ألا يا جرح لا تنزف يكفيني الذي فيني..وبكت هاللدنيا لي مرة وجرحي هو يبكيها

السلام عليكم.

احدى القصائد لاحد الاخوان. والصراحه قصيده رووعه وان شاء الله تعجبكم.


تقول :



ألا يا ليت لو تدري نفورٍ منك يحويني .. يلف ربوع هالدنيا بقاصيها ودانيها

نعم اكرهك يا خاين ولو قصدك تخاويني .. ولا افكر أجي صوبك ونفسي ما ادنيها

خلصت العهد لعيونك ونار الشوق تكويني .. جرحت القلب وجروحي ولا فكرت تاويها

خساره كيف صدقتك وكلامك كيف يغريني .. وانا المسكين ما ادري عن عيوبٍ تخفيها

اداري قلبه الخاين ولا فكر يداريني .. جمع حقده في دنيايه ورماني في ماسيها

ولو بكتب عن شعوري وعن الكره اللي فيني .. حبر هالدنيا م يكفي من اسفلها لعاليها

مسير الحق يرجع لي ونوره ف السما يبيني .. وماضاعت حقوق اللي يتابعها ويداريها

وقلبي ينوح متعذب واشكي منه ويشكيني .. لربٍ يعلم جروحي ونفسي يعرف خافيها

غزرت اشواك بدربي لجل مرة تنسيني .. طعون اللي طعن روحي روحي وطعن الروح يدميها

بكى الباكي وانا ابكي وقام الباكي يبكيني .. وبكت هاللدنيا لي مرة وجرحي هو يبكيها

وقامت لجلي الدنيا تناجيني وتواسيني .. ولكن للاسف والله جروحي من يداويها

ألا يا جرح لا تنزف يكفيني الذي فيني .. ترى دنيايه ضاقت بي من اولها لتاليها

ألا يا دنيا يكفي ترى والله ظلمتيني .. حرام الظلم يا دنيا ونفسي من يواسيها

أنا تايه انا محطم انا الاشواك تدميني .. كرهت اللي طعن قلبي وروحه كنت غاليها

عطشت وما لقيت اللي من اشواقه بيسقيني .. يا غير الحقد في ادينه وجمر الحقد يكويها

خبيث مثل ما ثعلب يقرب من بساتيني .. وعلي غفله من عيوني بساتيني بينيها

ومكره يبان في عيونه وهمه كيف ينهيني .. وينهي قلبي الطيب ويتمتع باراضيها

كرهته من خفا الخافي وما عاد يعنيني .. ومقامي عالي شانه ومقامه في دوانيها

ألا يا الله ترحمني وتغفر لي وتهديني .. وكف النفس عن نذلٍ جرح روحي ولعب فيها

وسلامتكم