والله شيء عجيب لجرح بعد الولادة " .كلكم دخلوا

بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين
هلا والله ببنات المنتدى ، ،، شلونكم ،
انا حبيت اشاركم بتجربتي (0خاص لما بعد الولادة )) انا ابصراحة ما والله ما كنت مصدقة ولا مقتعة بهدواء لعلاج جرح بعد الولادة ،
بس بعد ما جربته والله اني ارتحت ،، عليها كثيرررررررررر
هالوصفة قالت لي عليها صديقتي ، بس صديقتي هذي الله يحفظها عانت الويل بعد الولادة ، لان القابلة الله يسامحها بالغلط عملت لها جرح طويل واتعرفون عاد احنا بس نولد ، تبدأ مرحلة الخياطة والترميم ، خبركم كل شي خلاص تبهدل ونزل ، المهم نرجع حق صديقتي ، خياطتها كانت صعبة وطويلة ، وكانت لا تقدر تقوم ولا تقعد ولا حتى تنام على ظهرها ، كله بسبب هالخياطة ، وكانت طول فترة الاسبوع الاول من النفاس وهي تصيح حتى بنتها ما كانت تقدر تمسكها من الالم ،
جاتها صديقت اختها الله يجزيها خير وشافتها بهالحالة وقالت لها (( انا عمري ما حسيت بالالم الله تحسين فية ، وانا خياطتي بس تتم اسبوع وخلاص بعد هالاسبوع يكون الخيط طاح والجراحة التئمت بفضل الله وفضل الخلطة اللي استخدمها )) قالت لها صديقتي لحقيني فيها ، والحمد الله صديقتي والله تقول على لسانها ، من اول يوم استخدمتها فيه وانا اقدر اجلس مثل العالم والناس وما اعاني من الام الجرح والخيط لما يبدأ يجف ،

والخلطة الله يطول عمركم هي عبارة عن (( كركم + زين زيتون )) والطريقة (( يسخن الزيت على النار ثم يوضع عليه الكركم على كمية الزيت ويحرك على النار حتى يصبح غليظ وراح يصير مثل العجينة بس مايعة شوي ( يعني سايحة شوي )
بس هذي تنعمل قبل لا تدخلين الحمام الله يعزكم - لان يفضل استخدامها ساخنة ، مو وايد عاد تقومون تحترقون وتدعون علي - لا بس تكون دافيه لان مفعولها افضل على الجرح
توضع الخلطة على شاش ويوضع الشاش على الجرح مباشرة ويكون مائل ، ....
والله بنات جربوا ولا راح تشتكون من الم الجرح وابأذن الله راح يسقط الخيط في الاسبوع الاول من الولادة ويلتئم الجرح ، وهذا تستخدمينه مع كل مرة تدخلين فيها الحمام ((عزكم الله ))
يعني في اليوم اكثر من 4 مرات
انا عن نفسي في ولادتي الثانية عانيت كنت ما اقدر اجلس ، وجاتني صديقتي وقالت لي عن هالخلطة ، ولاني كنت ابي افتك من الالم ، جربتها مع اني كنت خايفة من الكركم انه يحرق ، لكن صديقتي حلفت لي انه ما يحرق ابد ، وتوكلت على الله وجربت والنتيجة ، جلوس بدون الم
وسقوط الخيط خلال 10 ايام
ارجو انكم تستفيدون لاني استفدت ،،،،،،،،،،، وجزاها الله الف خير راعيه هالوصفة