اللي مش حلوة ....أن شاء الله هخليكي قمر

أخواتي وحبيباتي ....

الحقيقة أنا صريحة جدا ومابحبش النفاق ... وفية بنات منا مش حلوات طيب وأيه يعني؟؟؟ طبعا هتفتكروني هابله .... مش مهم

أولا هعرفكم أني عاشقة للجمال وعندي خبرة جدا بكل مايخص الجمال وباشتغل بالتجميل وعشان كده بشوف كتير وعايزه أقولكم كل واحدة تحمد ربنا علي شكلها لأنها أحسن من غيرها

والمهم في الموضوع

مافيش واحدة كل مافيها وحش ... يعني باختصار لو كنتي وحشة وعايزة تبقي حلوة هعرفك سر المهنة وأجري علي الله

عايزة أقول أولا أهتمي بالنعومة والنظافة لبشرتك لأن ده هو الجمال الحقيقي
ثانيا دوري علي الحاجة الحلوة فيكى وحاولي تبرزيها .......وبحكم الخبرة ممكن واحدة مش جميلة تكون جذابة جدا ومغرية (لزوجها طبعا) أكتر من واحدة جميلة ومهملة

مثلا فيه واحدة شعرها وحش ... بس عنيها حلوة ..ودي لازم تظهر عنيها كويس وتشوف قصة ولون يخفوا عيب شعرها
وفيه واحدة فمها كبير ... دي لازم تبدأ في مكياجها بوضع كريم أساس علي الفم ثم ترسم الشفايف من الداخل يعني الرسم يكون قبل حدود الشفايف من الداخل وتكون منطقة التقاء الشفتين مرسومة بشكل شبه دائري علشان يصغر حجم الفم وكمان تختار لون روج مناسب يعني بلاش لون فاقع وايضا تمتنع عن وضع ملمع الشفايف لأنه هيكبر شفايفها

وإن حبيتو تسألوني أي سؤال أو تعرفوا أي معلومة أو نصيحة أنا جاهزة من عيوني بس كفاية كده طولت عليكوا المرة دي مع حبي

elnoonoo