مــــكياجي ما يثبت ؟؟ يطير بسرعه

ه

هبوب

عروس متألقة

26-05-2005 | 08:42 AM

بسم الله الرحمن الرحيم

خواتي محتااااااااااااااجه مساعدتكن لا خلا ولا عدم
:shy: خصـــــــــوصاً صاحبات الخبره بالمكياج ..

:down: مشـــــــــــكلتي إن مكياجي ما يثبت على وجهي
على طول يطير .. يعني اكون متمكيجه ومتزينه وعين الله علي :shy:
ومايمديني أطلع اروح العرس او الحفله اللي معزومه عليها إلا يكون
خلاص طاااااااااااار وصار باهت مرررره .. :mad2:
وش اسوي سمعت بعض البنات يقولن .. اغسلي وجهك بماء بارد او ثلج
ورحت وجربته وما نفع .. سمعت بعضهن قالن حطي مثبت مكياج قبل ما تمكيجين
ولا نفع ... سمعت بعض البنات قالن بعد ما تمكيجين رشي ماء بارد خفيف على الوجه
بيثبت المكياج .. هم ما نفع ... وحتى الررررررروج يطير بسرعه ما يثبت
يعــــــــــــــــني كأنك يا بوزيد ما غزيت ...
ساعدني يا خواتي وش السواه .. انتظر ردكن علي

تحياتي
هبووووووووووووووووووب :think:

خ

خليجية

عروس برونزية

26-05-2005 | 09:14 AM

هلا هبوب ...

مشكلتج عويصه بس مو بهالمنتدى <=== ثقة خلووووجه لوووووووووول ...

شوفي حبيبتي بسألج كم سؤال واذا جاوبتيني بعطيج الحل بإذن الله ...

شنو نوع بشرتج؟ دهنيه/ جافه/ مختلطه؟!!

شنو نوع مكياجج؟!! ماركات معروفه مثل ماك وفورايفر وغيرها وإلا شو بالضبط؟!!

اي نوع مثبت مكياج تستخدمين؟!! بخاخ وإلا الجل؟!!!

انتظر اجوبتج حبيبتي...

أ

أم شمايل

عروس متألقة

26-05-2005 | 10:04 AM

حبيبتي خليجيه انا مشكلتي مثل هبوب وبشرتي مختلطه .. ممكن تعطيني الحل

خ

خليجية

عروس برونزية

26-05-2005 | 10:55 AM

أم شمايل

شوفي رسائلج الخاصه .. اتمنى انج تستفيدين ...

ولأي استفسار انا بالخدمه ...

ه

هبوب

عروس متألقة

26-05-2005 | 01:14 PM

هلا حبيـــــــــــــبتي خليجيه
انا بشرتي مختلطه ...
وماركات المكياج اللي استخدمها متنوعه
يعني ماك + فورإيفر+كنيبو
ومثبت المكياج اللي استخدمته .. جل

انتظر ردك ......... ومشكوره

M

Manary

مشرفة سابقة

26-05-2005 | 01:36 PM

[grade="00008B FF6347 008000 4B0082"]جاوبي على أسئلة خلوجة عندها الحل لمشكلتج

بس أنا اقول اذا اساسج نوعه زين و عاجبج و ماشي معاج عدل بس اشتري سبراي مثبت للمكياج من ماك او غيره و رشيه بعد ما تخلصين مكياجج[/grade]

ه

هبوب

عروس متألقة

29-05-2005 | 07:37 AM

Manary:
مشـــــــكووره حبوبه على الرد
اختي خليــــــــــــــــــــجيه .. أنتظر نصيحتك على أحر من الجمر

هبوووووووووووووب

خ

خليجية

عروس برونزية

29-05-2005 | 10:27 AM

هلا حبيبتي هبوب .. آسفه عالتأخير ...

بما إن بشرتج مختلطه فمعناه عندج منطقة ال T-Zone دهنيه أكثر من باقي مناطق الوجه .. ومكياجج حلو قوي وثابت بس يمكن طريقتج بوضعه خاطئه والله أعلم..

بقولج على الطريقة الصحيحه شوفي اول خطوه انج تستخدمين منظف للوجه للبشره المختلطه وبعدها تونك وهذول تحصلينهم بكذا ماركه والبنات يمدحون غيرلاين وكلارينس وشيسيدو ...

وبعدها تستخدمين الجل اللي يتحكم بإفرازات الدهون ويخلي الوي مطفي وعندج جل بودي شوب وفورايفر وتنتظرين عليه 10 دقايق إلى ربع ساعه... وركزي هالجل بمنطقة ال T-Zone ...

وبعدها تحطين الاساس الخالي من الزيوت Oil Free سواء كان سائل أو مضغوط وفوقه البودره المضغوطه وتحطينها بالطبطبه وفوقها البودره السايبه وهذي اهم خطوه لثبات المكياج والاساس وبعدها بالفرشاه الكبيره تمسحين وجهج برقه ونعومه لزوال اي بودره زائده ...

وتكملين مكياجج عادي من شدو وبلاشر وروج او غلوس ... وبالاخير اذا تحبين تقدرين تستخدمين مثبت جيفنشي البخاخ للمكياج ...

اتبعي هالطريقة وقوليلي شيصير معاج؟!! ..

دمتي بود ..

و

ورد الخريف

عروس ماسية

29-05-2005 | 12:53 PM

حطي مكياج كريمي وفوقه امكياج اللي تبين

أو كثري الماي واستخدمي طريق الضغطات الصغيرة لوضع المكياج

أ

أشواق لا تنتهي

مشرفة سابقة

29-05-2005 | 12:56 PM

حبيبتي البنات ماقصروا
واساس الدبل وير من استي لودر مثالي جدا جدا
انا كنت اعاني من نفس مشكلتج وجربت قبلها الجل الي ينحط على منطقة التي زون
مانفعني كثر مانفعني الدبل وير
وحطي فوقه كانيبو بدون ماااي
...اتمنى تستفيدين

أ

أم القوقو

عروس فضية

29-05-2005 | 08:23 PM

نفس كلام البنات

و خوذي معك الميك اب الاساسيات للعرس

و بين وقت وو قت روحي شيكي و عدلي في دوره المياة الله يكرمكم

يعني صلحي البودره و البلشر و الروج هذا اول شي يطير هههههه

اما الشدو عاده يثبت اكثر و اذا بعد طار زيدي عليه شوي