شعور الزوج لحظة الولادة

موضوع حلو بس للاسف ما حان وقتي عشان اخبركم ...

يالله ان شالله اول ما اقوم بالسلامة بخبركم دعواتكم :smile:

هلا و غلا سنفورة
الفرحة العامرة تغمر كل الأزواج ممزوجة بدموع الفرح
ولادتي في البكر..مش موجود زوجي..ممنوع يدخل
بصراحة تضايقت لعدم وجوده,,

و في ولادتي الثانية ما فارقني لحظه,,
و كنت جدا سعيدة و مرتاحه..
ففي الولادة الثانية قدرت اشوف فرحة زوجي عكس الاولى

بوجود الزوج تكون الولادة لها طعم آخر,,

الله يقومكن بالسلامة..,,

انا طلبت من زوجي يدخل معاي غرفه الولاده

لكنه متردد..

يقول اخااااااااااااااااااااااف يغمى على ههههههههههه.

واخاف يسويها صج والممرضات يتركوني وينشغلون فيه هههههه.

[frame="4 80"]بصراحة كل وحدة تتمنى ان زوجها يدخل معاها غرفة الولادة عشان اتحس بالأمان اشوي بس في بعض الرجال مايستحملون يشوفون زوجاتهم في هذة الحال
وحتى بعض الزوجات ما يحبون يشوفونهم أزواجهم وهم في حالة الولادة
وبصراحة انا سمعت إن وحدة شافها زوجها وهي تولد يعني شاف كل شي يصير جدامه تدرون إيش سوا الرجال من الصدمة ولأنة شاف شي ما يتوقعة الي خبركم اشلون الوحدة يصير لها لين تولد . على طول طلق زوجته واللة هاذي السالفة صج والواحد يستغرب من هاذه النوعية من الرجال عافانا اللة
واللة يفرح كل أزواجنا بولادتنا وبمواليدنا وانشاللة يخليهم لنا .[/frame]

انا بعد اتمنى يوم الله يرزقني بالحمل زوجي يكون معاي وقت الولادة

انا ريلي يوم شافني تعبانة واتويع عيونه دمعت على حالتي وكل ما يدش يبا يطمن امي تروغة برع اتقوله مب زين ما بتتحمل هههههههه مسكين زايغ عليه بس يوم سمع صوت البيبي دش غرفة الولادة وشل مهره طبعا عقب ما غسلوها لبسوها وشلها وطلعها برع يروي اهله واخواني هههههههههههه وعقب ياه عندي وباسني على راسي وقالي حمدلله على السلامة

انا يوم طلبت من زوجي يكون معاي........قال مو زين مره وحده زوجها شافها وهي تولد وبعدين طلقها :(

شكرا حبيباتي على تفاعلكن مع الموضوع.....

يلا بنات كل وحدة منكن تقول شعور زوجها او موقف مضحك صار له وهي بتولد.....

انا عن نفسي في الولادة الاولى ما خلوا يدخل لين عقب ساعة من الولادة...

اما في الثاني كان معاي من اول الطلق وما جلاني ولا لحظة لين الولادة.... انا طول ما كنت اتويع كان معاي بس اول ما طلع الراس صرخت غصبا عني لحظتها صاح .... حرام غمضني....

يلا نتريا المزييييييييييييييييد...

باي

انا بعد بعدني اتريا و ان شاء الله اذا الله عطانا عمر و كان موجود بخبرج شو سوى

مسكين دوم اقوله لا تقعد تسألني اسأله غبيه مثل يعورج شي يقولي لا بقولج تبين باسكن روبنز يسويها ريلي ههههههه بروغه برع اخر شي

انا لسه ماتزوجت حتى بعديييييييين بقولكم بس بعد كم سنه :)

شكرا خواتي على مروركن ونتريا منكن المزيد................

السلام عليكم انا تجربتي الاوليه ما كانت سعيده لان بعيد الشر عنكم
الجنين توفى في بطني

ولاكن كل شي كان طبيعي طلق وصريخ وعوار وولاده وغرفه ولاده والكل يصيح خواتي امي ريلي اخوانه خواته امه عمه
خاله عيال خاله وعيال عمه هههههههههههه لا تستغربون

حتى خال انا وعياله واخوان خواتي وعمي وابوي واخواني هههههههههههه كل العائله الكريمه بانتضاري خارج غرفه الولاده

والله انه فلم هندي انا انصدمت لما طلعت وشفت كل هالحشد من الحريم قلت ما علي

بس الصدمه كانت اكبر لما طلعوني ليودوني لغرفتي بالدور الثاني لما شفت جيش من الرياييل باااااااااال قلت بخاطري

هذيله شو يايبنهم اخوان ريلي واخواني وعمي وخال ريلي وخالي انا ويا عياله وابوي وعم ريلي ويا عياله وربعه
ههههههههههههههههههههههههههههههههههههه شي غريب والله

ساعتها قلت بخاطري معقوله كلهم يحبوني هالكثر ولا لان الجنين مات بالتاسع وكلهم يو يواسوني انا وريلي

وبس هذي تجربتي بالولاده والحمل الاولي

والحمدالله انا الحين حامل بالشهر الخامس وادعولي الله يخليكم الله يقومني بالسلامه

اختكم ام عبدالله

انا بلمرتيين كان زوجي وياي في الولادة الاولى كنت 18 سنه وكانت ولادتي عمليه قيصريه وكنت في غربه وهو الوحيد اللي دخل وياي غرفه العمليه وكان ماسك بايدي وفرحته لاتوصف , في الولادة الثانيه كان عمري 24 سنه وكانت ولادة طبيعيه والحمد لله وشاركني الساعات الطويله في غرفه الولادة وهو سعيد بلتجربتيين وفخوووور بيها .

انا لم احمل بعد ولكن كل ما افكر فى الموضوع واكلم زوجى به واسأله اذا كان سيشاركنى هذه اللحظات ولا لا مره يقول مش هاسيبك لحظه واحده و مره يتوتر و يقول حاسس انه ممكن افقد الوعى و مره يقول الله يكون فى عونى ولكنى اشعر ان اعصابه خفيفه ولن يتحمل الموقف و لكن زوجى لا يوجد شخص فى العالم يستطيع توقع رد فعله ولكن انتظرونى لما احمل و اولد ساروى لكن كل شىء و من الان توقعوا مسرحيه شديدة الفكاهه
انتظرونى وادعولى ربنا يرزقنى بيبى جميل

أنا كنت أفكر إذا أدخله ولا لا



الحين اتخذت قرار إني ما راح أدخله معاي



ما أقدر أخلي أعز ناس على قلبي يتألمون


حتى أمي ما راح أخليها تدخل وياي

يلا بنات وين الردود؟؟

[grade="0000FF 0000FF 0000FF 0000FF 0000FF"] انا قاعدة انتظر البيبي وريلي ينتظر متى اقوم بالسلامة ..

وريلي قال لي بيدخل معاي وانا ما اتوقع يوم من الايام يطلقني بعيد الشر عني ..ههههههه

اروجكم يا بنات ادعو لي بالساعادة مع ريلي ..ارجوكم ..




فتاة البحرين **[/grade]

[CENTER]أنا ريلي يقولي بدخل وانا اقوله لا ...........بس شكلي بخليه يدخل معاي...بس استحــــــــى:think: .هذا اول حمل لي.....وبعدين الزوج بيكون واقف عند راس الزوجه...مابييلس يوايـــــج عليها.....واحس يوم الزوج يدخل ويحضر الولاده ...تغلى زوجته عنده ويحبها اكثر لان بيشوف العذاب الي بتمر فيه...
ولا شورايكم؟:think:؟

[CENTER] السلام عليكم ورحمة الله وبركاته
انا بعد هذا اوول حمل لي وخاطري زوجي يدخل معاي ويكون معاي لحظه بلحظه بس للأسف احنا في قطر عندنا ممنوع الزوج يدخل غرفة الولاده :cry:او انه يكون معاها بس اول ما تقرب لحظة خروج الراس يطلعونه وما يخلون حد يدخل
خساره والله كان نفسي يعيش معاي هالتجربه
تحيــــــــــــــــــــــــــاتي