يالمتزوجات شو احسن كريم للجسم؟

هلا شهرازاد مبروووك والله يتمم لج على خير


وين هالغيبة كله بالسووووق:D2



بالنسبة للعطور

شانس مع كامل العدة

وعطر برايفت كولكشن من استي لودر >>>> هذا اول ماتحطينه بتحسين انه مب حلو وريحته قوية

بس لما يبرد يطلع خياااااال

وعندج عطر للوف باريس من نينا ريتشي ووايد حلو وريحته هادية مع كريماته


وعطر الموضة هالايام سينما من اييف سان لوران

وعطر جادور رهيب من كريستيان ديور

والافضل انج ماتكثرين في الاطقم يعني أخذي ثنينه ...

هذا ررايي

وان شاءالله باقي العضوات ايفيدونج :)

اني رحت بشتري الي عطر سينما
قال لي اللي يبيع انه ماينفع هالأيام (الصيف) آخذ هالعطر
لأنه عطر شتوي
ونصحني اشتري عطر ثاني اقل قيمة منه ومرةةة رهيبة ريحته
ويناسب الشباب والبنات بس ناسية اسمه

اما جادور مرة ريحته جناااان وهو مناسب للعرسان الجدد

وكل عطورات ديور مرة روعة

اما عن كريمات الجسم احسن شي عدنا في السعودية زهور الريف
مادري هي عندكم ولا لأ؟

و ذي بودي شوب قريبة من منتجات زهور الريف لاكنها اغلى بالسعر
بس الهدف واحد

وان شاء الله اكون افدتك بشيء اختي

الكريمات

اذا قصدج العطرية .. عندج محل في بوظبي مول الطابق الثاني مقابل ستار بوكس

أسمه Fruits & Passion هذا لكريمات الجسم وشغلات البانيو والصوابين وووووايد رهههههههيب بس ترى غاااالي أشوي

ماعندي فكره بحالي ادور والله
لاني من حالج مقبله على عرس
والله يوفقنا عسى:)

مشكورين على الرد
اللي عنده زياده يتفضل...
وماتعرفون كريمات فيها لون يعني نفس كريم الاساس لكن بدرجه اخف للجسم؟؟ وهل هذي السوالف نحصل منها مع مجموعه العطر اللي نحبه؟
بليز يالمعرسات خبروني.. انا حدي قبل العرس العطر ولوشن العادي ماله.. ماعرف للكريمات اللي تخفي العيوب او اللي فيها لمعه

حبيبتي بودي شوب روعة .......... عندو كريمات تعطي لمعة للجسم روعة ..............

والله يوفقك ويسعدك

فيه محل توي اتذكرته في بوظبي مول مقابل اجمل تقريبا عدال ريدايرث
محل صغيرو في زاويه ايبيع جميع المكياج وبتحصلين عندهم كريم اساس للجسم بس اختي كيف بتحطينه بيبهدل لج قمصان النوم


والفراش

ما اعرف


اسفه

فيه بخاخ لاخفاء عيوب السيقان فقط هذا اللي اعرفه وموجود في محلات كارفور

واذا تبين المجموعة الكاملة للعطور اشتري 2 او 3

والباقي اشتري عطور فرنسية تناسب الصيف ويكون حجمها صغير
لا تشترين الكبير
وصح عطر سينما ريحته في الحر تتغير ودايماا حاولي تحطين العطور
في الثلاجه علشان ماتتغير ريحتها
وكريمات الجسم في بودي شوب وزهور الريف ومحلات دبنهامز وبي اس اتش

وبعد المحلات اللتي تبيع الانجري فيها كريمات للجسم

وفيه محل في سيتي سنتر دبي اسمه على مااظن بلاش مااذكر بالضبط

يبيع اشياء للجسم والبانيو واشايء بسيطه حلوة

روحي The body shop
وبتلاقين وايد أشياء حلوه ،،
وآخر شي نزل عندهم كريم بريحة المشموم
إذا كنتي تحبين المشموم واااااايد بيعجبج
وعندهم وايد اشياء حلوه غير

أول شي .. الف مبرووك يا شهرزاد .. والله يتمم عليج على خير ..

ثاني شي .. حبيبتي .. أنتي بتعرسين فالصيف .. يعني ماينفع تكثرين من كريمات الجسم .. !!

وبعدين أنتي إذا بشرتج حساسه لاتحطين عليها كريمات وخاصه فالحر ... بتسببلج حساسيه .. ويمكن تطلعلج حبوب ..

وبعدين ليش تبين كريمات تفتحلج جسمج ؟؟؟؟ أبد مانصحج فيها لنها راح تخيس الملابس والفراش وتلعوزج ..

وذا مصره تاخذينلج كريمات الجسم ..سيري ذي بودي شوب .. لأن منتوجاته طبيعيه وماتظر بالجسم ...

وربي يوفقج ..

ومنكم نستفيد

أحس بودي شوب حلو بس خفيف

عجا جذيه لا تزوجت باخذ كولكشن شانس من ديور رهييييييب

لا تنسين ماركة شانيل عطورها روعه للعروسه
كوكو مودموزيل
شانيل 5
الووور

طبعا اخذي الست كامل عطر ، شاورجل ، ديودرنت ، مست للشعر ، البودره ، الكريم

وعلى فكره مو كل هالعطور متوفر لها بودره او مثلا شاور جل ..

والف مبروك والله يهنيج انشالله

كلولولولولولولولولوللولوش

يا بنات ايش فيكم على بودي شوب والله انه كريماته تسمر وتغمق لون البشرة انا مجربتها تقريبا كلها بس لما غيرت الى المرطبات الطبيعية والله شفت الفرق وحتى عشان اتأكد حطيت مرة من كريم لبودي شوب بعد ما تحسن جسمي كثير على المرطبات الطبيعية بس والله العظيم انه غمق لونه على طول وحسيت اني سمرت بعكس المرطبات الطبيعية اللي تحسينها تفتح وتوحد لون البشرة
انصحكم بالمرطبات الطبيعية والله احسن لكم وابعدو عن بودي شوب واذا كنتو حابين شي معطر اشترو ماركات عالمية وبس مثل ديور وشانيل
تحيتي لكم

كريمات الجسم المعطرة بس حق الليل نحط نسبة بسيطه منها على الايد والرجل

ونروح ننانم تحت الفراش راح تكون الريحه حلوة

السلام عليكم ورحمة الله وبركاته
والله الغالية انا بصراحة انصحج ب body butter من بودي شوب وايد حلو وانا بصراحةلا سمرني ولا شي حسيته وايد اوكي كنت ماخذه بريحة البابايا والحين بسير اخذ منه مرة ثانية ........ وبعد فيه ماركة فيكتوريا سيكرت بتحصلينه في اريج وانا بعد البارحة شفته في لايف ستايل في العين مول ........
والسموحة