[size=4السلام عليكم
عندي كم مشكله أخواتي بس ما ني عارفه كيف أحل مشاكلي أحس إني خجوله إلى درجة إني أنا اللي أتحمل مسؤولية الخجل ونتايجه إللي ما لها داعي...
أنا مخطوبه (مملكه) من سنه ولا حظت خلال هذي السنه إن زوجي إذا جا لي أيام الويكند تجيه مكالمات هاتفيه من عند خالته اللي هي أكبر مني بسنه وأصغر منه ب 7 سنين (غير متزوجه) ومجرد ما تكلمه على طول في نفس الوقت هو يطلع من عندي عشان يروح لها وغالبا ما تكون طلباتها جدا سخيفه يعني مثلا من الطلبات اللي تطلبها وإعتدت على سماعها هي:
أبغاك تجيب حليب الحين أو أبغاك تجيب لي بريد أو أبغاك تجيب لنا ماي مافيه ماي في البيت علما بأنها يتيمة الأب ولكن هذا لا يعني إنه كل يوم في نفس الوقت الساعه 2 أو 2 ونص الليل تتصل يجيب لها الأغراض وهو على طول يطلع من عندي عشان ينفذ الطلبات أو يشتري الأغراض إللي تبغاها...
يمكن إنها يتيمه الواحد ينكسر خاطره عليها بس المبالغه في الشيء ماهي زينه يعني مثلا تقدر تطلب هذي الأشياء اللي تطلبها خلال النهار مش في أنصاف الليالي والوحده قاعده مع خطيبها...
والوحده تتضايق إذا شافت كذا ناس وأبغى كل وحده تقول لي إيش شعورها وفيه أحد قاعد لها في حلقها...
ثاني شيء تسويه وتغيضني كمان فيه هو أنا مخطوبه يعني من حقي إني أطلع مع زوجي في أي مكان وأروح وأجي وأتسوق وووووو... ولكن المشكله عندي إني كل ما بغيت أطلع هي قالت تبغى تطلع معاي والمشكله الأعظم من هذي إنها تمشي زوجي مثل ما تبغى... يعني أنا أطلب إني أروح المكان الفلاني كإتفاق بيني وبين زوجي وأشوفها هي طالعة لي في النص تبغى تروح مكان ثاني وأنا طبعا أستحي ولا أتكلم... وغير كذا لما تطلع معانا تمسك في إيد زوجي كأنها هي خطيبته مش أنا ومره من المرات رحنا المطعم وقامت تأكله بالملعقه وتدلعه كأنه زوجها مش ولد أختها...
تدرون إني في شهر رمضان ماطلعت ولا طلعه لوحدي مع زوجي كل الطلعات كانت إهي معاي فيها بس إيش؟؟؟؟ زوجي عاطيها وجه بزياده و يلبي طلباتها بصدر رحب...
ولما جيب أسوي بطاقات الزواج عجبت زوجي بطاقه من بطاقات زواج وقال لي إيش رأيك فيها قلت له حلوه بس هذي أحلها مع العلم إنها مش عاجبتني أبدا بس أنا ما أحب أرمي الكلام في وجه أحد... فإيش اللي صار (تتدخل في شيء ما يخصها) لا أنا عندي هذي أحلى إختاروا هذي... قلت لها ترى أنا اللي راح أتزوج مش إنتي وإذا انتي إنخطبتي وجيتي تختارين بطايق الزواج حقك أنا ما راح أفتح فمي بكلمه وحده...
رحنا نختار غرفة النوم وكانت معانا.. إخترت وحده من الغرف مره حلوه قالت لا هذي ماهي حلوه إختاري الثانيه أحلى....
رحنا نشتري مفارش السرير وقعدت لي في حلقي إلا تختاروا المفرش إللي عاجبني... بس في النهايه أنا اللي أنتصر في الأشياء هذي بس مهما كان الواحد تجي له حره....
بس أنا خلاص نفسيتي صارت ولا أزفت... مع العلم إنه الأسبوع اللي طاف يقول لي أنا حاس إنك متضايقه من حاجه بس ماني عارف إيش هي وأحس إنك متغيره معاي فإيش فيك بس أنا قلت له إني ما فيني شيء..
قررت إني أتكلم مع زوجي بحيث أوصله إني متضايقه واااااجد منها بس أهلي رفضوا قالوا لي إنك على وجه زواج (باقي على زواجي حوالي أسبوعين) وما نبغى أي مشاكل تحصل بينك وبينه تفركش الزواجه حقتك....
أنا ما اهتميت في كلام أهلي وجيت أفتح الموضوع معاه وهو حساس واجد وماني عارفه كيف أفتحه معاه... وبعدين قلت له إني متضايقه من حاجه وأبغى أقولها بس ماني عارفه كيف أقولها أخاف تزعل فوعدني إنه ما راح يزعل....
وقلت له عن شيء واحد بس من هذي الأشياء إللي هو مكالماتها اليوميه اللي تكلمه كل يوم وإن ما فيه أحد في الدنيا يرضى بهذا الشيء خصوصا إن احنا لسه في فترة خطوبه بكره إذا تزوجنا إيش بتسوي كل يوم في الليل بتتصل وبتخليه يروح لها ويجيب خبز ما عندهم...
في البدايه سكت بس برر هذا الشيء بإنها يتيمه وما عندها أبو فهي تسوي كذا وتالي طبعا قال لي اني المفروض ما أحط هذا الشيء في بالي لأنه بيخليني أكرهها وهو ما يدري إني كرهتها خلاص ولاعت كبدي من شوفتها بس إيش أسوي هذا قدري...
في اليوم الثاني جا بيتنا وفي نفس الميعاد الساعه 2 ونص دق جواله قمت أطالعه بنظرات هاه شفت لسه ما خلصنا وطلعت هي اللي كلمته طبعا وقالت له أبغاك تجيب لي خبز بسرعه قبل ما يسكر السوبر ماركت لكن هذي المره ما نفذ طلبها كالمعتاد راح لها بعد تقريبا 30 دقيقه...
تدرون إنه شكله ما كان حاس فيها إنها كل يوم تتصل بس الحين راح يلاحظ إن مكالماتها والموضوع نفسه زاد عن حده...
إن شاء الله ما زهقتوا لأن أدري إني طولت عليكم واجد بس الله يخليكم عطوني حلول ولا تنسوا إن زوجي مره حساس في هذي الأمور...
[/size][/]
مشكلتي في الحياه هي خالة زوجي..
أ
29-05-2005 | 08:27 AM
أ
29-05-2005 | 09:26 AM
الله يعينك اختي وأدعيلها أنه بعد هيه يجيها نصيبها . بس بيني وبينك خالت زوجك هذي ما عندها أخوان اولاد أو حد رجال في البيت إذا الجواب لا فأسمحيلي أنتي غلطانه تشتكي منها يعني شو تبغيها تعمل مين يجيب طلبات البيت وخاصة الطلبات اللي انتي ذكرتيها انها تطلبها طلابات ما تنجاب غير يوميا او بالكثير كل يومين مثل الحليب والخبز هذي أشياء تخترب بسرعه فيعني عادي أحس أنها تطلب منه يجيب مثل هالأمور صدقيني من تتزوجي راح تنشغلو باموركم العائلية ويمكن هي راح تكون لك العون فشيلي أي كرة او أي زعل منها بل بالعكس حاولي تتقربي منها اكثر عشان بكرة لمن تحتاجي منها شي تنفذ لك أياه على طول وخاصة أنها خالة زوجك مش بنت خالته يعني مثل امه حتى لو هي أصغر منه .
صدقيني أنتي الحين عروس وخجوله وعندك أفكار ووساوس لله عنها كلنا مرينا بهالظروف بس من تستقري بحياتك بتشوفي معظم هالفكار تزول تدريجيا وشوي شوي .
يالله طنينا عليك ومافي داعي للشكوي صدقيني وخاصة أنه زوجك حساس يعني طيب يعني هالله هالله فيه وبأهله وصدقيني إذا نيتك طيبة الله راح يعطيك على قد نيتك.
صدقيني أنتي الحين عروس وخجوله وعندك أفكار ووساوس لله عنها كلنا مرينا بهالظروف بس من تستقري بحياتك بتشوفي معظم هالفكار تزول تدريجيا وشوي شوي .
يالله طنينا عليك ومافي داعي للشكوي صدقيني وخاصة أنه زوجك حساس يعني طيب يعني هالله هالله فيه وبأهله وصدقيني إذا نيتك طيبة الله راح يعطيك على قد نيتك.
أ
29-05-2005 | 09:33 AM
طيب إذا الوحده محتاجه شيء تطلبه الساعه 2 الفجر!!!!
أتوقع فيه أوقات أحسن من هذا الوقت بواجد يعني النهار مثلا المغرب؟؟؟
بس هذي مزودتها...
فما أدري؟؟
على العموم أم أنوار شكرا على ردك حبيبة قلبي...
أتوقع فيه أوقات أحسن من هذا الوقت بواجد يعني النهار مثلا المغرب؟؟؟
بس هذي مزودتها...
فما أدري؟؟
على العموم أم أنوار شكرا على ردك حبيبة قلبي...
b
29-05-2005 | 01:30 PM
عزيزتي وسام بس إنتي ما رديتي على سؤال الأخت أم أنوار.. لها أي حد ثاني اخوان أو غيره ممكن تطلب منهم هالأشياء؟؟
ثم أعود فأقول .. نعم يجب أن تتكلمي مع زوجك بكل صراحة عما يضايقك ليس بأسلوب إنك تكرهينها لا
لكن لكل شيء وقته ولكل شيء حده
بكل أمانة ليس منطقيا أن يتم طلب الخبز يوميا في هذا الوقت وبصراحة أنا ما أعرف من ياكل أصلا بهذا الوقت؟؟
يعني إحنا نجيب الخبز ونحطه بالفريزر ويقعد عندنا بالأسبوع ونطلعه ونسخن منه وكإنه توه طالع من المخبز
برأيي أنه يجب أن يرتب نفسه .. لك حقك ولها حقها خصوصا بعد الزواج .. مش كل يوم تدق له بأنصاف الليالي هات خبز أو حليب
وبكل أمانة واضح أن الطلب في هذا الوقت له دوافع أخرى وربنا يرزقها بابن الحلال اللي تنشغل معاه وتشوف حياتها وتترك الآخرين يشوفون حياتهم
نعم يجب أن يرتب نفسه وقبل أن يأتيك يتصل فيها يقول لها ها خالتي بغيتي شي مني .. هات خبز .. خير وبركة راح جاب لها اللي تبيه وبعدين جاك .. الوقت اللي هو معك قوليله ممكن تترك جوالك بالسيارة ودي تكون معي بكل الوقت ومحد يشغلك عني
ولما ييجي يروح لو لقى انها متصلة يتصل فيها أو ثاني يوم على أساس إنه أكيد بيكون الوقت متأخر ثم أكيد بتكون نامت .. هيك يقول لها ثاني يوم .. معلش أنا تركت الجوال بالسيارة ولما طلعت كان الوقت متأخر
ثم عليه أن يصارحها بأنه في بعض الأوقات مشغول أو راقد أو مرتبط بموعد .. يعني بصراحة مش حلو بعد الزواج يقوم بنص الليل ويتركك في البيت لوحدك من أجل كيس خبز ولا حليب
لا أعني أن تقسيه عليها وإياك أن تقومي بذلك .. لكن يجب ترتيب الوقت وأن لك وقتك وحقك في ذلك ولسائر الأهل وقتهم وحقهم عليه إلا بالظروف القاهرة .. حد مريض .. ظرف طارئ
يجب أن يعرف زوجك كيف يجمع أهله بزوجته وأن يحببهم في بعض وأن ينتبه أنه ببعض التصرفات قد يوقع مشاكل بينكم دون أن يشعر وبدون قصد
لهذا يجب الكلام معه بأسلوب لطيف أنه لابد أن يرتب وقته بينك كزوجة وبينهم كأهل
هذا رأيي ونتمنى أن نسمع من الجميع آراءهم كي نستفيد جميعا من هذا الموضوع
نتمنى لك التوفيق عزيزتي ولا تكرهين حد وإنتي عروس أمورة وطيوبة وعرسك قرب
بارك الله لكما وبارك عليكما وجمع بينكما في خير
ثم أعود فأقول .. نعم يجب أن تتكلمي مع زوجك بكل صراحة عما يضايقك ليس بأسلوب إنك تكرهينها لا
لكن لكل شيء وقته ولكل شيء حده
بكل أمانة ليس منطقيا أن يتم طلب الخبز يوميا في هذا الوقت وبصراحة أنا ما أعرف من ياكل أصلا بهذا الوقت؟؟
يعني إحنا نجيب الخبز ونحطه بالفريزر ويقعد عندنا بالأسبوع ونطلعه ونسخن منه وكإنه توه طالع من المخبز
برأيي أنه يجب أن يرتب نفسه .. لك حقك ولها حقها خصوصا بعد الزواج .. مش كل يوم تدق له بأنصاف الليالي هات خبز أو حليب
وبكل أمانة واضح أن الطلب في هذا الوقت له دوافع أخرى وربنا يرزقها بابن الحلال اللي تنشغل معاه وتشوف حياتها وتترك الآخرين يشوفون حياتهم
نعم يجب أن يرتب نفسه وقبل أن يأتيك يتصل فيها يقول لها ها خالتي بغيتي شي مني .. هات خبز .. خير وبركة راح جاب لها اللي تبيه وبعدين جاك .. الوقت اللي هو معك قوليله ممكن تترك جوالك بالسيارة ودي تكون معي بكل الوقت ومحد يشغلك عني
ولما ييجي يروح لو لقى انها متصلة يتصل فيها أو ثاني يوم على أساس إنه أكيد بيكون الوقت متأخر ثم أكيد بتكون نامت .. هيك يقول لها ثاني يوم .. معلش أنا تركت الجوال بالسيارة ولما طلعت كان الوقت متأخر
ثم عليه أن يصارحها بأنه في بعض الأوقات مشغول أو راقد أو مرتبط بموعد .. يعني بصراحة مش حلو بعد الزواج يقوم بنص الليل ويتركك في البيت لوحدك من أجل كيس خبز ولا حليب
لا أعني أن تقسيه عليها وإياك أن تقومي بذلك .. لكن يجب ترتيب الوقت وأن لك وقتك وحقك في ذلك ولسائر الأهل وقتهم وحقهم عليه إلا بالظروف القاهرة .. حد مريض .. ظرف طارئ
يجب أن يعرف زوجك كيف يجمع أهله بزوجته وأن يحببهم في بعض وأن ينتبه أنه ببعض التصرفات قد يوقع مشاكل بينكم دون أن يشعر وبدون قصد
لهذا يجب الكلام معه بأسلوب لطيف أنه لابد أن يرتب وقته بينك كزوجة وبينهم كأهل
هذا رأيي ونتمنى أن نسمع من الجميع آراءهم كي نستفيد جميعا من هذا الموضوع
نتمنى لك التوفيق عزيزتي ولا تكرهين حد وإنتي عروس أمورة وطيوبة وعرسك قرب
بارك الله لكما وبارك عليكما وجمع بينكما في خير
ل
29-05-2005 | 01:48 PM
الله يعينج عليها ........................ بس الغالية صبري صدقيني الموار راح تتغير للأحسن بعد العرس وبتشوافين انه ريلج ما يقدر يصبر عنج ولا بيسويلها سالفه وأذا ياالليل برواحه بيغلق تيلفوانه .................................صدقيني بس أنتي صبري وأدعي لريلج أنه الله يسخره لج ويسخرلج أياه .......................
الله يوفقج ويسعدج انشاء الله.......................
الله يوفقج ويسعدج انشاء الله.......................
b
29-05-2005 | 01:56 PM
والله يا أختي التمس لأخيك سبعين عذرا، ادعي لها ربنا يرزقها بزوج صالح وساعتها هتستريحي خالص
عموما تجاهليها تماما وليه تقولي امامها انت رايحة فين وجاية منين ليه تعرف المشاوير اللي بتروحيها انت وزوجك؟ وبعدين بصراحة انا رأي انك غلطانة انك كلمت زوجك لكن طالما كلمتيه يبقى كنت تقولي له على كل الحاجات اللي متضايقاك مش بس التليفون
والنقطة الثانية شايفة انك غلطانة ليه ؟ أولا لأن الرجالة مش بتفهم الستات خالص ولا ليه بيتصرفوا كده او مش كده وابسط كلمة هتسمعيها دي خالتي ولو والدته سمعت بالخبر وانك مش مبسوطة من أختها هتدخلي نفسك في متاهات تانية
ثانيا انا رأي دايما ان أى حاجة بينك وبين الستات في عائلة زوجك تخلصيها بنفسك وما تكلميش زوجك الا في الحاجات اللي يعني تكون زايدة قوي وهو فعلا ممكن يحلها
يعني التصرفات بتاعتها دي تقدري تمنعيها مثلا مش لازم تعرف انتم رايحين فين ولما زوجك يقوللها اطلبي منه ما يقولش مش علشان بتضايقي لأ علشان نفسك تبقي معاه لوحدكم وانك بتستني الشوية دول بفارغ الصبر، وفهميه انك ميتة في دباديبه وحابة انك تبقي معه وحدكم وكأن الدنيا على قدكم انتم وبس (اسرحي به يعني والله الرجالة بتصدق- علشان ما يقولش انك غيرانة من خالته)
لما تعمل تصرف ما يعجبكيش خدي حقك بنفسك في لحظتها زى ما عملتي في موضوع بطاقات الدعاوى وما تدخليش زوجك في حاجة لأن مش هينوبك من كده غير وجع الدماغ صدقيني لأن الرجالة مش بتفهم يعني ايه الست غيرانة من ست تانية وبتعمل حاجة علشان تغيظها او يعني ايه فلانة قالت كذا وضايقني هم بيكونوا شايفين دي حاجة طبيعية في معظم الأوقات صدقيني
وعموما بكرة تتزوج وترتاحي منها
عموما تجاهليها تماما وليه تقولي امامها انت رايحة فين وجاية منين ليه تعرف المشاوير اللي بتروحيها انت وزوجك؟ وبعدين بصراحة انا رأي انك غلطانة انك كلمت زوجك لكن طالما كلمتيه يبقى كنت تقولي له على كل الحاجات اللي متضايقاك مش بس التليفون
والنقطة الثانية شايفة انك غلطانة ليه ؟ أولا لأن الرجالة مش بتفهم الستات خالص ولا ليه بيتصرفوا كده او مش كده وابسط كلمة هتسمعيها دي خالتي ولو والدته سمعت بالخبر وانك مش مبسوطة من أختها هتدخلي نفسك في متاهات تانية
ثانيا انا رأي دايما ان أى حاجة بينك وبين الستات في عائلة زوجك تخلصيها بنفسك وما تكلميش زوجك الا في الحاجات اللي يعني تكون زايدة قوي وهو فعلا ممكن يحلها
يعني التصرفات بتاعتها دي تقدري تمنعيها مثلا مش لازم تعرف انتم رايحين فين ولما زوجك يقوللها اطلبي منه ما يقولش مش علشان بتضايقي لأ علشان نفسك تبقي معاه لوحدكم وانك بتستني الشوية دول بفارغ الصبر، وفهميه انك ميتة في دباديبه وحابة انك تبقي معه وحدكم وكأن الدنيا على قدكم انتم وبس (اسرحي به يعني والله الرجالة بتصدق- علشان ما يقولش انك غيرانة من خالته)
لما تعمل تصرف ما يعجبكيش خدي حقك بنفسك في لحظتها زى ما عملتي في موضوع بطاقات الدعاوى وما تدخليش زوجك في حاجة لأن مش هينوبك من كده غير وجع الدماغ صدقيني لأن الرجالة مش بتفهم يعني ايه الست غيرانة من ست تانية وبتعمل حاجة علشان تغيظها او يعني ايه فلانة قالت كذا وضايقني هم بيكونوا شايفين دي حاجة طبيعية في معظم الأوقات صدقيني
وعموما بكرة تتزوج وترتاحي منها
ذ
29-05-2005 | 02:15 PM
مبروووووووووووووووووووووووووووك على الزواج الله يجمع بينكم بالخير ان شا ءالله ويرزقكم بالذرية الصالحة المباركه اللهم آمين ،
تعرفين انتي بصراحه ما عندج سالفه، يعني هي في البداية والنهاية خـــــــــــــــــــــــــــــــــــــــــــــــــــــــــــــــــــــــــالته لا وبعد من نفس عمرج ، انا افضل انج تكسبينها مب تكرهينها ، بعدين هي تحس خطيبج مثل اخوها اكيد يحن عليها كثير لا تحرمينها منه لا تخلينها تقول بعدين انه تغير بعد ما تزوج هي مثل ما قلتي يتيمه، بعدين لا تتضايقين منها لما تطلع معاكم وشو فيها لو مسكت يده أو اكلته هي خالته وانتي زوجته ، ومشكلة الاتصالات في انصاف الليالي محلوله يتصل فيها بعد صلاة العشا يسألها اذا ناقصهم شي ويجيبه ويعتذر لانه بعدين بيستوي مشغول ، ونصيحه لا تعكرين مزاج خطيبج بمشاكل عاديه مثل هذه الحياه الزوجيه اثمن من المواضيع التافه هذه والله يوفقج ان شاء الله وعقبال ما نسمع خبر خطوبة خالة خطيبج ولا تنسين في حفلة الزفاف لا تحاولين تهمشينها لانها هي بتصدر منه تصرفات انا اعتقد بتثير غيرتج على زوجج بس فكري ان دافعها هو حبها لولد اخته مش شي ثاني والله يبارك لكم في زفافكم ان شاء الله ولا تعكرين مزاجج تراج عروس والعروس لازم تريح آخر اسبوعين مب تشتغل وكيل نيابه هههههههههههههههههههههههههههههههههههههه اضحكي تطلع الصوره احلى
تعرفين انتي بصراحه ما عندج سالفه، يعني هي في البداية والنهاية خـــــــــــــــــــــــــــــــــــــــــــــــــــــــــــــــــــــــــالته لا وبعد من نفس عمرج ، انا افضل انج تكسبينها مب تكرهينها ، بعدين هي تحس خطيبج مثل اخوها اكيد يحن عليها كثير لا تحرمينها منه لا تخلينها تقول بعدين انه تغير بعد ما تزوج هي مثل ما قلتي يتيمه، بعدين لا تتضايقين منها لما تطلع معاكم وشو فيها لو مسكت يده أو اكلته هي خالته وانتي زوجته ، ومشكلة الاتصالات في انصاف الليالي محلوله يتصل فيها بعد صلاة العشا يسألها اذا ناقصهم شي ويجيبه ويعتذر لانه بعدين بيستوي مشغول ، ونصيحه لا تعكرين مزاج خطيبج بمشاكل عاديه مثل هذه الحياه الزوجيه اثمن من المواضيع التافه هذه والله يوفقج ان شاء الله وعقبال ما نسمع خبر خطوبة خالة خطيبج ولا تنسين في حفلة الزفاف لا تحاولين تهمشينها لانها هي بتصدر منه تصرفات انا اعتقد بتثير غيرتج على زوجج بس فكري ان دافعها هو حبها لولد اخته مش شي ثاني والله يبارك لكم في زفافكم ان شاء الله ولا تعكرين مزاجج تراج عروس والعروس لازم تريح آخر اسبوعين مب تشتغل وكيل نيابه هههههههههههههههههههههههههههههههههههههه اضحكي تطلع الصوره احلى
f
29-05-2005 | 02:20 PM
الله يساعدك عليها حبيبتي
لو انها مكانك جان قتلتها
اضحك معاك بس صح الوحدة بتغير حتى لو كانت خالته
انه ما ابغي احس ان لي شريكه في زوجي هذي عديمة احساس خالته بس حاولي اتوصلين لها بمعنى الكلام انك تبغين اتكونين مع زوجك لوحدكم ومو لازم تخبرينها بكل مشاويركم
والله يساعدك انه والله حاسه فيكي
وعلى العموم مبروك على الزواج وان شاء الله يتغير بعدين حاولي تكسبينه صوبك بالكلمة الحلوة والدلع ترى عقل الرجل مثل الطفل (مسامحة للرجال) بس الحقيقة ان الرجل يحب اتعامله زوجته بدلال مثل الطفل مع ابقاء الإحترام
على العموم الله يفرج عنك
لو انها مكانك جان قتلتها
اضحك معاك بس صح الوحدة بتغير حتى لو كانت خالته
انه ما ابغي احس ان لي شريكه في زوجي هذي عديمة احساس خالته بس حاولي اتوصلين لها بمعنى الكلام انك تبغين اتكونين مع زوجك لوحدكم ومو لازم تخبرينها بكل مشاويركم
والله يساعدك انه والله حاسه فيكي
وعلى العموم مبروك على الزواج وان شاء الله يتغير بعدين حاولي تكسبينه صوبك بالكلمة الحلوة والدلع ترى عقل الرجل مثل الطفل (مسامحة للرجال) بس الحقيقة ان الرجل يحب اتعامله زوجته بدلال مثل الطفل مع ابقاء الإحترام
على العموم الله يفرج عنك
ا
29-05-2005 | 02:21 PM
ليش ماتطلبين منه اذا كان معك يسكر جواله؟؟
مهما كان يراعي شعورك...بس شوفي حبيبتي قولي اللي بخاطرك اذا هو يعزك فعلا بيقدر احسن مابكرا تتزوجون ويفكر الموضوع عادي عندك وتتمادى هي وهو مو حاس بالموضوع
مهما كان يراعي شعورك...بس شوفي حبيبتي قولي اللي بخاطرك اذا هو يعزك فعلا بيقدر احسن مابكرا تتزوجون ويفكر الموضوع عادي عندك وتتمادى هي وهو مو حاس بالموضوع
ا
29-05-2005 | 05:50 PM
الله يعينك بصراحه
صحيح انهااا تعدت حدودها
وذا خالته حتى لو امه مو لهدرجه تكون لصقه
وقليلة ذوق احس انها تتعمد تضايقك الا هي شدخلها تختار هذا اللي ناقص بعد
كان قلتي لها شرايك تتزوجينه بدالي
الله يعينك بصراحه ماتحمل هالنوعيه من الشر المقرفه اللي لا عندها لادم ولا احساس صحيح وقحه
والله يعينك ويزوجها وتفتكي منها
صحيح انهااا تعدت حدودها
وذا خالته حتى لو امه مو لهدرجه تكون لصقه
وقليلة ذوق احس انها تتعمد تضايقك الا هي شدخلها تختار هذا اللي ناقص بعد
كان قلتي لها شرايك تتزوجينه بدالي
الله يعينك بصراحه ماتحمل هالنوعيه من الشر المقرفه اللي لا عندها لادم ولا احساس صحيح وقحه
والله يعينك ويزوجها وتفتكي منها
س
29-05-2005 | 06:50 PM
انا ماابي ازودها براسك صراحه.... لكن انا استغرب ليش تطلع معاكم اصلا لاختيار الاثاث او اي شي يخصكم ...؟؟؟؟ شي عجيب!!!
انا لو مكانك اكيد مابقدر اتحمل ولا يوم واحد كان من اول يوم كلمتيه قبل يجيلك وقلتيله يروح يقضي لها اغراضها كلها عشان ماتتعمد تنغص عليكم مالها اي عذر............. وبعدين انصحك تتخلصين من خجلك ولا راح تتطور مظايقاتها لك بعد الزواج تعودي دايما اي شي يضايقك تصرحين به لاتخبين شي ابدا ولا علا رأي المثل(العلقات ياكلها الخجول)... واذا زوجك حساس ويبيك تراعين مشاعره يتعلم اول يراعي مشاعرك ولايسمح لاحد ينغص عليكم احلا ايام عمركم...
انا لو مكانك اكيد مابقدر اتحمل ولا يوم واحد كان من اول يوم كلمتيه قبل يجيلك وقلتيله يروح يقضي لها اغراضها كلها عشان ماتتعمد تنغص عليكم مالها اي عذر............. وبعدين انصحك تتخلصين من خجلك ولا راح تتطور مظايقاتها لك بعد الزواج تعودي دايما اي شي يضايقك تصرحين به لاتخبين شي ابدا ولا علا رأي المثل(العلقات ياكلها الخجول)... واذا زوجك حساس ويبيك تراعين مشاعره يتعلم اول يراعي مشاعرك ولايسمح لاحد ينغص عليكم احلا ايام عمركم...
م
29-05-2005 | 07:20 PM
السلام عليكم و رحمة الله و بركاته
أختي شوفيز..كل علاقة مهما كانت لازم يكون لها حدود...
و إذا من الأول خالة زوجك ما فهمت هذا الشيء راح تتعبي كتير...مش بس منها...لا...ممكن تطلع زميلة لزوجك في الشغل...أو قريبة ثانية..
ما زاد عن حدّه إنقلب إلى ضده...
اللي شايفاه إنه علاقتك بزوجك صايرة كإنها كتاب مفتوح...الكل عارف إنه عندك الحين..الكل عارف إنكم طالعين تتغدّوا بره...راحين تشتروا العفش...
ليش ما في خصوصية أبدا في حياتك ؟
الحين لمّا تسافروا شهر العسل راح تقول كمان خذوني معاكم ؟
إنتي اللي كان مفروض تضعي حد للي يصير...
يعني لو قالت راح آجي معاكم ( مع إني معترضة إنها تعرف إنكم طالعين اصلا )...قولي لها بأدب...معلش إحنا عايزين نطلع مع بعض و لوحدنا...
لو قلتي هذه الكلمة مرة...كان عمرها ما كرّرتها...
بس هي شايفاكي غير مبالية...و عمّالة تحرقي في أعصابك...لذلك الموضوع صار عادي...
اسمعي..الحين مش وقت الكلام..لكن بعد الزواج إن شاء الله...كل شيء لازم يوقف عند حده...
يعني تتركيها تأكل زوجك في المطعم و إنتي قاعدة ساكتة ؟!
بعد الزواج ما تخلّيها تعرف شيء عنك...لا شو عملتوا و لا وين رحتوا و لا وين جيتوا...خلّي في شوية خصوصية في حياتك...و بعض الأوقات الخاصة بينك و بين زوجك...
الله يوفقك يا رب
b
29-05-2005 | 10:18 PM
الله يعينج
صحيح تصرفاتها مب حلوه بس اتتي حاولي تكسبينها
ومب كل مره تعطينها في الويه عشان ما تكرهج ولاكل مره تسكتين عنها عشان ما تتمادى
وبالنسبة لريلج مثلا يوم يبغي اييج قوليله ياريت تخلص كل الأشغال اللي عندك وبعدين اتيني عشان نكون بروحنا ومحد يخرب علينا
وانا مع مرموم في انه لازم يكون لج خصوصيات .. يعني لو تطلعون بره هي شو عرفها الا اذا ريلج خبرها وهو مب لازم يسير يقولها كل شي..
الله يكون بعونج ان شاءالله
ويوفقج في حياتج
صحيح تصرفاتها مب حلوه بس اتتي حاولي تكسبينها
ومب كل مره تعطينها في الويه عشان ما تكرهج ولاكل مره تسكتين عنها عشان ما تتمادى
وبالنسبة لريلج مثلا يوم يبغي اييج قوليله ياريت تخلص كل الأشغال اللي عندك وبعدين اتيني عشان نكون بروحنا ومحد يخرب علينا
وانا مع مرموم في انه لازم يكون لج خصوصيات .. يعني لو تطلعون بره هي شو عرفها الا اذا ريلج خبرها وهو مب لازم يسير يقولها كل شي..
الله يكون بعونج ان شاءالله
ويوفقج في حياتج
ا
30-05-2005 | 12:43 AM
يؤ يؤ يؤ يؤ يؤ يؤ
وساااااااااااااام ؟؟؟
شلون صبرتي يوم تشوفينها توكله قدامك
وسكتي ؟؟؟
ليه حياتي سكتي ،،،، والله مالها حق ؟؟؟ وحتى زوجك غلطان
بكرا لا شفتي التصرف هذا بعد زواجك وتكلمتي بيقول لك ايام الملكه ماقلتي شي شمعنى اللحين ؟؟؟
يحسبك راضيه
والله اني مقهووووووووووره منك الله يهديك
على العموم الله يوفقك حبيبتي وويسعدك وياااااااااااااااااه يارب ويصبرك عليها
نصيحتي لك (( سوي المستحيل عشاااااااااااااااااان لما يكون معاك مايفكر الا كيف يسعدك وينسى اللي حوله وحاوليه ))
الا امه طبعا
اما اهله ،،،،،،،،،،،،،،،،،،
مو قصدي اكرهك فيهم
لكن لكل شي حد
واثبتي وجودك اول اياااااااااااااااام زواجك والا بتقعدلك قعده >>>>>>>>>>> خوذي مني
محد اللحين ينعطى وجه
اختك
مهاوي
وساااااااااااااام ؟؟؟
شلون صبرتي يوم تشوفينها توكله قدامك
وسكتي ؟؟؟
ليه حياتي سكتي ،،،، والله مالها حق ؟؟؟ وحتى زوجك غلطان
بكرا لا شفتي التصرف هذا بعد زواجك وتكلمتي بيقول لك ايام الملكه ماقلتي شي شمعنى اللحين ؟؟؟
يحسبك راضيه
والله اني مقهووووووووووره منك الله يهديك
على العموم الله يوفقك حبيبتي وويسعدك وياااااااااااااااااه يارب ويصبرك عليها
نصيحتي لك (( سوي المستحيل عشاااااااااااااااااان لما يكون معاك مايفكر الا كيف يسعدك وينسى اللي حوله وحاوليه ))
الا امه طبعا
اما اهله ،،،،،،،،،،،،،،،،،،
مو قصدي اكرهك فيهم
لكن لكل شي حد
واثبتي وجودك اول اياااااااااااااااام زواجك والا بتقعدلك قعده >>>>>>>>>>> خوذي مني
محد اللحين ينعطى وجه
اختك
مهاوي
k
30-05-2005 | 12:56 AM
الله يكون في عونج و يصبرج على بلواااااااج ...
ا
30-05-2005 | 01:08 AM
بصراحه مشكلتك قاهرتني وسببت لي الغصه في حلقي ؟؟؟؟؟؟؟؟؟
اعذريني اختي ولكني تفاعلت مع المشكلة وما ابي اشوشك او مثل ما يقولون اترس راسك من هالكلام ؟؟؟
بس اشلون ساكته عليها اشلون ؟؟؟؟؟
يعني ما دورت الا خطيبك ؟؟ اتسوي له هالحركات ؟؟ بعدين اهي ما تستحي اتسوي هالتصرفات وياه تمسك يده وتدلعه وتوكله بيدها ؟؟
وقــــــــــــــــــدامــــــــــــــــــك ؟؟؟؟ والله لو انا بمكانك ما ارضى عن اللي يصير ؟؟
ولا بعد اتروح وياكم تشتري الاثاث ؟؟؟؟؟ ليش منو عزمها عالطلعة ؟؟؟
المفروض اتروحين ابروحكم انتي وزوجك فقط لا غير ؟؟
ولو حبيتوا تستشيرون احد تأخذين احد وياج اتحبينه وتوثقين في ذوقه مو ينكد عليش ؟؟
واشلون زوجك جذي راضي ومطيح الميانه وياها ؟؟؟
بس يا جماعه ما يصير اشلون جذي العلاقة اتكون بين خالة وولد اختها ؟؟ غريــــبـــــــــه اول مرة اشوف مثل مشكلتك ؟؟
يعني حتى لو يتيمة اشمعنا تطلب هالطلبات في نص الليل الساعه 2 الفجر واهي تعرف انج وياه ؟؟
شنو قصدها ؟؟ تبي اتخرب عليكم القعده وما تبيه يقعد وياك ؟؟
على العموم انا اسفه اذا خربطت اشويه بالكلام بس صراحه مشكلتك ما ينسكت عنها ؟؟
وانا اقول اتخلين لهالشئ حدود وظوابط من اللحين قبل لا تتزوجون ؟؟ لان حتى بعد زواجكم ما بتهده ؟؟
هذا وانتي ببيت اهلك ولاحقته كيف لي صار عندكم بيت لحالكم اكيد اكيد اختي راح تجيكم كل يوم والثاني تتدخل بشؤونكم الخاصه ؟؟
الله يبعدها عنكم ويرزقها بالزوج اللي يبعدها عنكم ويوفقك ان شاء الله ...........!!!!!!!!!!!!!!!!!!!!!
اعذريني اختي ولكني تفاعلت مع المشكلة وما ابي اشوشك او مثل ما يقولون اترس راسك من هالكلام ؟؟؟
بس اشلون ساكته عليها اشلون ؟؟؟؟؟
يعني ما دورت الا خطيبك ؟؟ اتسوي له هالحركات ؟؟ بعدين اهي ما تستحي اتسوي هالتصرفات وياه تمسك يده وتدلعه وتوكله بيدها ؟؟
وقــــــــــــــــــدامــــــــــــــــــك ؟؟؟؟ والله لو انا بمكانك ما ارضى عن اللي يصير ؟؟
ولا بعد اتروح وياكم تشتري الاثاث ؟؟؟؟؟ ليش منو عزمها عالطلعة ؟؟؟
المفروض اتروحين ابروحكم انتي وزوجك فقط لا غير ؟؟
ولو حبيتوا تستشيرون احد تأخذين احد وياج اتحبينه وتوثقين في ذوقه مو ينكد عليش ؟؟
واشلون زوجك جذي راضي ومطيح الميانه وياها ؟؟؟
بس يا جماعه ما يصير اشلون جذي العلاقة اتكون بين خالة وولد اختها ؟؟ غريــــبـــــــــه اول مرة اشوف مثل مشكلتك ؟؟
يعني حتى لو يتيمة اشمعنا تطلب هالطلبات في نص الليل الساعه 2 الفجر واهي تعرف انج وياه ؟؟
شنو قصدها ؟؟ تبي اتخرب عليكم القعده وما تبيه يقعد وياك ؟؟
على العموم انا اسفه اذا خربطت اشويه بالكلام بس صراحه مشكلتك ما ينسكت عنها ؟؟
وانا اقول اتخلين لهالشئ حدود وظوابط من اللحين قبل لا تتزوجون ؟؟ لان حتى بعد زواجكم ما بتهده ؟؟
هذا وانتي ببيت اهلك ولاحقته كيف لي صار عندكم بيت لحالكم اكيد اكيد اختي راح تجيكم كل يوم والثاني تتدخل بشؤونكم الخاصه ؟؟
الله يبعدها عنكم ويرزقها بالزوج اللي يبعدها عنكم ويوفقك ان شاء الله ...........!!!!!!!!!!!!!!!!!!!!!
ا
30-05-2005 | 02:11 AM
شكلها واايد كانوا مع بعض
فحست بالغيرة من موضوع زواجه وانه راح يكون بعيد عنها
ووايد حالات منها بس بعدين قلت
خاصة لما الزوجه تكون حبوبه وطيبه
فحست بالغيرة من موضوع زواجه وانه راح يكون بعيد عنها
ووايد حالات منها بس بعدين قلت
خاصة لما الزوجه تكون حبوبه وطيبه
أ
30-05-2005 | 08:54 AM
[CENTER]السلام عليكم.....
مشكورين كلكم على ردودكم ووقفتكم معي صراحه شغلت الإنترنت اليوم وما توقعت إن فيه أحد راد علي خصوصا إني ما شفت ولا رد في إيميلي....
بس لما دخلت وشفت الردود إستانست واجد....
فيه سؤال سألتوني وأنا ماجاوبت عليه... عندها أخوان والله لا....
عندها 3 أخوان واحد متزوج وساكن برى بيتهم يعني مش معهم في البيت بس هو اللي متكفل بهم من إلى.... والثاني متزوج بس معهم في نفس البيت والثالث صغير في السن وعندها خوات واجد كلهم كبار ومتزوجين وكلهم عندهم أولاد من عمر سنه إلى عمر 30 سنه وكلهم يجلسون في بيتهم شبه يومي.... وهي آخر العنقود في بيتهم (يعني أصغر بنت بس عمرها مش صغير حوالي 23 سنه ونص) يعني عاقله وفاهمه إن المفروض واحد خاطب ماحد يعكر عليه صفو مزاجه وخصوصا إذا كان مع خطيبته...
يعني تقريبا عدد أولاد أختها إللي أعمارهم فوق العشرين حوالي عشره أولاد بس الوحيد إللي تتصل وتأمر عليه هو زوجي مع العلم إن زوجي الوحيد اللي خاطب....
بس ما أدري ليش هي ما عندها إحساس وعلى فكره هذي الأشياء اللي قلتها بس الأشياء اللي تذكرتها وما خفي أعظم....
بس الشيء الوحيد إللي أنا خايفه منه هو المستقبل لما أتزوج أخاف يوم وأنا نايمه (طبعا لما أتزوج بتتغير حياتي ماراح أسهر ل 2 أو 3 الفجر) تتصل تبغى بريد أو حليب)...
واللي قالت لي يتيمه, هي يتيمه صحيح بس في أوقات أفضل من الوقت اللي تختاره هي في أنصاف الليالي تتصل فيه...
وشيء ثاني خايفه منه لأنها يتيمه وما سافرت تقريبا إلا مره وحده في عمرها أخاف بكره أسافر تقول بأسافر معاكم...
أو إن أمها بكره تسافر وهي ما تبغى تسافر معاها تجي تنام معاي في شقتي....
هي تصرفاتها طيوبه معاي بس فيه أشياء من اللي شفتوها تسويها فيني ماحد في الدنيا هذي كلها يرضى بها أو يستحملها...
تدرون في رمضان أنا قلت لكم إن ولا مره طلعت مع زوجي لحالنا... وأنا يرتفع ضغطي مره بس مره من المرات طلعنا لحالنا وكان مشوارنا لكوفي شوب مش في نفس المدينه إللي أنا ساكنه فيها وطلعنا وهي مش معانا وأنا كنت مره فرحانه.... وتفاجأت إن زوجي وهي متفقين إنه يمر عليها لأنها كانت في مجمع في المدينه الثانيه ولما وصلنا وأنا ما أدري إلا هو متصل بها ويقول لها يالله إطلعي أنا عند الباب... قلت له مين هذي قال هذي خالتي بغيت أصيح في السياره من القهر...
ومره من المرات كنت راح أروح السوق وكنت متكله إن إحنا نروح لحالنا... وتفاجأت إنه وهو جاي لي معاه وحده.. وقاعده قدام في السياره... فلما وصلت للسياره ما قامت من قدام وأنا أطالع مين هذي... فتحت الباب اللي قدام قلت لها مش ناويه تقومي ورى... يعني مش بس جايه وغاثتني بعد تقعد مكاني وهو نفس اليوم إللي أكلت فيه زوجي في المطعم....
فلما وصلت بيتنا رحت على طول في حضن أمي وقمت أصيح.....
تدرون لو غثيتكم أنا بعد من كثر هذرتي إنه في المدينه إللي أنا ساكنه فيها فيه عندنا عادات إن لما الوحده تنخطب (تملك) لازم اخوانها الصغار يروحوا معاها أي مكان كحرس وطني يعني أهلها يخافوا عليها مره بس أنا ما صارت عندي هذي الحركه صار عندي إللي أعظم وحده أكبر مني تطلع معاي كل يوم.وتغتني .. إللي إهي خالة زوجي....
أشكركم مره ثانيه كلكم خواتي على ردودكم لي....
مشكورين كلكم على ردودكم ووقفتكم معي صراحه شغلت الإنترنت اليوم وما توقعت إن فيه أحد راد علي خصوصا إني ما شفت ولا رد في إيميلي....
بس لما دخلت وشفت الردود إستانست واجد....
فيه سؤال سألتوني وأنا ماجاوبت عليه... عندها أخوان والله لا....
عندها 3 أخوان واحد متزوج وساكن برى بيتهم يعني مش معهم في البيت بس هو اللي متكفل بهم من إلى.... والثاني متزوج بس معهم في نفس البيت والثالث صغير في السن وعندها خوات واجد كلهم كبار ومتزوجين وكلهم عندهم أولاد من عمر سنه إلى عمر 30 سنه وكلهم يجلسون في بيتهم شبه يومي.... وهي آخر العنقود في بيتهم (يعني أصغر بنت بس عمرها مش صغير حوالي 23 سنه ونص) يعني عاقله وفاهمه إن المفروض واحد خاطب ماحد يعكر عليه صفو مزاجه وخصوصا إذا كان مع خطيبته...
يعني تقريبا عدد أولاد أختها إللي أعمارهم فوق العشرين حوالي عشره أولاد بس الوحيد إللي تتصل وتأمر عليه هو زوجي مع العلم إن زوجي الوحيد اللي خاطب....
بس ما أدري ليش هي ما عندها إحساس وعلى فكره هذي الأشياء اللي قلتها بس الأشياء اللي تذكرتها وما خفي أعظم....
بس الشيء الوحيد إللي أنا خايفه منه هو المستقبل لما أتزوج أخاف يوم وأنا نايمه (طبعا لما أتزوج بتتغير حياتي ماراح أسهر ل 2 أو 3 الفجر) تتصل تبغى بريد أو حليب)...
واللي قالت لي يتيمه, هي يتيمه صحيح بس في أوقات أفضل من الوقت اللي تختاره هي في أنصاف الليالي تتصل فيه...
وشيء ثاني خايفه منه لأنها يتيمه وما سافرت تقريبا إلا مره وحده في عمرها أخاف بكره أسافر تقول بأسافر معاكم...
أو إن أمها بكره تسافر وهي ما تبغى تسافر معاها تجي تنام معاي في شقتي....
هي تصرفاتها طيوبه معاي بس فيه أشياء من اللي شفتوها تسويها فيني ماحد في الدنيا هذي كلها يرضى بها أو يستحملها...
تدرون في رمضان أنا قلت لكم إن ولا مره طلعت مع زوجي لحالنا... وأنا يرتفع ضغطي مره بس مره من المرات طلعنا لحالنا وكان مشوارنا لكوفي شوب مش في نفس المدينه إللي أنا ساكنه فيها وطلعنا وهي مش معانا وأنا كنت مره فرحانه.... وتفاجأت إن زوجي وهي متفقين إنه يمر عليها لأنها كانت في مجمع في المدينه الثانيه ولما وصلنا وأنا ما أدري إلا هو متصل بها ويقول لها يالله إطلعي أنا عند الباب... قلت له مين هذي قال هذي خالتي بغيت أصيح في السياره من القهر...
ومره من المرات كنت راح أروح السوق وكنت متكله إن إحنا نروح لحالنا... وتفاجأت إنه وهو جاي لي معاه وحده.. وقاعده قدام في السياره... فلما وصلت للسياره ما قامت من قدام وأنا أطالع مين هذي... فتحت الباب اللي قدام قلت لها مش ناويه تقومي ورى... يعني مش بس جايه وغاثتني بعد تقعد مكاني وهو نفس اليوم إللي أكلت فيه زوجي في المطعم....
فلما وصلت بيتنا رحت على طول في حضن أمي وقمت أصيح.....
تدرون لو غثيتكم أنا بعد من كثر هذرتي إنه في المدينه إللي أنا ساكنه فيها فيه عندنا عادات إن لما الوحده تنخطب (تملك) لازم اخوانها الصغار يروحوا معاها أي مكان كحرس وطني يعني أهلها يخافوا عليها مره بس أنا ما صارت عندي هذي الحركه صار عندي إللي أعظم وحده أكبر مني تطلع معاي كل يوم.وتغتني .. إللي إهي خالة زوجي....
أشكركم مره ثانيه كلكم خواتي على ردودكم لي....
و
30-05-2005 | 01:03 PM
تدرين المشكله عندها
يمكن أنها حست أنك بتاخذين ولد أختها منها
عشان كذا تقوم بهذي التصرفات
وطلعتها وياكم أحسها مب طبيعية بالمرة
بس هالمرة لا تخلينها هي اللي تطلب
أنت اللي قولي لها بنطلعج المكان
وحاولي تتصالحين وياها وتصبري
لأنها محتاجة اللي يوعيها بس مب بالكلام
بالأفعال وبعدين بتحس بغلطها
يمكن أنها حست أنك بتاخذين ولد أختها منها
عشان كذا تقوم بهذي التصرفات
وطلعتها وياكم أحسها مب طبيعية بالمرة
بس هالمرة لا تخلينها هي اللي تطلب
أنت اللي قولي لها بنطلعج المكان
وحاولي تتصالحين وياها وتصبري
لأنها محتاجة اللي يوعيها بس مب بالكلام
بالأفعال وبعدين بتحس بغلطها
أ
30-05-2005 | 01:21 PM
مشكوره أختي مرايم السعوديه....
بس إللي أتوقعه إن هذي ما عندها إحساس أصلا....
بس إللي أتوقعه إن هذي ما عندها إحساس أصلا....