ساعدوني بنات التقويم الشفاف؟

هلا عزيزتي زمردة:bigsmile:

سالفة ان الوحدة في اول اسبوع ماتاكل ولا ترقد
مش صحيحة
انا في اول اسبوع آكل عادي بس اتجنب الاكلات القاسية زي الجزر مثلا
والنوم بتلاحظين اختلاف بسييييييط بس بسررررعة بتتعودين ان شالله
والمزعج في النوم انه الحديد الي على الاضراس يضغط على الخد من جوا وانت نايمه
بس لاتخافين
بيعطونك مادة زي الشمع تحطينها لو كنت منزعجه
وبس
لاكن صدقيني بتاكلين زييييييين وبتنامين زييييييين ان شالله

بالنسبة للتقويم الشفاف ما انصحك فية اتوقع تنظيفه صعب
واغلى
وفوق كذا اذا شربتي اي شي فيه لون مثلاً فيمتو او اي شي ملون
يقلب لونه ويصير كنه وصخ

عشان كذا ما انصحك فيه

ان شالله اكون افدتك:bigsmile:

انا حاطه تقووويم

في بداية الاياام ما تاكلي شي قااسي

تشربي شوربه و تاكلي سليق مثل كذا لين على قولتهم

وتحسي بالم بس تقدري تتحمليه عادي يعني كم يوم بس

وبعدين عااااادي

تسالي عن الشفاف تراه مو زين

وهذا اللي عندي

السلام عليكم ورحمة الله وبركاته

هههههههههههههههههههههههههه

والله تذكرت أيام التقويم وكيف كانن :bigsmile:ضروسي
روووووووووووووعه


بالنسبه للتقويم الألم يختلف على حسب الحالة وشكل الضروس
حطي في بالج ان الألم بيكون قوي إذا كلتي أكل يحتاي مجهود شرات المكسرات
واللحم وساعات إذا الأكل مقلينه زياده يعور
وطبعا اذا كلتي وانته تضغطين بقوه بيعور

أنا عن نفسي عشان أحب الأكل ما حرمت نفسي من شي بس سمعت
نصيحة الدكتورة وابتعدت عن المكسرات مؤقتا وماكنت أعض بعنف وأنا آكل
مرحلة مؤقتة قصيرة وبعدين بيستوي الأكل عادي....يرد الألم بس عقب زيارة الدكتور لأنه في كل زيارة تقريبا بيغير شي أو بيزيد شي في التقويم بس الالم بيكون خفيييييييييييف غالبا

وانا بعد ما أنصح بالتقويم الشفاف عشانه بسرعة يتغير لونه ويصبغ بلون الأكل

في نوع ثاني من التقويم اللي هو نفس التقويم العادي بس يسوون من ورا الأسنان وما تبين بس يطول شوي وتنظيفه متعب وأحيانا يجرح اللسان...

توكلي على الله وحطي التقويم العادي والتزمي بالمواعيد عشان تخلصين بسرعة وتحصلين ابتسامة:D2 سااااااااااااااااااااااااااااااااحرة مثلي أنا طبعا

مشكورين يالبنات على ردودكم ماقصرتوا
خسارة كان نفسي بالتقويم الشفاف لان شكله احلى من الحدايد اللي تخرع الواحد

هلا زمرده
انا مانصحك نهائيا في التقويم الشفاف لاني كنت مثلك قبل ماركب التقويم محتاره ومحد نصحني على الشفاف لان فعلا يتغير لونه وغير كذا مفعوله بطئ وبعدين انتي تقولين شكله احلى من بعيد بس لكن اللي يقرب جنبك شكله مو حلو نصيحه والله المعدن احلى انا ركبته وماتوقعت كلن قاللي حلو شكلك مع اني كنت متعقده منه

وبالنسبه للالم بس اول يومين وغير كذاااا عااااااااااااادي جدا

اختي الألم يعتمد على الحاله لكن الواحد كم يوم و يتعود :)
اما اللون... والله كل حد عنده وجهة نظر :) انا حاه الشفاف و مرتاحه... اعتقد في النهايه يرجه لإهتمام و عناية الشخص... يعني الواحد يتجنب الأشياء الملونه, او ينظف اسنانه على طول... شيلي فرشاة اسنان صغيره دوم, و لا تحطين لاستيكات شفافه (لانها هي اللي تصبغ... في الوان وايد حلوه).. و بتكونين اوكي.. احنا كذا وحده حاطين الشفاف و مرتاحين.. هو في النهايه مثل ما قلت يرجع لنظافة الواحد و اهتمامه :) اتوكلي على الله و سوي اللي بيريحج , و اهتمي بظروسج و بيكون كل شي تمــــــــــــــــــام بإذن الله

ma an9aa7ch bl taqweeem el shafaaaf l2aaanh wayd y6awel mdat el 3laj .... w 3ade takleen bas mosh al wajbaat el qasyh...w taqreebaan bas fe awal thaalaath ayaam mosh sbooo3 ykoon fee alaam