبالاة كلن لاهي بنفسه وعلمتهم من صغرهم ما يحبون ابوي ولا يقعدون معه والحين يوم كبروا اتعاتبهم لانه مرات يستكسر منهم اذا كان في البيت ما يقعدون ولا ياكلون الا برا او اذا ما كان موجود بيتجمعون عالسفرة
انا اكبر خواني امي صارمة ويانا اذكر مرة كسرت صحن وكنت صغيرة قامت ادق راسي بالبوابة الحديد حقت البيت عقاب لي ومرة ربطت اخوي على باب الكراج ونادت عيال خالتي يضحكون عليه وتأكله حشيش غصب اتخيلوا القسوة
الحين سوت نفسها الام الحنون الرؤم مع اللي اصغر عنا
كان شعري طويل وقصيته من كثر ما اتيرني من شعري كل ما تعصب وادق راسي باي شي جدامها ملاس ولا جدار ولا باب كرهتني الشعر الطويل واتعظني وممنوع البس بناطلين لو في البيت وممنوع شيل ساري لازم غليضة مرة اونه تربينا عالدين ولازم نقاب ومن صغري اخاف احط كحل في عيني لاني بنطق وبغسله بعدين اتجرأ واقول بروح بيت يدي ولا خالي اتصوروا كل هالممنوعات علي اختي الصغيرة تسوي كل هذا ولا طاحها النقاب والكل ما يروح من عينها واذا قلت شي بكون حقودة ونحيسة وأنانية ومن هالالفاظ
اذا تجرأت وشلت شعر جسمي بحلاوة أكون صايعة وابي افرط ولازم اطلع الشارع ادور لي حد يغازلني لانه هذا اللي ابيه حتى لو احد كلمها وقال لها عادي كل البنات جي نظافة تدخل علي اتفل بويهي وتقول على بالج بطرشين احد وبسمع انا قلت لج مافي شيل لين عرسج حتى تطلعين يديدة ونظيفة وما ابا حد يدخل في تربيتي
ما بطول عليكم اكثر هالامثلة تكفي بس بقولكم شغلة كل ما حد خطبني اتبوز وتلبس شيلة الصلاة ولا تتعدل او تحبس عمرها بغرفة عشان يضايقون ويروحون او هذا مب عايبنها ومافي سبب واذا وافقت تدعي علي الله ياخذني وان شاء الله هالريل ما اشوف خير عنده وياخذ علي
وطبعا تربيتي خلت عندي خوف دائم منها وما بقدر اكسر كلامها مخافة الضربط والاهانة وابوي لاحول له ولا قوة بروحه ماخذ حقه منها كل وقته في البيت صراخ ومشاكل تخيلوا اذا غمضته وعطاني مصروف يكون من وراها ولا يزيد عن 50 - 100 درهم
واليوم اعترضت لاني اسمعها اطالب حق خواني اللي يشتغلون ب 500 فقلت ليش انا اللي اذا اخذت جدامها خمس او عشر دراهم اكون انانية والله يعين اللي بياخذني من كثر طماعة والسب على راسي
بنات مافي حل الا بزواجي المصيبة قاموا الشباب يخافون يخطبوني ومحد ياني من 3 سنوات
انا قاعدة بطالية في البيت حتى اذا تأخرت بالرقاد انهان اخوي اللي كان يتعذب معاي اتزوج بدون رضاها وطلع يشوف حياته وارتاح وما بينا الا اتصال انا وياه كل كم اسبوع
ادعولي بس