ارأفو بحالي قبل لا اموت خنقا من شعري ....

السلام عليكم ورحمة الله وبركاته

لاحول ولا قوة الا بالله العلي العظيم والصلاة والسلام على اشرف الخلق محمد وآل بيته الطيبين الطاهرين اعوذ بالله من غضب الله ومن الشياطين ومن نار جهنم <<<<<<< مجلس عزاء

دائما الواحد يبدأ اي مصيبة بالعياذ بالله وهذا اللي سويته عشان تحسون بالمعاناة والازمة اللي فوق راسي .

اما بعد .....
وبعد ان استشهدت جميع الكائنات الحيه في شعري وتساقطت اوراق الاشجار ( الشعر) وتلفت الثمار ( المشابيص) قررت ان اقطع راسي لان مالي شغل فيه وهو سبب تعاستي وسبب وحدتي

قلتو ليش

لان السبب يا جماعة الخير هو وجود محميات عرين ( زرايب) تحت بوصيلات الشعر او بالاحرى مكب نفايات <<<<< واجد تستخدم تشبيهات خيالية قولي اشفيج وخلصينا


شعري خاااااااااااااااااااااااااايس بموت منه , الناس تهرب الشيلات ذابو العباية تسللت خيوطها , وين اروح وين اولي المخدة تبرت مني قمت انام على حجارة شسوي ؟؟؟؟ شالحل ماقدر اشرح ابي حل لهذه الازمة قبل لا اسوي عملية استشهادية في هالشعر واكب فيه كحول ايثيلي ( الله واكبر على الثقافة ) واولع فيه عود جبريت واللي يصير خله يصير , ويمكن تشوفوني برنامج اوبرا عقب هالعملية .

بما انكم اكثر من خبيرات صراحة انجدوني وبدعي لكم واذا رحت الحج بكتب اساميكم في منى وفي عرفات وفي كل مكان بس عطوني حل اي شي يفكني من ريحة شعري , يعني لو في مزيل لشعر الراس جان استخدمت بس مافي والشامبو ما يفيد فيه حتى الرغوة ما تطلع اذا ااحطها فيه ( حشى عاد) .

المهم ما طولها عليكم واهي قصيرة شوفو لي حل واللي يرحم والديكم

اختكم شهيدة شعرها