الجنين ميت .. شو الحل ؟؟؟

ا

ام خلفان

عروس نشيطة

24-05-2005 | 02:10 PM

السلام عليكم ورحمة الله وبركاتة

انا عندي مشكلة وابغي الرد السريع ..

انا من ثلاث شهرو تزوجت وحملت على طول وألحين صار لي 12 اسبوع حامل ... في الاسبوع ال8 صار لي التهاب حاد في البول ودخلت المستشفى لمدة خمس ايام.. وعطوني كروس مضاد حيوي (اسمة اوجمانتين) والاطبا اكدو لي انه غير ضار للجنين ..الطبيب كان شاك ان الالتهاب وصل الكلى فقرر علية انه يسويلي سكان على الكلى .. المهم انا خلصت الكورس وفي الاسبوع العاشر سويت سكان الكلى وشفت الجنين وقلبه واكتشفت ان عندي حصوه في الكلى .. طبعا قالوا لي مافي علاج لها لين ما اربي.. انا امس رحت مراجعة عند الطبيبة فاكتشفت ان الجنين ميت :( من اسبوعين .. طبعا انا اكتأبت وصحت على خلفوني الصغير .. بس هذا امر الله وانا راضية... والحمد لله

رحت عند ثلاث طبيبات عشان اتأكد واستقر على راي .. انثين منهم قالوا لي بيسون لي غسيل على طول .. وحدة قالت لازم تنتظرين لين ما اييج النزيف وبعدين بنسويلج غسيل.. والسبب لانها خايفة على عنق الرحم عن ينجرح ويأثر على الحمل في المستقبل ..

السؤال الهام ..
هل اسوي الغسيل احين ؟؟او انتظر لين ما اييني النزيف.؟ انا الصراحة وايد خايفة ومب عارفة شو اسوي

وجزاكم الله ألف خير...

ر

ريم81

عروس ماسية

24-05-2005 | 02:14 PM

الله يعوض عليج أختي ... بصراحة ما ما قدر أفيدج

بس عندي سؤال لج..

كيف عرفتي انه عندج التهاب بالبول ؟؟؟ و ليش ما اكتشفتية من قبل ؟؟

ف

فوانيس

مشرفة سابقة

24-05-2005 | 02:23 PM

هلا حبيبتي أم خلفان
قدّر الله و ماشاء فعل

من الأفضل تنتظرين نزول الدم مثل ما قالتج وحده من الطبيبات
لأانج بكر و بنزول الدم تسهل عملية التنظيف

و ربي يعوضج كل خير
و عقبال ما نسمع أحلى خبر عنج

ا

ام خلفان

عروس نشيطة

24-05-2005 | 02:46 PM

مشكورة اختي ريم 81 واختي فوانيس ... جزاكم الله الف خير..

انا صار لي الالتهاب فجأة بدون سابق انذار ..اصبحت الصبح رحت الحمام(كرمتي) وكنت تمام.. وثاني مرة رحت حسيت بألم فضييييييييييييييييييع ..الله لايراويج شو صار لي.. المهم سرت المستشفى ..و في المستشفى قالوا انه فيروس في البول .. بس بعد ما اكتشفت الحصوة.. قالوا ان الحصوة اتسوي ألتهابات في البول

ل

لب لفواد

عروس ماسية

24-05-2005 | 02:57 PM

هلا الغالية ....................قدر الله وما شاء فعل الله يعوض عليج أنشاء الله ويزقج بذريه الصالحة ألي تفرح خاطرج بأذن الله تعالى ختيه أنا اشواف أنج لازم ما تتسرعين وتستنين الين ما يبدأ النزيف وعقبها سوي الغسيل ادري انه هالشيء صعب عليج بس صبري والله ان شاء الله بيعوضج بالي أخير ........................

ع

عسووووله

عروس ماسية

24-05-2005 | 06:10 PM

لله ما اعطى ولله ما اخذ

الله يعوض عليج بخير يا رب ويرزقج الذريه

الصالحه المعافاه باذن الله.

s

sicily

عروس مشاركة

25-05-2005 | 06:56 AM

اختي أم خلفان ..
أنصحج بشرب ماء زمزم والدعاء بأن الله يسهل للجنين طريقه للخروج .... مجربه ونزل الدم في أقل من 24 ساعة ولكن أشربيه وأنتي موقنه بالدعاء لله تعالى .

لا أنصحك ببقاء الجنيين الميت في رحمك أكثر من ثلاثة أسابيع حتى لا يحدث لك تسمم لأن عمر الجنيين تقريبا 12 أسبوع .

S

SHREEFA

أخصائية اجتماعية

25-05-2005 | 07:30 AM

اخيتي انا عندما مات الجنين في بطني كان عمره 13 اسبوع وظل ميت في بطني اسبوعين مافي نزيف ولا شي وكنت اول حمله لي وعملت التنظيفات مافيها اي شي والله يعوضج خير انشالله ...
وعلى فكره المضاد الحيوي للالتهاب مايضر اذا دكتور واصفه لج ويدري انتي حامل عرف شنو عطاج لا تخافين
هذه كتبة الله قدر الله وماشاء فعل ..

يمكن يكون الجنين مو كامل يمكن معاق يمكن في نقص والله سبحانه حب انه يعوضج فيه خير

الحمدلله والله يرزقج انشالله

ش

شيخة البيت

عروس مبدعة

25-05-2005 | 07:49 AM

الله يعوضج يارب بتوم المره اليايه ,,,

المهم إذا تبين نصيحتي ... سيري عياده خاصه عند دكتوره مختصه جدا ,,, وشوفي شو بتقولج ... لا أتخلين نفسج بهاي الحاله .. دوم المستشفيات يبون الطريقه السهله ... خاصه الحكوميه ,,,

وإذا تبين دكتوره زينه خبريني بعطيج رقم العياده وسيري عندها شوفي شو بتقولج ....

والله المستعان

ر

ريم81

عروس ماسية

25-05-2005 | 11:49 AM

سلامات و االه يعوضج عن خلفوني الصغيرون

ض

ضوء الشموع

عروس نشيطة

25-05-2005 | 02:38 PM

ام خلفان لا تخافين والله يعوضج خير ان شاء الله
انا الجنين مات في بطني ومانزفت بس عطوني مهله اسبوعين ونفس الشي بعدين سو لي طلق صناعي وانصحج اختي انج تنتظرين شوي الان الطلق الصناعي والغسيل تعب وانا توني مجربه تاريخ3/5 بس شربي دارسين يسهل ويمكن ينزل عليج دم .
اي سؤال او اي استفسار انا حاضره اختي ام خلفان.

إ

إسلامية

عروس متألقة

25-05-2005 | 05:28 PM

الله يعوض عليج إن شاء الله

ويرزقج من عنده

ا

ام خلفان

عروس نشيطة

26-05-2005 | 10:14 PM

خواتي ... احب اشكركم على كلامكم العذب .. والله انكم ما قصرتوا فيه...

انا صليت الاستخارة .. وانا حاليا ..احس اني مستقرة على اني انتظر النزيف لين ما اييني... ما ابغي اتستجل في اي شي ..وبأذن الله كل شي راح يكون تمام :)

* اختي شيخة البيت : شو اسم الطبيبة إلي ترمسين عنها...

وشكرا :)

ح

حورا

عروس برونزية

26-05-2005 | 10:24 PM

لا حول ولا قوة ألا بالله..

وربي يعوض عليج يا ربي...

اشربي ماي زمزم مقري فيه وربي يسهل عليه النزول...

وربي يجعله لج غرس بالجنه..

م

ميرة صغيرة

عروس مبدعة

27-05-2005 | 12:55 AM

انا من ثلاث اسابيع مسويه تنظيف سويت سونار 6 مرات عشان اتاكد ان الجنين ميت

وبعدها امهلوني المستشفى اسبوعين وكان ميت من اسبوع وظليت اسبوعين وهو متوفي

عشان يطيح بروحه سويت المستحيل لدرجه كنت انط من الدرج وفي الاخير سويت تنظيف في عياده خاصه والحمدلله ما تعبت ولا حسيت بشي

ز

زهورالريف

عروس نشيطة

27-05-2005 | 05:53 AM

انشالله خير اسمعي حبيبتي انشلله ربي يعوضك بالذريه الصالحه المهم الحين

اشربي ملعقتين رشاد مع كوب دارسين الي هي القرفه وبعد اشربي يلنسون فوري وشربي

ونشالله بيطيح الطفل بدون عمليه تنضيف

ا

ام خلفان

عروس نشيطة

27-05-2005 | 11:33 PM

اختي ميرة صغيرة .. انا الجنين ميت فيه من ثلاث اسابيع وكنت خافية ان يستويلي تسمم.. سألت الطبيبة وقالت حالات التسمم وايد نادرة لانها اتصير بعد 16 اسبوع من موت الجنين!!!

اختي زهور الريف... شكرا على النصيحة بس ما فهمت شي منها .. هههههههههههه

شو هوه الرشاد؟ وكيف كاسين من الدارسين.. يعني قصدج اول اغليه وبعدين اضيف عليه (الرشاد؟)

م

ميرة صغيرة

عروس مبدعة

28-05-2005 | 02:05 AM

ام خلفان

الرشاد يعني حبه الحمراء والدارسين يعني الجرفه

سوي حبه الحمراء وزيدي من الجرفه والله انا سويت وما فاد فيه جربي يمكن انتي غير

ا

ام خلفان

عروس نشيطة

11-06-2005 | 11:14 AM

مشكورين خواتي على النصيحة.. طاح الجنين طبيعي بدون اجهاض بس عملت تنظيف ... وانا الحمد لله بخير ..

ف

فوانيس

مشرفة سابقة

12-06-2005 | 01:10 AM

ألف الحمدلله على سلامتج يا ام خلفان