بنات الامارات عاجل.....بخصوص مراكز الاخصاب.

ان شاء الله بنات الامارات يفيدونج حبيبتي :)

والله يرزقج الذريه الصالحه المعافاه ان شاء الله.

السلام عليكم

بصراحه انا اليوم وانا اسمع الاذاعه سمعت عن مركز دبي للاخصاب وهو على حسب ما سمعت انه تابع للحكومه
وفي نفس الوقت خاص واسعارهم معقوله وان هم اول مركز اولدو طفل الي اخذ الحيوان المنوي من ابوه وزرعوه في رحم الام
يعني هم الي انجبو اول طفل بالعالم بهذه العمليه

وعلى حسب ما سمعت عن عنوانهم انهم ورا مبنى اذاعت دبي على طول يعني جيرانهم وانت اتصلي الاستعلمات
واستفسري احسن

وعلى حسب ما سمعت ان لهم انجازات كثيره وكبيره من سنه 1991

والله العالم والله بالصدفه انا اليوم الصبح سمعتهم يتكلمون باذاعت دبي
وانه مركز كبير ومعروف وله زوار من كل مكان واسعارهم تتراوح من 12 الى 16 الف

وانا هذا الي سمعته بس لا اكثر وحبيت افيدج

اختج ام عبدالله

مشكورة أختي أم عبدلله على الرد
وأتمنى من باقي الأخوات انهم يردون علي ويفيدوني أكثر ... خاصة اللي جربت أطفال الانابيب
وشو بالنسبة للاجراءات اللي تسونها قبل العملية؟؟
لاني ناوية اروح والدورة قربت ...واريد اعرف متى اروح لهم؟؟

والله.... ممكن تروحين مستشفى توام.. بالعين عندهم دكتور وايد اوكي.
وفي مركز الاخصاب بالشارقة.. فيه دكاتره شطار..

وبخصوص مركز دبي للأخصاب بعد يمدحووونه.. اختي كانت تروح لهم

انا بصراحه اعالج في توام ..... لان مركز الإخصاب غالي وايد حق اطفال الانابيب
اما التلقيح هو اللي سعره مناسب
و انا ما ينفعني التلقيح :sad:

السلام عليكم حبيبتي انا تجربتي بدات بالعلاج بالحبوب والابر ليما انهريت تقريبا خمس سنوات وقررت اسوي تلقيح صناعي وسويت كم مره وما شي فايده ومرتين تلقيح صناعي سويته بمركز الاخصاب الي في دبي وكانت التكلفه على الدوام مالي فما ادري كم
ولما ماشفت فايده قررت اسوي طفل الانابيب بس في مركز دبي للاخصاب الي يسوي دكتور مو مثل التلقيح دكتوره
المهم رحت وسويت عند دكتوره اسمها جوان مراد على البحيره في الشارقه عيادتها وسويت اول مره على حسابي زكانت التكلفه تقريبا مع الابر 27 الف درهم وحملت بثلاث توائم بس الله ما راد وسقطت
وسويت المره الثانيه على حساب الدوام ( الجيش) وما صار نصيب ما حصل حمل وبعدها بشهرين بدون اي علاج حملت والله رزقني نور عيني الحين عمره خمس سنوات
وعلى فكره لو انتي بدينه ما يضبط طفل الانابيب لاني بعد المره الثانيه ضعفت 10كيلو وحملت طبيعي الحمد لله وانشاء الله اكون افدتج
والله يرزقج الذريه الصالحه يا رب

السلام عليكم ورحمة الله وبركاته
عزيزتى الله يزرقك الذريه الصالحه
وانصحك بمستشفى النور الدور الخامس مركز الاخصاب اللى هناك الدكتور محمد خليل وفا ممتاز جدا وشاطر ماشاء الله عليه انا كنت اتابع عندو
وبالتوفيق انشاء الله

السلام عليكم ورحمة الله وبركاته
الله يرزق كل محتاج بالذرية الصالحة
امين

الله يسعد قلبج ويرزقج بالذرية الصالحة إنشاء الله
أنا كل اللي اتعالجو في مركز دبي للأخصاب سمعتهم يمدحونه..خصوصا انه تابع للحكومة وبالتالي ما يهرونج تجارب عشان تزيدين اللي تدفعينه يعطونج الحلول المناسبة والممكنة..وموقعه في مبنى منفصل في نفس سور مستشفى راشد

الله يرزق الجميع بالذريه الصالحه