العاب تعليمية للطفل

[grade="00008B FF6347 008000 4B0082"]مرحبا حبيبتي ولدك طبيعي 100% لا متأخر ولا شيء والدكتور دايما يقول عدم المقارنه بين طفل وطفل لأن الهرمونات النمو تختلف في منهم يمشون وعمرهم سنه ونص بس ما يسمونه تأخر وفي منهم ما تطلع لهم أسنان ألا إذا تمكنوا من المشي

وأنت أبنك ما شأء الله سنن وهو 10 شهور ومشى وعمره سنه وشهر لا تخافين ولدك طبيعي تصدقين بنت أختي بنتها الحين بتكمل سنه وهي بعدها ما تمشي و ما طلعلها أسنان وأنا عندي طفل الآن عمره 6شهور وبعده ما نكب على بطنه

ليش مستعجله أتركي الولد ينمو لطبيعته ولا تقارنين لأنك بتعبين صدقيني [/grade]

شكرا لكم على الموضوع ولكن شدني العنوان
العاب تعليمية للطفل

بنت الرمس
مشكورة حبيبتي على الرد اليرد على قلبي و لو شوي فديتج و اتريا باقي الأمهات ... بليز الي تحب عيالها لا تقصر معاي في الرد بشي مفيد

بنت الرمس
مشكورة حبيبتي على الرد اليرد على قلبي و لو شوي فديتج و اتريا باقي الأمهات ... بليز الي تحب عيالها لا تقصر معاي في الرد بشي مفيد

و ارد اكرر الطلب

ابدا منكم اشياء تساعده على تطوير قدراته العقلية و اللغوية مثل ألعاب (يوم أسير مركز التعليم المبكر أحتار يوم أبا أشتريله لعبه أحس أنه اللعبة حق سنه ما راح يفهم عليها ):no:

اذا في اشرطة فديو دلوني عليها ... الله يجازيكم
(فكرت ادخله حضانة بس مترددة:think:

:cry:)

الحضانه نصيحه لا لا لا بس اذا عندكم جيران عندهم اطفال الاحسن انه يلعب وياهم

السلام عليكم
عزيزتي هناك كتاب اسمه ( 150 طريقة لتنمية ذكاء الطفل) للمؤلف آن باكوس و اصدار دار الفراشة لبنان
وهناك اشرطة dvd لمؤسسة (baby einstein) وهذا هو السايت للمؤسسة (www.babyeinstein.com)
لكن لا اعرف اين تباع في الخليج.

و هناك نصيحة لا تتهاوني بذكاء طفلك واشتري له الالعاب التي تناسب عمره و لا تفكري بهذه الطريقة
<يوم أسير مركز التعليم المبكر أحتار يوم أبا أشتريله لعبه أحس أنه اللعبة حق سنه ما راح يفهم عليها >

انا كنت افكر مثلك مع ابنتي وفي يوم كنت اسير مع اخت زوجي ونصحتني ان اشتري لها لعبة تركيب الصور فرفضت
وقلت لها كما قلت انت, لكنها قامت بشراء اللعبة وتحدتني بان ابنتي سوف تركب الصور,وهذا ما حدث بالفعل
ومن يومها لم اعد استهين بقدرات ابنتي.

كلامج صحيح 100%

ياريت يا بنات تفيدوني شو احسن الالعاب التعليمية لعمر 3 و 4 سنين

و مشكورة اختي ع الموضوع المهم

دخلت على الموقع و هذه الالعاب التعليمية لعمر فوق سنتين







بنات الي عندها العاب اخرى تفيدنا .....

مثل ماذكرت الأخت اللمبي، بخصوص Baby Inshtain فعلا رائع ويطور عقل الطفل بصورة ماتتصورينها، لما أعطتني صديقتي ال DVD وقلت مستحيل ولدي يفهم وهو بو 4 شهور بس النتيجة كانت رائعة والحين يعرف مقاطع سوف تظهر بعد هذه الصورة ويضحك وينظر إلينا يعني شوفوا الحين بتطلع الصورة ، هو الموقع من الأنترنت وصديقتي تطلبهم وأنا آخذهم عن طريقها...

أي لعبة لا تقولين ماتناسب سنهم بالعكس ماشاء الله عيال هالأيام وايد أذكياء، الله يحفظه لك...

[grade="FF4500 4B0082 0000FF 000000 F4A460"]ما شاء الله البنات ما قصروا

وعن الالعاب التعليميه متوفره بكثره بالمكتبات

انتي روحي وتحصلين اللي تبينه ان شاء الله[/grade]

[grade="FF4500 4B0082 0000FF 000000 F4A460"]زوري هالرابط وان شاء الله يفيدج[/grade]

العاب تعليميه للطفل

شكرا اختي العزيزة meemo0o

و جزاك ربي كل خير

السلام عليكم ورحمة الله وبركاته

تسلموا بنات....ما شاء الله أفدتوني بطريقة روعة

:)

عندي فكرة أختي ليش ما تعمل زيارة لأي رياض أطفال قريب من بيتك وتشوفي كيف المعلمات هناك يعلمن الأطفال وشو هي الوسائل الي يقومن بها بتعليم الأطفال.

وفي حل ثاني وسهل روحي لأي مكتبة تحسيها تهتم بالطفل وتسأليها عن الأشياء اللي ممكن تفيد الطفل بالعمر اللي انتي تبيه. أنا مرة صار عندنا معرض كتاب عالمي ورحت وأشتريت لأولادي مجموعه حلوه من عندهم. واللي تناسب من عمر 1-3 سنوات

السلام عليكم ورحمة الله وبركاته

موضوع حبيته وايد

الله يسلمكم انا عندي بوسعود واموت عليه ومهتمة بشكل ما تتصورون بتربيته وتنمية ذكائه.. عشان كذا تشوفوني اقرأ في الكتب ليل نهار (يعني مو وايد حسب وقتي الفاضي) ... بس احب اقرأ واطبقه عليه .... وهو عمره من عمر ولد Dolh .. بشهر 10 راح يكمل السنتين.. الله يحفظه..

الحل باشياء كثيرة ( من تجربتي الشخصية):

1. التغذية السليمة ... ما تتصورون يا خوات اشلون التغذية مهمة في هالعمر .. وهناك انواع معينة من الأكل تساعد على تنمية قدرات وذكاء الطفل... ما عليكم الا انكم تشترون كتب خاصة بتغذية الأطفال أو حتى تبحثون في النت.. انا الحين اعطي ولدي فيتامينات لانه ما ياكل .. بس يحب السمك وايد وهو مفيد وايد للصحة..

2. شراء الألعاب اللي تنمي الطفل .. وهي اللي تتكلمون عنها.. انا اشتريت كتاب وايد مفيد أسمه " دليل التعليم المبكر للأطفال" تأليف دوروثي اينون .. للدار العربية للعلوم ... اختي Dolh هذا ضالتج ولقيتيها.. بيساعدج بدرجة ما تتصورينها.. هو عبارة عن كتاب فيه كل انواع الألعاب اللي تناسب الأطفال من الولادة الي 6 سنوات يعني قبل ما يدخلون المدرسة.. ومزود بصور عشان يساعدج في شراء الألعاب...
انا قرأت بعض اللي في الكتاب وسجلت كم لعبة ابغي اشتريهم اذا رحت السعودية نهاية الشهر .. ان شاء الله... من مركز التعليم المبكر في الراشد على ما أظن.. أنصحك انك تشتريه لانه وايد مفيد...

3. اللعب مع الأطفال مهم وايد ... واذا لم تجدي الأطفال انت لعبي معاه .. بهالطريقة تصيدين عصفورين بحجر.. يلعب ويستانس وفي نفس الوقت تقوى رابطة الحب بينكم... انا العب مع ولدي لما يكون عندي وقت .. صحيح مقصرة بس بعض الأحيان اصير كني طفلة معاه .. حتى زوجي يتطنز علي..

4. الحضانة حل حلو بس اللي تكونين واثقة منها.. يعني انه فكرت اني اوديه للحضانة اللي قريبة من منطقتي لكن الرعاية اللي بيعطونها لولدج غير عن رعاية الأم... فالأفضل بما انك ما تعملين (صح؟) انك تخلينه عندك ... وايد احسن...

5.حبيبتي ... انا ما اخلي ولدي يشوف التلفزيون وايد .. اقصد سبيس توووون أو MBC3 لان بصراحة شفت ان فيها وايد اشياء ما تصلح للطفل سواء للي بسن ولدي او اللي اكبر منه.. ما في رقابة للمسلسلات الكرتونية اللي تنعرض.. اغلبها عنف وبعضها مخدشة للحياء بطريقة والا اخرى .. مو شرط بالكلام حتى في اللبس... عشان كذا مفكرة اشترك في باقة المجد للأطفال اذا الله كتب..
واشتريت له اقراص DVD ل TELETUBBIES اللي حسيت انها مناسبة ... وبعد BARNEY مع اني ما ابغيه يتعلم على الأغاني بس اكتشفت انه يحبهم وايد وبالمصادفة اكتشفت انه يقول الكلمات اللي بيقولونه ..مثل Hello>> Hug

6. على طول كلمي ولدج حتى لو انه ما يفهم لج .. كلميه وخلاص كأنك تكلمين صديقتك... لاني قرأت في كتاب انك لما تكلمين الطفل وتشوفينه في عينه وتسمعين خرابيطه حتى لو كنت ما تفهمين شو يقصد يخليه يصير مستمع جيد .. ويلقط كم كلمه منج وبيفاجئك ان يقول كم كلمه انت وياه تعلمتوها..


في النهاية وعذرا على الإطالة ... لا تستعجلين على الولد ....خفي شوي عليه... ولدي بعد تأخر في الكلام والي الحين احسه انه مو مثل اللي بسنه... بس قلت خلاص ليش اعور قلبي متى ما تكلم تكلم ... ما لا داعي اضغط عليه او على روحي ... خصوصا ان الأولاد يتأخرون في الكلام مو مثل البنات.. بنت صديقتي.. ما شاء الله عليها .. اكبر من ولدي بشهر .. بس فاجأتني لما تكلمت بكلمات وايد واضحة.. قلت في خاطري ليش ولدي ما يتكلم مثلها ... لما فكرت عرفت ان هناك فروق فردية ونمو البنات غير الأولاد فتوكلت على الله .. وحاولت اني انمي النطق عنده بالطرق اللي ذكرتها......

مسامحة على الثرثرة.....معلمة شنسوي...

أي أم تقارن بأبنها أو بنتها , تظلمهم أشد ظلم , سبحان الله , كل طفل له سماته الخاصة به وله ميزاته .. من تجربتي مع أبنائي لا تقارنيهم بأحد حتى لا تخسرين طفولتهم وتحولينها لتعاسة ..
بسبب المقارنة .. تفهمي طفلك ,, أنتِ العبي معه بيديك كما فعلت جداتنا , , , ..
الألعاب نعم تفيد ولكن تدمر أيضا ,, لا تسمري طفلك أمام شاشات التلفزيون بحجة أن يشاهد كرتون
أو تلقي بالإلكترونيات بين يديه فيصبح أغبى خلق ا لله .. الخطاب للجميع وليس لك وحدك اختي ولكن وجدت فرصة للتحدث عن أبناءنا الذين باتوا أغبياء موضوع تعبير بسيط يقف الطفل عاجز عن
كتابة حرف واحد فيه بدون مساعدة الأم . كله بسبب الإلكترونيات .. أين فصاحة العرب أين ذكاءهم
أين الفطنة ؟؟ قتلناها بإيدينا ..

جزاكم الله خيرا وأحسن الله إليكم

أختكم أم

اختي الغاليه بالنسبة للالعاب

ممكن تاخذين له
1- مجسمات حيوانات الغابه اليفه و مفترسه بس الافضل اللي لها اصوات تميزها مثل الاسد بقرة خروف قطة كلب
2- يحتاج صور فواكه او مجسمات هذا يحتاج ترديد للالفاظ وااايد عسب يحفظ و تكون له كلمات جديده فقاموسه يعني ممكن تتعلق على الجدار بعد
3- قصه سهلة جدا مع الصور التمثيليه بطه تسبح ززز بنت تلبس حذاءها
4- العاب التركيب الحجم الاكبر عسب مايبلعهم و ساعديه عسن يفهم الفكرة
5- كرة لتقوية العضلات طبعا مع الاطفال

يمكن في اشيا اكثر بس هاي الاسهل

الاشرطه ممكن تسألين عن حروف الهجاء في رسمو الكرتون اسمه (((اخلاقنا الحميدة)))

و شكرا

الله يوفقك من انا محتاجه لاشياء تعليميه لولدي اذا عندك اشياء اكثر افيديني الله يجزاك بالخير