مني واثقه في نفسي

السلام عليكم ورحمة الله وبركاته

اكيد لفتكم الموضوع

بس لفتكم فضول ولاحب ابداء رايي ولا فقط مرور

المهم :

عندما حانت الساعه 8 مساء دق جرس التلفون وكانت المتصله احدى صديقتي بل هي اعز صديقتي

في البدايه كانت تتحدث بشكل طبيعي معي ولكن حبه حبه سمعت منها صوت مخنوق لكن تدرو ليش

دا الصوت المخنوق {لا يروح با لكم انها مزكمه }

المهم: بدات تتحدث عن اختها التي تبلغ من العمر26 سنه وهي لم تتزوج الا الان وبعدين تقدمت

لخطبتها جاره من جاراتهم {وطبعا انتو بتقولو كويس عشان راح تتزوج}

المهم:

كانت غايه جارتهم انها تاخذ البنت لولدها مع العلم انو مريض وتعبان جدا ربنا يعافي

عشان تخدمو وتخدم ابو الي هو مقعد وطبعا تخدم اخونو الصغار با العربي تشغلها شغاله

من دون راتب وطوووووووول العمر وطبعا البنت ما وافقت وذا الشي الي خله جارتهم تحقد عليها

والحقد عند بعض الحريم هوايه ليه ماادري

المهم:

وطبعا الجاره كل ما شافت البنت صارت تسمعها كلام طالع نازل وتمدح في ولدها مع العلم انو

مايشتغل يعني كل الكلام بكش يعني الجاره ما فقدت الامل في انو البنت تتزوج من ولدها وتصير

شغاله وياعيني على البنت بس تدرو ليه عشان كل ما شافتها تقولها كل البنات الي في عمرك

تزوجو وانت قاعده على قلب اهلك زي الطبق يعني مافي فكه منك {وانتو طبعا بتقولو في

انفسكم كيف تقول دا الكلام ودي ساكتتلها وانا اقولكم انو هي بتقولها على اساس انو مزح

وتضحك }وهي تدري انها بتضغط عليها عشان توافق على الولد وياعيني على البنت صارت تتعقد

من كل شيء اسمو زواج وتتعقد اكثر لمن تشوف مرت جيرانهم والمشكله هنا انو البنت من النوع

الي يجامل يعني مو من البنات الي يردو على الكلام


وطبعا دا الكلام دايما كذا وشيء طبيعي انو البنت الي بنتكلم عنها راح تحكي الي في قلبها

لا ختها الي تنام معاها في نفس الغرفه واختها دي تكون هي صاحبتي يعني المتصله وصاحبتي

لمن تسمع دا الكلام وكيف اختها تعاني ولمن تبكي وتشكي دا الشي خلها منها واثقه من نفسها

وتقولي انها تحس انها مستحيل احد راح يتزوجها واكيد انها منحوسه وحظها طايح ومن الكلام دا

لدرجه انها لمن تسوي شيء تتردد في ما تدري تعملو ولا ما تعملو وتسويي ولا ما تسوي

وقبل ما تطلع من البيت توقف قدام المرايه ساعات وتزبط في حالها واذا انسئلت تخاف اتجاوب

باالعربي قالت

مني واثقه من نفسي

وتبغه ترجعلها الثقه هاذي زي ايام زمان بس ما تدري كيف

وبصراحه ان لا حظت انها دائما متردده حتى في كلامها مع البنات والمرايه ما تفارق ايدها ساعه

وياعرايس انا ما كتبت دا الكلام عشان نتسلى انا كتبتو عشان ابغه منك تقولولي كيف اقدر اردلها

ثقتها في نفسها وترجع زي اول واحسن

بليززززززززززززز بنات ابغه نصايحكم

وتحياتي