السلام عليكم ورحمة الله وبركاته
الانسان مخلوق آدمي بقلب وإحساس..
والقلب مشاعر.. ومحد يقدر يتحكم في مشاعره.. لأنها لاإراديه
لكن شو شعوركم لين أحد غصبكم على انكم تحبون شي معين؟
يمكن لو أكله ماعليه تفوتينها بتقولين الا هي مره وحده .. وبتتحملين
لو سفره وانتي موحابتنها بتقولين ماعليه مرحله وتعدي .. وتفوتينها
لو دراسه ولاشغل الاختيار يكون بايدج تقدرين تغيرين المجال اللي انتي فيه.. يعني في أمل يتغير كل شي
لكن شو يصير لو وحده مغصوبه على انسان ماتبينه؟؟! "طبعا هاي أنا"!!!
اي ما ابيه ولا اقدر اتقبله واقص على عمري اذا قلت اقدر اعيش وياه..
ولاتنسون الناس اللي حواليكم لهم تأثير.. وانا الله أعلم بحالي
أهلي غصبوني عليه وفوق هذا كله موعاجبنهم ولاأهله عاجبينهم
بس لازم أخذه لأنه ولد عمتي يعني
بتقولون شو علي من أهلي دام اني ابا الريال..
لكن أقولكم لو انسان كنت احبه او عالاقل اقدر اتأقلم معاه مايهمني لاأهلي ولا أهله لأنه أكيد راح يعوضني وهو اللي بيشلني في المستقبل
بس المصيبه لاصار انسان مااتحمله ولا اتقبله.. قلبي جذي ما يتقبله شو اسوي بعمري حاولت صارلي سنتين على هالحال ادعي واصلي بس خلاص مشاعري ميته اتجاهه..
وأزيدكم من الشعر بيت إنه علاقتنا مولين هناك مع أهل الوالد.. بينا 100 حاجز وحاجز.. كيف بقدر اعيش وياهم في المستقبل.. ياريت لو بيت بروحي بعد لا.. بكون عايشه ويا العايله الكريمه
اوكي بقص على عمري بخلي عمري مستانسه بجامله .. كم بتم على هالحال سنه سنتين اربع سنين 10 سنين.. بس ما اظن انه العمر كله.. وبعد ما أظن إني بقدر اعطيه حقوقه كزوج
صحيح في وايد أزواج ماكانوا يحبون بعض وعايشين ماشاءالله عليهم مستانسين عقب الزواج ..
بس تخيلي معاي كل بنت تحب تكون فرحانه وهي تجهز لمجلتها او عرسها وتسولف ويا أهلها وصديقاتها عن حياتها اليديده..
لكن أنا غير عن البنات.. اكره طاري الملجه احس جبل على صدري من هالطاري
والمصيبه انه أهلي يجهزون حق ملجتي وانا مادري .. حتى حفله حالي حال البنات ماشي .. بنقول ماعليه على شواسوي حفله وانا مب مستانسه اصلا .. تخيلوا يسحبوني شرات الهبله ويودوني الخياط ومجهزين القطعه وكل شي وبس يالله انزلي خلي ياخذون عليج القياسات.. وانا مصدومه وارتجف .. ليش وشو السالفه.؟؟!!
يعني حتى مالي راي في اللبس اللي بلبسه.. طبعا هالشي طازج اليوم
وماخفي أعظم
لابعد ما يبوني انغم واضايق .. يبوني اضحك واستانس..
موكفاية ضغط الدراسه والامتحانات في هالفترة.. وانا صدق اقولكم اني في عز الضغط كل يوم امتحان وتسليم بروجكت.. يعني مالي خاطر حق شي واللي فيني مكفيني من هم الدراسه وهالدور هم البيت
ضايق خلقي ياخواتي قولولي شو اسوي
ماودي السنه الدراسيه تخلص صرت اكره يلسة اللبيت.. وكل يوم اشوف صديقاتي معاي مستانسين انه انتهى الدوام.. واللي مستانسه انه الاجازه قربت.. بس انا شعوري العكس
امتحان واحد متأكده اني رسبت فيه لأني قدمته وانا تفسيتي في القاع.. ومستواي يوم عن يوم ينزل ..وباجر امتحان مصيري تقدرون تقولون لأني ان ما سويت فيه زين ما راح ادخل التخصص اللي ابغيه السنه اليايه.. وكيف بقدر اذاكر اليوم عقب الموقف اللي سووه فيني..
حياتي انتهت خلاص.. وبكون عروس تعيسه خلال هالشهر.. وبدال ما الناس تبارك لي ابيها تعزيني على حياتي
ماعندي حد أشكي له.. الكل في البيت ضدي.. تخيلوا شو حياتي في البيت يالسه بروحي وساكته
اسكت وأوافق وأظلم نفسي وأظلم الريال معاي.. وأفتك من البيت ومشاكله وهمومه
ولا استمر على رايي اني ما ابغيه.. طبعا لاتنسون التأثيرات النفسيه اللي بعيشها ومتأكده أهلي معاملتهم بتتغير معاي لأن تفكيرهم ان رفضت راح انزل راسهم في الأرض بين العايله الكريمه.. أصلا من صار يمكن أكثر عن سنة علاقتي بأمي وأبوي وكل اللي في البيت سطحيه جدا من تأثير هالسالفه.. اذا أهلي علاقتي سطحيه فيهم فكيف بكون بره البيت؟!
في الحالتين حياتي أرف وزفت
مادري ان كانت مشكلتي مفهومه ولا لأ لأنها قصه طويله بدت من سنتين واللي خبرتكم عنه رؤوس أقلام عن الايام الحاليه اللي اعيشها
ما اظن انه بلاقي حل لمشكلتي بس لاتبلخون علي برايكم .. محتاجه حد يخفف عني
اختكم المعذبه
عروس الموت
لأول مرة اشكي لكم!!.. تعالوا عزوني في ملجتي وبكون شاكره لكم
b
06-06-2005 | 05:03 PM
ا
06-06-2005 | 05:17 PM
وعليكم السلام..
الصراحه كلامج عن معاناه وبقلب الله اعلم به كيف حالج وانتي تكتبين الموضوع..
والله اختي وياج قلبا وقالبا والصراحه لاتعليق بعد كلامج. لان كل اللي ابغيه كنت اقوله او خيط اتميك فيه قضيتي علية من كل الجوانب وماقدر اتدخل من اي جهه.
عالعموم القرار مثل هذا مب من عندج عند الريال ولازم هو يتصرف وانتي لاحول ولاقوه.. الله وياج.
وشي خارج عن الاراده ..
وعسى ان تكرهو شيئا وهو خير لكم.
وشكرا
الصراحه كلامج عن معاناه وبقلب الله اعلم به كيف حالج وانتي تكتبين الموضوع..
والله اختي وياج قلبا وقالبا والصراحه لاتعليق بعد كلامج. لان كل اللي ابغيه كنت اقوله او خيط اتميك فيه قضيتي علية من كل الجوانب وماقدر اتدخل من اي جهه.
عالعموم القرار مثل هذا مب من عندج عند الريال ولازم هو يتصرف وانتي لاحول ولاقوه.. الله وياج.
وشي خارج عن الاراده ..
وعسى ان تكرهو شيئا وهو خير لكم.
وشكرا
b
06-06-2005 | 06:54 PM
تسلمين عزيزتي أم مهير
فرحت يوم شفت اسمج وايد وانتي الوحيده اللي رديتي علي
الحمدلله على كل حال
ما باليد حيله وانتظر حكم الزمن علي
العفو
المعذبه
عروس الموت
فرحت يوم شفت اسمج وايد وانتي الوحيده اللي رديتي علي
الحمدلله على كل حال
ما باليد حيله وانتظر حكم الزمن علي
العفو
المعذبه
عروس الموت
د
06-06-2005 | 07:37 PM
شدعوة يالغالية هونيها وتهون ليش شايلة الدنيا فوق راسج تفائلي بالخير وربج بيسرها باذن الله ولاتفكرين الا ان اللي الله كاتبة لج بيصير ولاتنسين الدعاء وكثرة الاستغفار .
طيب انتِ ماذكرتي اي شئ عن سعيد الحظ!! خلوق ، ملتزم،، شنو موقفه من الموضوع؟ شوفيه سبحان الله يمكن تكونين ظالمته !!! او يكون موقفه مثل موقفج ...وربي يعينج ...لاتفكرين بالموضوع كثير وانتبهي لنفسج ودراستج والله يوفقج
ويكتب اللي فيه الخير والصالح.
اختج
دوحة الجميع
الحمدلله والصلاة والسلام على رسول الله وعلى آله واصحابه أجمعين
طيب انتِ ماذكرتي اي شئ عن سعيد الحظ!! خلوق ، ملتزم،، شنو موقفه من الموضوع؟ شوفيه سبحان الله يمكن تكونين ظالمته !!! او يكون موقفه مثل موقفج ...وربي يعينج ...لاتفكرين بالموضوع كثير وانتبهي لنفسج ودراستج والله يوفقج
ويكتب اللي فيه الخير والصالح.
اختج
دوحة الجميع
الحمدلله والصلاة والسلام على رسول الله وعلى آله واصحابه أجمعين
R
06-06-2005 | 07:39 PM
اختي سمي بالله وهدي... وتاكدي ان ربي بيكون معاج... ارتاحي وصلي صلاة استخارة.. مب عشان تتريين جواب معين،،، بس عشان تتركين امورج بين ايدين رب العالمين...اذا هو كاتبلج هالريال بتتسهل الامور وبتشوفين نفسيتج ارتاحت ومو مصدقة متى العرس.. واذا مب كاتبه لج هم بتلاقين نفسيتج ارتاحت وتعقدت الامور وتفركشت السالفة مب منج بس من امور ثانية وهذا بيشيل عنج المسؤؤلية جدام اهلج والشعور بالذنب.....صدقيني مهما سرنا وردينا الانسان يتم ضعيف جدام قوى الحياة.. مهما كنتي ذكية مابتقدرين تاخذين القرار الصح دايما...عشان جيه ربج هو الي بيحلها..انتي بس اساليه وبتشوفين...
الله يوفقج وطمنينا دوم عليج.........
الله يوفقج وطمنينا دوم عليج.........
ن
06-06-2005 | 07:39 PM
ياقلبي يابزسنس جيرل
قطعتي قلبي والله
شوفي من راي يا اما ترفضي هالزواج وعلى قولتك بتنزلي راس اهلك في الارض(الله يعزك اختي عن هالكلام)
ومصيرهم يملوا وتعود المياه الىمجاريها باذن الله
والراي الثاني يمكن الرجال زين انتي ما قلتي لنا ليش مو طايقته؟
هل مثلا ما يصلي
او مو متعلم او من هالصفات
والراي الاخير بحكي لك قصة وحدة من قرايبنا بعيدة هي شوية بس اعرف قصتها زين
هي كانت مغصوبة على اخو زوجة ابوها
وهي بعدها بنية صغيرة يعني يمكن 17 سنة
وركبت فوق ونزلت تحت ما ابغاه وما ابغاه.. ليش؟لانه اخو زوجة ا بوها وهي سيئة
المهم ابوها غصبها على الرجال
بس سبحان الله
الرجال كان حنون كثير وطيب عكس اخته الشرانية
والله يخبروني انها مرتاحة معاه ومقتدر ماديا
انا اقولك عزيزتي(وعسى ان تكرهوا شيئا وهو خير لكم وعسى ان تحبوا شيئا وهو شر لكم)
سورة البقرة
استمري على صلاة الاستخارة واستمري على قيام الليل وادعي ربك انه اللي فيه الخير يقدمه
وما بيردك خايبة
اتمنى تخبرينا وش بيصير معك:)
نصيحتي لك اختي واتمنى تطبقيها
رددي طول الوقت (لاحول ولاقوة الا بالله العلي العظيم)
ورددي ان لله وانا اليه راجعون
واكثري من ذكر الله لانه بذكر الله تطمئن القلوب
قطعتي قلبي والله
شوفي من راي يا اما ترفضي هالزواج وعلى قولتك بتنزلي راس اهلك في الارض(الله يعزك اختي عن هالكلام)
ومصيرهم يملوا وتعود المياه الىمجاريها باذن الله
والراي الثاني يمكن الرجال زين انتي ما قلتي لنا ليش مو طايقته؟
هل مثلا ما يصلي
او مو متعلم او من هالصفات
والراي الاخير بحكي لك قصة وحدة من قرايبنا بعيدة هي شوية بس اعرف قصتها زين
هي كانت مغصوبة على اخو زوجة ابوها
وهي بعدها بنية صغيرة يعني يمكن 17 سنة
وركبت فوق ونزلت تحت ما ابغاه وما ابغاه.. ليش؟لانه اخو زوجة ا بوها وهي سيئة
المهم ابوها غصبها على الرجال
بس سبحان الله
الرجال كان حنون كثير وطيب عكس اخته الشرانية
والله يخبروني انها مرتاحة معاه ومقتدر ماديا
انا اقولك عزيزتي(وعسى ان تكرهوا شيئا وهو خير لكم وعسى ان تحبوا شيئا وهو شر لكم)
سورة البقرة
استمري على صلاة الاستخارة واستمري على قيام الليل وادعي ربك انه اللي فيه الخير يقدمه
وما بيردك خايبة
اتمنى تخبرينا وش بيصير معك:)
نصيحتي لك اختي واتمنى تطبقيها
رددي طول الوقت (لاحول ولاقوة الا بالله العلي العظيم)
ورددي ان لله وانا اليه راجعون
واكثري من ذكر الله لانه بذكر الله تطمئن القلوب
م
06-06-2005 | 07:41 PM
مرحبا الغاليه
عورني قلبي على حالتج
و الله يعينج و يفرج كربتج
الغاليه استخيري في الريال
و ما خاب من استخار
إذا الأمور لمصلحتج و خير لج في هل الدنيا
بتمشي الأمور مثل ماهي ماشيه الحينه
و إذا شر لج ...صدقيني بتتوقف لو كل الدنيا كانوا موافقين من زواجج من هل الإنسان
قومي ع صلاه الفجر ولا قيام الليل.....اقري سوره يس....ادعي لربج.....
و بكتبلج هنيه كمن دعاء أتمنى لو تذكرينها عند قرايتج للقرآن...منقول من كتاب مفاتيح الفرج لترويح القلوب و تفريج الكروب
دعاء عيسى عليه الصلاه و السلام
اللهم إني أصبحت لا أستطيع دفع ما أكره، ولا أملك نفع ما أرجو و أصبح الأمر بيد غيري. و أصبحت مرتهناً بعملي فلا فقير أفقر مني ، اللهم لا تشمت بي عدوي ولا تسوء بي صديقي ولا تجعل مصيبتي في ديني، ولا تجعل الدنيا أكبر همي، ولا تسلط علي من لا يرحمني .. يا حي يا قيوم
دعاء يعقوب عليه الصلاة والسلام
بسم الله الرحمن الرحيم...يا من خلق الخلق بغير مثال و يا من بسط الأرض بغير أعوان...و يا من دبر الأمور بغير وزير...و يا من يرزق الخلق بغير مشير...( ثم تدعو بما شئت يستجيب لك الله بإذنه)
مسني الضر و أنت أرحم الراحمين
الرسول صلى الله عليه و سلم كان يقول عند الكرب
لا إله إلا الله الحليم الكريم
لا إله إلا الله العلي العظيم
سبحان رب السماوات ورب العرش العظيم
الحمدلله رب العالمين
عورني قلبي على حالتج
و الله يعينج و يفرج كربتج
الغاليه استخيري في الريال
و ما خاب من استخار
إذا الأمور لمصلحتج و خير لج في هل الدنيا
بتمشي الأمور مثل ماهي ماشيه الحينه
و إذا شر لج ...صدقيني بتتوقف لو كل الدنيا كانوا موافقين من زواجج من هل الإنسان
قومي ع صلاه الفجر ولا قيام الليل.....اقري سوره يس....ادعي لربج.....
و بكتبلج هنيه كمن دعاء أتمنى لو تذكرينها عند قرايتج للقرآن...منقول من كتاب مفاتيح الفرج لترويح القلوب و تفريج الكروب
دعاء عيسى عليه الصلاه و السلام
اللهم إني أصبحت لا أستطيع دفع ما أكره، ولا أملك نفع ما أرجو و أصبح الأمر بيد غيري. و أصبحت مرتهناً بعملي فلا فقير أفقر مني ، اللهم لا تشمت بي عدوي ولا تسوء بي صديقي ولا تجعل مصيبتي في ديني، ولا تجعل الدنيا أكبر همي، ولا تسلط علي من لا يرحمني .. يا حي يا قيوم
دعاء يعقوب عليه الصلاة والسلام
بسم الله الرحمن الرحيم...يا من خلق الخلق بغير مثال و يا من بسط الأرض بغير أعوان...و يا من دبر الأمور بغير وزير...و يا من يرزق الخلق بغير مشير...( ثم تدعو بما شئت يستجيب لك الله بإذنه)
مسني الضر و أنت أرحم الراحمين
الرسول صلى الله عليه و سلم كان يقول عند الكرب
لا إله إلا الله الحليم الكريم
لا إله إلا الله العلي العظيم
سبحان رب السماوات ورب العرش العظيم
الحمدلله رب العالمين
r
06-06-2005 | 07:47 PM
انتي لازم تكلمينه وتقولين له انك ما تبينه
وجوفي يمكن يتدارك الوضع هو
وجوفي يمكن يتدارك الوضع هو
r
06-06-2005 | 07:57 PM
صح انتي تقولين انه ولد عمتك يعني عادي لو كلمتيه ووضحتي له الموضوع انك ماتبينه
ومغصوبة عليه ومستحيل ريال بالعالم تقولين له ماتبيه ويرضى فيك
حاولي توضحي له الموضوع
ومغصوبة عليه ومستحيل ريال بالعالم تقولين له ماتبيه ويرضى فيك
حاولي توضحي له الموضوع
r
06-06-2005 | 07:57 PM
اذكري الله انت تقول هشكل بس الله كاتبه لك لازم تفهمين هذا زين موشرط الحب قبل الزواج يمكن انتي ظالمته ويمكن يطلع اخير من غيره ياما شفت بنات والله انها الحين تحب تراب رجله وتقول الحمد لله انه الله عطاني ايه ما اخذت غيره
الموضوع بيدك انتي تقدرين تشكلينه بيدك وتقدرين تخلينه يموت فيك . لا تستعجلي وتحكمي عليه خلي الموضوع يمشي بسلام وصدقني الله بيوفقك اذا انت واثقه من ان الله معاك في الخير
الموضوع بيدك انتي تقدرين تشكلينه بيدك وتقدرين تخلينه يموت فيك . لا تستعجلي وتحكمي عليه خلي الموضوع يمشي بسلام وصدقني الله بيوفقك اذا انت واثقه من ان الله معاك في الخير
ا
06-06-2005 | 08:05 PM
السلام عليكم ورحمة الله وبركاته
الله يعينج اختي العزيزة
نصيحتي لج تقرين الأدعية اللي ذكرتها اختنا ملاك بوظبي
وكثري من قراية القرآن الكريم لين ما ينشرح صدرج
وبعدين قرري....
نصيحة أخيرة: لا تحطين السلبيات أول شي عشانها دوم تنبان أكبر من حجمها الحقيقي وتأثر على نفسيتج وقرارج
الله يوفقج للخير
الله يعينج اختي العزيزة
نصيحتي لج تقرين الأدعية اللي ذكرتها اختنا ملاك بوظبي
وكثري من قراية القرآن الكريم لين ما ينشرح صدرج
وبعدين قرري....
نصيحة أخيرة: لا تحطين السلبيات أول شي عشانها دوم تنبان أكبر من حجمها الحقيقي وتأثر على نفسيتج وقرارج
الله يوفقج للخير
b
06-06-2005 | 08:16 PM
خواتي والله اني تفاجأت من الردود
ماقصرتوا والله حبيباتي
الله يخليكم ان شاءالله ويسعدكم في حياتكم
دوحة الجميع
مشكورة على كلامج الطيب .. والله شو اقولج طبعي جذي حساسه بزياده وسواسيه واشيل هم وايد
وبالنسبة لسعيد الحظ.. بيكون تعيس الحظ معاي لو خذاني الله يسعده في حياته ان شاءالله
ملتزم الحمدلله يصلي يصوم بار بوالدينه.. بس انا يوم اتكلم معاه ما ارتاح نفسيا.. هو شي جاف في المعامله وانا حساسه وكل مره احاول اني اتجاهل هالموضوع بس لازم اتضايق منه..وبعدين احس فيه فرق في طريقة ومستوى التفكير مادري هل لأني جامعية وهوثانوي.. وبعدين مثل ما خبرتكم انه العلاقة العائلية ضعيفه ودايما تصير مشاكل وتصرفات موحلوه وأهلي ما مقصرين ماشاءالله يخبروني عنهم وجني أنا المسؤولة عن تصرفاتهم.. بس انا شو ذنبي.. ما اكرر حياة امي وابوي مره ثانيه.. كفاية اني انحرمت من الحنان في البيت وكنت اقول ماعليه الله بيعوضني في الزوج الصالح..
هو يعرف اني مضايقه ويشوفني كيف جافه معاه.. بس يقول انتي كل هذا من الدراسه طبعا انا ما ابين له اني مضايقه منهم كل ماضاق خلقي اقول ضغوطات دراسيه
مشكورة أختي جزاج الله خير عالمرور والكلام الطيب منج ودعواتج الحلوه
Reef
تسلمين عزيزتي عالمرور
والله اني مقتنعه بكلامج ودوم افكر جذي.. بس اقول خلاص الوقت قرب ومابقى شي ولين متى بتم جذي .. وانا من سنتين على هالحال
الله يفرجها يااارب
ومشكوورة اختي على ردج الطيب
الله يوفقج ان شاءالله
نجمة الفجر
ما قصرتي والله
وانا افكر الحين اني اوصل رفضي للريال.. قبل كنت اقول يمكن اييني وقت او يوم واندم لأني رفضت.. بس خلاص عقب ما شفت تصرفات أهلي معاي كرهت كل شي اعرف اني بحط كل حرتي فيه وبظلمه.. والله اني كرهت شي اسمه عرس
وبالنسبة للريال ذكرت فوق انه فيه فرق التعليم.. واضيف بعد بالنسبة للشكل مزيون انه طولي.. وانا ما اتقبل ريال من طولي ما احس اني اكون انثى ضعيفه دلوعه يم ريال هيبه وشخصيه مادري بس تفكيري جذي .. احاول اني ما اركز على هالنقطه وايد لأنها خلقة رب العالمين ولو انها معقدتني والحمدلله على كل حال
والحمدلله البنت توفقت مع الريال والله يوفق الجميع ان شاءالله
ودعواتكم لي
تسلمين عالمرور والرد الطيب
الله يخليكم ياارب
ملاك_بوظبي
تسلمين حبيبتي والله عالمرور
يارب الله يصلح الأمور ويكتب لنا اللي فيه الخير
ومشكورة عالأدعيه وان شاءالله بخزنها عندي عشان ارددها دوم
ان شاءالله بقوم الليل وادعي واستخير لين الله يفرجها
مشكورة عالرد الطيب منج والدعوات الحلوه
الله يوفقج ان شاءالله
Rosena
تسلمين عالمرور
ما اخش عليكم انه هو بعد يكسر خاطري ولواني ما طايقتنه
هو شوذنبه يتحراني موافقه وانا ما ابغيه؟!
والحين عقب سنتين أرفضه
وقبل قالي كم مره اذا ما خذتج بعد خلاص ما افكر في العرس مول
اتمنى والله الله يوفقه في حياته سواء معاي ولا مع غيري ويكتب له اللي فيه الخير
مادري شواقولكم والله بس ردودكم ريحتني وايد
والحين بحاول اسير اذاكر شوي لأني باجر امتحاني
ادعولي
عروس الموت
ماقصرتوا والله حبيباتي
الله يخليكم ان شاءالله ويسعدكم في حياتكم
دوحة الجميع
مشكورة على كلامج الطيب .. والله شو اقولج طبعي جذي حساسه بزياده وسواسيه واشيل هم وايد
وبالنسبة لسعيد الحظ.. بيكون تعيس الحظ معاي لو خذاني الله يسعده في حياته ان شاءالله
ملتزم الحمدلله يصلي يصوم بار بوالدينه.. بس انا يوم اتكلم معاه ما ارتاح نفسيا.. هو شي جاف في المعامله وانا حساسه وكل مره احاول اني اتجاهل هالموضوع بس لازم اتضايق منه..وبعدين احس فيه فرق في طريقة ومستوى التفكير مادري هل لأني جامعية وهوثانوي.. وبعدين مثل ما خبرتكم انه العلاقة العائلية ضعيفه ودايما تصير مشاكل وتصرفات موحلوه وأهلي ما مقصرين ماشاءالله يخبروني عنهم وجني أنا المسؤولة عن تصرفاتهم.. بس انا شو ذنبي.. ما اكرر حياة امي وابوي مره ثانيه.. كفاية اني انحرمت من الحنان في البيت وكنت اقول ماعليه الله بيعوضني في الزوج الصالح..
هو يعرف اني مضايقه ويشوفني كيف جافه معاه.. بس يقول انتي كل هذا من الدراسه طبعا انا ما ابين له اني مضايقه منهم كل ماضاق خلقي اقول ضغوطات دراسيه
مشكورة أختي جزاج الله خير عالمرور والكلام الطيب منج ودعواتج الحلوه
Reef
تسلمين عزيزتي عالمرور
والله اني مقتنعه بكلامج ودوم افكر جذي.. بس اقول خلاص الوقت قرب ومابقى شي ولين متى بتم جذي .. وانا من سنتين على هالحال
الله يفرجها يااارب
ومشكوورة اختي على ردج الطيب
الله يوفقج ان شاءالله
نجمة الفجر
ما قصرتي والله
وانا افكر الحين اني اوصل رفضي للريال.. قبل كنت اقول يمكن اييني وقت او يوم واندم لأني رفضت.. بس خلاص عقب ما شفت تصرفات أهلي معاي كرهت كل شي اعرف اني بحط كل حرتي فيه وبظلمه.. والله اني كرهت شي اسمه عرس
وبالنسبة للريال ذكرت فوق انه فيه فرق التعليم.. واضيف بعد بالنسبة للشكل مزيون انه طولي.. وانا ما اتقبل ريال من طولي ما احس اني اكون انثى ضعيفه دلوعه يم ريال هيبه وشخصيه مادري بس تفكيري جذي .. احاول اني ما اركز على هالنقطه وايد لأنها خلقة رب العالمين ولو انها معقدتني والحمدلله على كل حال
والحمدلله البنت توفقت مع الريال والله يوفق الجميع ان شاءالله
ودعواتكم لي
تسلمين عالمرور والرد الطيب
الله يخليكم ياارب
ملاك_بوظبي
تسلمين حبيبتي والله عالمرور
يارب الله يصلح الأمور ويكتب لنا اللي فيه الخير
ومشكورة عالأدعيه وان شاءالله بخزنها عندي عشان ارددها دوم
ان شاءالله بقوم الليل وادعي واستخير لين الله يفرجها
مشكورة عالرد الطيب منج والدعوات الحلوه
الله يوفقج ان شاءالله
Rosena
تسلمين عالمرور
ما اخش عليكم انه هو بعد يكسر خاطري ولواني ما طايقتنه
هو شوذنبه يتحراني موافقه وانا ما ابغيه؟!
والحين عقب سنتين أرفضه
وقبل قالي كم مره اذا ما خذتج بعد خلاص ما افكر في العرس مول
اتمنى والله الله يوفقه في حياته سواء معاي ولا مع غيري ويكتب له اللي فيه الخير
مادري شواقولكم والله بس ردودكم ريحتني وايد
والحين بحاول اسير اذاكر شوي لأني باجر امتحاني
ادعولي
عروس الموت
b
06-06-2005 | 08:27 PM
الكل ركز على علاقتي بالريال صحيح انها المشكله الأساسيه
بس انا اللي مضايقني اكثر الحين ليش أهلي يعاملوني جذي.. ليش يخشون علي.. انا مب بنتهم ولا شايفين في الموضوع شي غلط ويبون يخشونه عني ..أسلوبهم هذا خلاني انفر من الريال أكثر عن قبل
هم بأسلوبهم يحسسوني بالنقص واني اقل عن غيري وحتى ما استاهل افرح بعمري
لو شغاله بتودينها المطار كنت بتخبرينها قبل وتجهز نفسها .. موانا يقولون اني عروس ومخليني زي الأطرش في الزفه
rain
مثل ما ذكرت في ردي فوق اني احاول اوصل له رفضي.. بس ياويلي ياسواد ليلي من أهلي مادري كيف بيجابلهم بعدين.. كفاية العلاقة بيني وبينهم مبتورة
الله كريم أختي
تسلمين عالمرور والرد الطيب
الله يوفقج ان شاءالله
Row3a
لاحول ولا قوة إلا بالله العلي العظيم
كلامج على عيني وراسي الغالية
بكون فرحانه والله اذا اني قدرت اتقبله واعيش معاه بس الحين صارلي سنتين ويوم عن يوم الظروف تصير للأسوء
والله يكتب لنا اللي فيه الخير ان شاءالله
Runaway Bride
وعليكم السلام والرحمة
ان شاءالله راح ادعي واصلي اكثر واكثر
تسلمين عالمرور الطيب
بس انا اللي مضايقني اكثر الحين ليش أهلي يعاملوني جذي.. ليش يخشون علي.. انا مب بنتهم ولا شايفين في الموضوع شي غلط ويبون يخشونه عني ..أسلوبهم هذا خلاني انفر من الريال أكثر عن قبل
هم بأسلوبهم يحسسوني بالنقص واني اقل عن غيري وحتى ما استاهل افرح بعمري
لو شغاله بتودينها المطار كنت بتخبرينها قبل وتجهز نفسها .. موانا يقولون اني عروس ومخليني زي الأطرش في الزفه
rain
مثل ما ذكرت في ردي فوق اني احاول اوصل له رفضي.. بس ياويلي ياسواد ليلي من أهلي مادري كيف بيجابلهم بعدين.. كفاية العلاقة بيني وبينهم مبتورة
الله كريم أختي
تسلمين عالمرور والرد الطيب
الله يوفقج ان شاءالله
Row3a
لاحول ولا قوة إلا بالله العلي العظيم
كلامج على عيني وراسي الغالية
بكون فرحانه والله اذا اني قدرت اتقبله واعيش معاه بس الحين صارلي سنتين ويوم عن يوم الظروف تصير للأسوء
والله يكتب لنا اللي فيه الخير ان شاءالله
Runaway Bride
وعليكم السلام والرحمة
ان شاءالله راح ادعي واصلي اكثر واكثر
تسلمين عالمرور الطيب
ا
06-06-2005 | 08:28 PM
يسلمو اختي وحااضره افا عليج..
بس حبيبتي ارجو انج لاتكتبين عروس الموت حراام والله بعدج بعز الشباب .. وبالعكس تبغين رايي اذا تبغين تحلين مشكله يجب مواجهتها.
وشوفي حبيبتي وين اقصر طريق يؤدي الى بطلان هذ العرس اقل شيء اخواتج او الرجل نفسه.
طبعج وااااايد حساااس والله يعينج هي والله هالطيبين جي يفكرووون قبل ماتطيح المشكله.
اذا بيدي شيء تاامرين اختي..
ومثل ماقت لج لاتكتبين عروس الموت الله يخليج.
بس حبيبتي ارجو انج لاتكتبين عروس الموت حراام والله بعدج بعز الشباب .. وبالعكس تبغين رايي اذا تبغين تحلين مشكله يجب مواجهتها.
وشوفي حبيبتي وين اقصر طريق يؤدي الى بطلان هذ العرس اقل شيء اخواتج او الرجل نفسه.
طبعج وااااايد حساااس والله يعينج هي والله هالطيبين جي يفكرووون قبل ماتطيح المشكله.
اذا بيدي شيء تاامرين اختي..
ومثل ماقت لج لاتكتبين عروس الموت الله يخليج.
b
06-06-2005 | 08:34 PM
ام مهير
فديتج والله اسمحي لي ثقلت عليج
الكلام ضايع في البيت وماراح اتعب عمري زياده واتكلم .. الوحده والنعزال وايد ارحم
وعشان خاطرج ماراح اكتب عروس الموت.. كله ولا ام مهير
صدقتي طبعي وايد حساس وهذا اللي مغربلني
مشكووورة الغالية الله يعطيج العافية
فديتج والله اسمحي لي ثقلت عليج
الكلام ضايع في البيت وماراح اتعب عمري زياده واتكلم .. الوحده والنعزال وايد ارحم
وعشان خاطرج ماراح اكتب عروس الموت.. كله ولا ام مهير
صدقتي طبعي وايد حساس وهذا اللي مغربلني
مشكووورة الغالية الله يعطيج العافية
م
06-06-2005 | 08:35 PM
ياريت تقولين لنا اكثر عن خطيبك 0000بس انا راح اقول لك انك لاترددي حتى بينك وبين نفسك كلمات الضعف "ما اقدر 000اهلي 00ااهله العيله00كل هذي امور تختزن في داخلك وتتحول لضعف 000وسوي التالي 000
1_اجلسي مع نفسك وفكري في الموضوع من كل الجوانب فكري فيالايجابيات والسلبيات ممكن تستعينس بورقه وقلم
2_لاتحطي في بالك انه اهلك غاصبينك عليه هذا في حد ذاته قد لايجعلك تري الايجابيات
3_طبعا انت لسه عالبر ومرحله الملكه مو نهاية الطريق هذي مرحله تعارف يمكن لو ملكت عليه تكتشفي اشياء ماكنت تعرفيها مثل كونه حنون او متفاهم او ممكن يتعلق فيك ويلبي مطالبك
4_اذا ما قدرتتقنعي صارحي اهلك وواجهيهم ولا تسوي شي مانت مقتنعه فيه وواجهي الدنيا عشان حياتك 000طبعا من الجلسه مع نفسك راح تقدري تقنعي اهلك بالامور اللي مسببه لك الرفض هذا اذا كان فيه مبرر اما اذا لم يكن هناك مبرر فعليك بالستخاره والانقياد الى المشوره يمكن اهلك شايفين مصلحتك وبعدين لازم ماتستهيني بمشوره الاهل في موضوع الزواج بالذات 0
00
5+كحل نهائي اذا ماقدرت تنهي الموضوع حطي شرط واحد واصري عليه وهو انك تعيشي انت وزوجك في بيت لحالكم بعيد عن الاهل لان هذي نقطه ضروريه لاستمرار التفاهم بين الزوجين ويعطيك فرصه اخيره في تقبل الحياة وتغير ماتحبي فيها
ولاتنسي الاستخاره فتاثيرها عظيم وياريت تطمنينا
1_اجلسي مع نفسك وفكري في الموضوع من كل الجوانب فكري فيالايجابيات والسلبيات ممكن تستعينس بورقه وقلم
2_لاتحطي في بالك انه اهلك غاصبينك عليه هذا في حد ذاته قد لايجعلك تري الايجابيات
3_طبعا انت لسه عالبر ومرحله الملكه مو نهاية الطريق هذي مرحله تعارف يمكن لو ملكت عليه تكتشفي اشياء ماكنت تعرفيها مثل كونه حنون او متفاهم او ممكن يتعلق فيك ويلبي مطالبك
4_اذا ما قدرتتقنعي صارحي اهلك وواجهيهم ولا تسوي شي مانت مقتنعه فيه وواجهي الدنيا عشان حياتك 000طبعا من الجلسه مع نفسك راح تقدري تقنعي اهلك بالامور اللي مسببه لك الرفض هذا اذا كان فيه مبرر اما اذا لم يكن هناك مبرر فعليك بالستخاره والانقياد الى المشوره يمكن اهلك شايفين مصلحتك وبعدين لازم ماتستهيني بمشوره الاهل في موضوع الزواج بالذات 0
00
5+كحل نهائي اذا ماقدرت تنهي الموضوع حطي شرط واحد واصري عليه وهو انك تعيشي انت وزوجك في بيت لحالكم بعيد عن الاهل لان هذي نقطه ضروريه لاستمرار التفاهم بين الزوجين ويعطيك فرصه اخيره في تقبل الحياة وتغير ماتحبي فيها
ولاتنسي الاستخاره فتاثيرها عظيم وياريت تطمنينا
b
06-06-2005 | 08:42 PM
مرسى الأحلام
اسمج حلو
انا ما انكر اني ضعيفه ماشاءالله عليج لاحظتي هالشي
وياما يلست مع نفسي بس شفت كل جلساتي فاشله وهالطريقة ما نجحت معاي
والنقطه الثانية انا احاول اتجاهلها وازين خطيبي في عيوني بس تمر علي مواقف اني اكره حياتي وهذا انا الحين مخطوبة كيف بتحمل باجر لين صرت عايشه معاه . ياريت لوغاصبيني وشارينه .. قولي غاصبيني وبايعيني بعد
وبالنسبة لمرحلة الملجه كلامج سليم.. بس ما اتخيل ابدأ حياتي من اولها بكره.. يعني شوفي تصرفات اهلي كيف معاي مو انا بنتهم وين المشاركه العائلية.. يسحبوني ويفصلون علي غصب ..هذا اسلوب؟!!
ويامكثر ما جلست مع أهلي والنتيجه وحده.. بس الكلام ضايع في هالبيت
وبالنبسة للبيت اهلي عطوهم الموافقه اني اعيش مع اهله وتخيلي الحين اغير كلمتهم .. ومره وحده بينت اني افضل بيت بروحي واخذ حريتي اكثر.. قالي انسي الفكره اني في يوم اطلع من بيت ابوي .. شوفي الاسلوب المحترم بس كيف؟!!!
وعلى فكره هو ولد وحيد امه وابوه وعنده خوات و2 معرسات و2 في البيت معاهم
اسمج حلو
انا ما انكر اني ضعيفه ماشاءالله عليج لاحظتي هالشي
وياما يلست مع نفسي بس شفت كل جلساتي فاشله وهالطريقة ما نجحت معاي
والنقطه الثانية انا احاول اتجاهلها وازين خطيبي في عيوني بس تمر علي مواقف اني اكره حياتي وهذا انا الحين مخطوبة كيف بتحمل باجر لين صرت عايشه معاه . ياريت لوغاصبيني وشارينه .. قولي غاصبيني وبايعيني بعد
وبالنسبة لمرحلة الملجه كلامج سليم.. بس ما اتخيل ابدأ حياتي من اولها بكره.. يعني شوفي تصرفات اهلي كيف معاي مو انا بنتهم وين المشاركه العائلية.. يسحبوني ويفصلون علي غصب ..هذا اسلوب؟!!
ويامكثر ما جلست مع أهلي والنتيجه وحده.. بس الكلام ضايع في هالبيت
وبالنبسة للبيت اهلي عطوهم الموافقه اني اعيش مع اهله وتخيلي الحين اغير كلمتهم .. ومره وحده بينت اني افضل بيت بروحي واخذ حريتي اكثر.. قالي انسي الفكره اني في يوم اطلع من بيت ابوي .. شوفي الاسلوب المحترم بس كيف؟!!!
وعلى فكره هو ولد وحيد امه وابوه وعنده خوات و2 معرسات و2 في البيت معاهم
م
06-06-2005 | 09:04 PM
شوفي عزيزتي الواضح في الموضوع انك مو ناقمه عالشخص بحد ذاته 00بل عالعكس انت ناقمه على اهلك وبطلعي نقمتك على اهلك في هذا الشخص انت قلت انه ماتزم والظاهر انه حنون 00بس شوفي مسوليه الرجال تجاهاهله مو سهله يعني هو كمان ظروفه مو بيده يعني هو الولد الوحيد واكيد حاس بالمسوليه تجاه اهله حاولي انك تواجهيه ولا تترددي مهما كانت الصعوبات بطريقه لبقه انك مو معترضه على شخصه بس معترضه عالظروف اللي مالكم ذنب فيها وكرري كلمات في داخلك تمنحك الشجاعه مثلا" لازم يكون لي بيت خاص "كرريها لين ماتحسي بقوه في داخلك تجعلك قادره على المواجهه مره واثنين وعشره واللله يوفق كل واحد فيكم
لكن قبل هذا كله لاتفرغي غضبك على اهلك في هذا الشخص واهله يمكن يكونوا اهله على درجه من الاحترام وممكن تكوني زي وحده من بناتهم ويعوضوكي عن اهلك وجفوتهم وعاد انتي وشطارتك 000واجهي كل امر على حده 000
لكن قبل هذا كله لاتفرغي غضبك على اهلك في هذا الشخص واهله يمكن يكونوا اهله على درجه من الاحترام وممكن تكوني زي وحده من بناتهم ويعوضوكي عن اهلك وجفوتهم وعاد انتي وشطارتك 000واجهي كل امر على حده 000
b
06-06-2005 | 09:17 PM
مرسى الأحلام
أشكر اهتمامج بالموضوع
الضيق اللي فيني منه ومن اهلي
احاول اني اقنع عمري فيه.. بس احساسي الداخلي المكتوم اني ماابيه.. ولو بوافق عليه اول عشانه هو والله.. لأنه ماله ذنب بالمشاكل اللي صادقتني وما احب اعقد الريال في حياته.. بس هم انا بظلمه بوافق عشانه وما اتقبله.. ماتحسين انه ظلم في حقه؟؟!!
وسالفة البيت تهون شوي .. ولو انه ولد وحيد بس ما اشوف الحين هو موملزوم يكون معاهم لأنه ابوه وامه ماشاءالله عايشين حق بعض ومومحتاجين لوجوده وهو دايما في الدوام يعني حتى ما عنده مسؤوليات او واجبات اتجاه اهله..
الله كريم ان شاءالله
أشكر اهتمامج بالموضوع
الضيق اللي فيني منه ومن اهلي
احاول اني اقنع عمري فيه.. بس احساسي الداخلي المكتوم اني ماابيه.. ولو بوافق عليه اول عشانه هو والله.. لأنه ماله ذنب بالمشاكل اللي صادقتني وما احب اعقد الريال في حياته.. بس هم انا بظلمه بوافق عشانه وما اتقبله.. ماتحسين انه ظلم في حقه؟؟!!
وسالفة البيت تهون شوي .. ولو انه ولد وحيد بس ما اشوف الحين هو موملزوم يكون معاهم لأنه ابوه وامه ماشاءالله عايشين حق بعض ومومحتاجين لوجوده وهو دايما في الدوام يعني حتى ما عنده مسؤوليات او واجبات اتجاه اهله..
الله كريم ان شاءالله
P
06-06-2005 | 10:10 PM
عليكِ بالدعاء
وان شالله ربي يكتبلك مافيه الخير
((عسى ان تكرهوا شئ خير لكم))!!!!
ماتدري ؟ يمكن يعيشك احسن عيشه
وصدقيني اللي يطيع والديه ربي يوفقه
وان شالله ربي يكتبلك مافيه الخير
((عسى ان تكرهوا شئ خير لكم))!!!!
ماتدري ؟ يمكن يعيشك احسن عيشه
وصدقيني اللي يطيع والديه ربي يوفقه