أفكاري لتجهيز القفص الذهبي ...

فكرة حلوة منها تستفيدين من افكار البنات والباقي يستفيدون من تجربتك في التجهيز

بس خسارة ما طلعت لي الصورة

صباح الخيرRoOoOmy_M
برفقها لج ولا يهمج ..

نكمل الحين مع باقي افكاري للأثاث

بما أن الصالة مفتوحة فقلت لازم مدخل حلووكبير شوي عشان أحس المكان أمتلاء

فاخترت أعلق سجادة طبعا رحت السوق وعجبوني وايد خصوصاً الحرير الكشميري

بس حسيت السجاد الفارسي فخم أكثر

وراح أعلقها بهذا الشكل المرفق في الصورة ..

:smile:

مبرووووووك مرايم

[grade="00008B FF6347 008000 4B0082"]ماشاء الله تبارك الله
فكره حللللللللللللللوه[/grade]

هلا والله بمرايم السعوديه

ألف ألف ألف مبرووووووووووووووووووووك

بس عندي سؤال لك اذا مافي مانع انا دورت في السوق على هالنوعية من السجاد بس مالقيت حلوين وهذي عجبتني تقدرين تعطيني اسم المحل

ودمت بود

متابعين معاك عروستنا يالله خلينا نشوف بقية افكارك الحلوة

الملاك الحزين
الله يبارك فيج عمري تسلمين ..

فتاة الجبال
وأنت الأحلى ياقلبي ..

زوبه ام الزوب
هلا فيج والمحل اللي تحصلين فيه هذي النماذج
في المعرض الدوري اللي يسونه بالظهران ((السوق الدولية )) ..

RoOoOmy_M
من عيوني أوريكم الحين الباقي ..

عــــــــــــــــدنــــــــــــــــــا

الصالة ما فيها نوافذ لأنها بوسط البيت بس المطبخ مفتوح عليها والنافذة فيه ...
وأنا أحب الستاير فحطيت عيوني على المدخل الموزع للغرف وقلت أحط ستارة شيفون
بهذا الشكل ...

فنااااانه بتكملين؟؟؟ بعد

احس لون البويه ما يصله رمادي غامق مرة

شكله بيصير يكتم القلب خليه بيج معتق برمادي احلى

والستارة مو حلوة كلها شيفون بتلقين احلى كثير

طبعا انتي وذوقك

اما السجادة ماعليها كلام روعة

أشواق لا تنتهي
هلا وغلا أكيد بكمل لأني بديت بالصالة بس ..

جوري2
هلا حبيبتي بس أنا باسويه رمادي مخفف بالبيج هذا للصبغة ..زي ما قلت في البداية
أما الستارة أحترت فيها بس بما أنها للمدخل مب للنافذة شفت الشيفون أحلى شي وهذا لا يغنيني عن نصيحتج ..

طيب أكمل معاكم ...
_ الإضاءة راح تكون خافته في الصالة وقررت أدخل عليها بعض الألوان كالسماوي ..

وأعجبتني فكرة الرسم على الأسقف مع السماوي كما موضح في الصورة ..



واللي عندها أي أقتراح أو فكرة غفلت عنها تقول لأني الحين خلصت من أفكاري للصالة ..

ونكمل غرفة النساء _ الميلس _
والمجلس عندي مب كبييييييييير مرة و حلو ومعاه حمام يعني خدمة ميلس متكاملة ..

ولون الأرضية بني معتق والحمام نفس درجة اللون وما راح أسوي تعقيد زيادة


الى الحين وش رايكم ..

يــــــــــ ــــــــتــــــــــ ــــبــــــعــــــ
فقلت أكسر حدة اللون وأصبغ بني فــــــــــــــــــــــــــــــاتح مرة وأخلي الكنب أصفر
والمفارش بيج
بهذا الشكل ..

أكمل وبعدنا في الميلس
وقلت راح أحط صورتين بشكل حلو فوق الكنب لأن فيه طوف فاضي

بهذا الشكل



أما عن حمام الميلس الله يكرمكم ..

خليته أفتح من الميلس بهذا الشكل


وبهذا أكون خلصت من الصالة والمدخل ومجلس النساء ...

تــــــــــــــــــــابعونيــــــــــــ

الحين أقول لكم عن فكرتي الجهنمية

أنا أحب شي أسمه شمع

وعندي ما يقارب الـ 180 شمعة بين صغيرة وكبيرة ومجموعة ومفصولة

قلت أبوزع الشمع على مدخل الصالة وباقي البيت وخصوصاً الحمامات الله يكرمكم .

وهذي بعض الشموع

التقريبية لشموعي وأغلبها أشتريها من هوم بلازا

والبعض الأخر أنفذه في محلات الهدايا


هذي تنحط على طاولة الطعام ..

وهذي أنا سويت مثلها كاس حلو فيه ماي

وحطي الشمعة وشوفي الإنارة وش حلاتها



وهذي بخليهم تحت سجادة المدخل طبعاً مب كل يوم لأن الماي يحتاج تغيير ..


والشمع في الكاسات هذي قصته معاي قصة

كلما أخذ شمع معطر من جليد أجمع الكاسات وأجمع ألين صار عندي تقريباً 10

وهذي باسوي فيه زاوية على الأرض بحط وشاح حرير وبنثر عليه ورد مجفف

وبحط الكاسات

بس هذي ما أدري وين أحطها ..
المهم هذا هو شكلهم




وعندي فوانيس حلوة تتعلق على الجدران

وهذي راح أحطها بميلس الحريم مع الصور اللي بتتعلق



وتابعــــــــــــــــــــــــــــــــــــــــــــــوا
ترى الأفكارما خلصت

بوريكم زاوية هي كبيرة بس أنا بصغرها وهذي بخليها لميلس الرجال اللي ما يعجبهم العجب




ومغسلة الرجال فيه زاوية حلوة قلت أسويها بذا الشكل





يــــــــــ ــــــــتـــــــــــ ــــــبــــــــــ ـــعــــــــــ

ترقبو آخر الأفكار لغرفة النوم وحمام المعاريس ...

مرايم يجنن ذوقك يا قمر بس الصور مب ظاهرة معاي

انا بعد الصور ما تطلع عندي خسارة

بس اكيد ذوقك حلوة ياعروس

malaak
تسلمين علىطلتج الحلوة ..

بس الصور ليش ما تطلع

RoOoOmy_M
ذوقج الأحلى حبيبتي

بس بحاول أرجع أحملهم من جهازي وأحطهم مرة ثانية ..

ننتظر

السلام عليكم ..

رجعت لكم مع الصور والشرح فيما سبق ..

سيراميك الصالة ..


مدخل الصالة ..


ستارة مدخل الغرف الشيفون ..


الرسم على الأسقف ..


صورتين متوازيتين في مجلس النساء ..


حمام مجلس النساء..


وصور أفكار الشمع بعد شوي أنزلها لكم ..

وبشروني الحين الصور كلها واضحة ..