اش الموقف الحلو او المحرج اللي صار في حفلة زفافك\خطوبتك\ملكتك ...

........................................... لا تعد ولا تحصى ...............................................

كنت توني رادة من الصالون .... و تهاوشت مع ابوي ........ و حزة ما الشيخ يملج مع خطيبي و ابوي يسألونه البنت جامعية قال جامعية ولسانها طويييييييل الله يعيبك .... يا فلان ...... و طبعا ما دريت الا من الفيديوووووو ......

و ثاني شي يوم طالعين في الزفة مالت الخطوبة و الشبكة و الدبل .... كانووو بنات حاملين شموع خفت لا يحرقوني هفيت الشمعة و طفيتها عقب ما حشرتهم .... طفوا طفوااا ....

بس طبعا كان في البيت و محد الا خالاتي و بنات عمي و اهلي محد غريب .....

و بعد عندنا عادات ان الشيخ يملج و يا خذ منطوق اللسان يعني يجي الشيخ و مع الشهود و يتأكد من البنت موافقه .... حزتها يحطون الريل في ماي ورد ....

انه كان علي صندل ابو ربطات و عجوز كان المفروض تفتحه لي تمت ساعة و هي تحاول مسكينة تفتحه ..... مواقف واجد واجد صارت لي .....


اي و بعد كانت دايما خطواتي قبل خطواته افشل موووووو

هلا يا بنات انا حصل معايا 3 مواقف محرجة وتغيظ مرة مرة هذا في الخطوبة اول شيء وانا بعمل باديكر اللي بتسويلي جرحتني في رجلي وانا كنت هلبس حذاء فاطريت انزل للسوق واشتري صندل مفتوح وبعدين واحنا رايحن للاستديو التصوير السيارة عطلت وانا في الاستديو وكنت هموت من الغيظ والغضب بس الحمد لله مبنتش في الصور وثالث موقف في القاعة وكنت مرتبة صواريخ وانوار ليزر وشوية العاب مرة حلوة بس مفيش ولا لعبة صارت بس الحمد اللية تمت على خير بس برضه متغاظة

حصلت لي كثيررررررر مواقف تموت ضحك واذا تذكرتها اشتاق له هههههههههههههه

واحد منهم يوم جينا نقطع الكيكه
كانت فيها حلقات زينه خيوط لولو وخيوط رايبون زينه

فالسكين ماكانت تمشي زين
وانا كنت منحرجه وماسولفت معه ابد ورايحه وطي من الحيا

بس يوم جا يقطع الكيكه كان ناعم بالبدايه لدرجه ان الكيكه مالت وكانت بتطيح علينا ووقتها ضحكت ضحكه مجنونه والحيا شرد مني ،، وهو من الفشيله قام مسك يدي قوه وصار يقص الكيكه بشكل عنيف حتى بتصوير الفيديو كان واضح يوم مسك يدي وشد حيله حتى الكل علق .. للحين اذا شفت الفيديو امووووت ضحك ..

غير جذي صارت مواقف وايد بس بعدين برجع :)

مواقف حلوه مهما كانت محرجه

ربي يسعدكم

عقبالي يارب اقصد اتزوج مو مواقف محرجه ههههههههه

ادعولي بالزوج الصالح والذريه الصالحه اللهم امين وللجميع كذلك

تذكرت واحد هاهاها

كنت من الحيا مب قادره انطق بحرف
المهم دخلو علينا اخته الكبيره وبنت اختي الصغيرونه وهذي حيل متعلقه فيني
كانت اخته تبي تلطف الجو وتخلي الحيا شوي يروح فقامت تسولف شوي على اساس انها بتطلع عنا بس هيك حركات نص كم
المهم ان بنت اختي الصغيره جذبها الشوكليت فخذت كم وحده وجات عندي تتدلع .. قمت انا شلته عنها لا تذبح نفسها بالكاكاو وتركت لها حبه وحده بس بيدها ..
وهو يسولف مع اخته انا كنت ماسكه الشوكليت والعب فيه وسرحت ومالقيت نفسي الا فاتحه الكاكاو

توهقت الحين ان اكلتها بيقول شوفو المشفوحه ماتتكلم معي وتاكل كاكاو
ومن الفشله وكانت اخته وقتها طلعت عنا قمت مديت يدي له وعطيته الشوكليت هههههههههههههههههههه هو ماقدر مات علي من الضحك وخرب الدنيا
عقب اضطريت غصب عني اني اصير مره سنعه واروح اجيب القهوه واقهويه

شفتو الوهقه

ياحليلكم

وحده ملقوفه من الملاقيف جايه اتفرج واضحك

لاني متزوجه ولا ملكه ولاشئ

الله يوفقكم

«®°·.¸.•°°·.¸¸.•°°·.¸.•°®»الف مبروك الى العرايس .. الفأل لي والى جميع البنات يارب ..«®°·.¸.•°°·.¸¸.•°°·.¸.•°®»

هههههه .. سوالف ومواقف جميله ,,, الله يسعدكم ويهنيكم دووووووووم

اما موقفي كان قبل الحفله باسبوع اذكر عملت تقشير كريستال خفيف ... المصيبه الكبري حسست .. ظهرن حبوب في ويهي ورقبتي .. من الحزن اللي فيه قمت اصييييييييييييييييييح وقلت ماباقي عن الحفله شئ وكيف بيكون شكلي بالمكياج ويهي ورقبتي فيه حبوب (توبة مااسويها.. )
والمصيبه بعد الفستان من الصدر .... بيكون فرق هههههههههههه .. بس الحمدالله سرت المستشفي الايراني وعطاني مرهم موضعي وحبوب ووكنت احط روب (زبادي) والحمدالله خفن الحبوب واختفن ..

يوم الحفله : كنت امشي بين المعازيم وكنت مرتبكه وااااااايد كنت اتخيل نفسي اني بطيح او فستاني بينطر او او او تخيلات لاتنتهي .... بعد مالبسني العقد والخاتم مشينا بين المعازيم وكان ماسك بديه مره وحده فلت إيديه من يديه وكانت اختي ورانا اقولها مااقدر برد ... وهو اتعرفون وين سار ... خلتيها ابروحه يمشي ... هههههههههه

مره حلو هههههههههههه
الله يسعدكم و يزوج البنات اللي لس ما تزوجوا بإبن الحلال .....

لس في مواقف ... حاب اسمع منكم آول ....
:clap::clap::clap::clap::shy::shy::shy::shy:

حلوةةةةةةةةةةةةةة
هههههههههههههههه

انا كانت استعداداتي لمجلتي محبطه من الخااااااااااااااااااااااااااااطر

اول شي سرت اشقر ويهي واتحسس ويهي من التشقير اللي مسوينه لي في الصالون وكان فيه حب صغار واحترق مكان الحب :down:

رديت البيت وعاد حطيت عسل عشان اونه ما يتشوه ويهي ما كنت احاتي الملجه كثر ما احاتي ويهي لانه الحمدلله بشرتي صافيه...

وكانت هالسالفه قبل الملجه بثلاثة ايام .... حطيت كريم كنت ماخذتنه من المستشفى وخف وايد لين يوم الملجه وعقب ما بينت اي اثار

الحمدلله...

ثاني شي سرت اتحنى في الصالون وكنت شاريه حنا من صالون ثاني لانه معروف انه حناهم يصبغ وانا طالعه الصالون اللي بتحنا

فيه نسيت الحنا ورديت اشتري مره ثانيه .... وسرت الصالون وطلعت الحنايه اللي حااجزه عندها محد بغيت اموت غصه وانا معتمده

واتصلت بها قالت لي انا في الشارجه ماقدر ايي عندج بتي وحده حناها حلو وبتحنيج... وانا من الغيض منوه يرمسني ذيج الحين ....

وكل مره تعطيني حد من اللي عندها عشان يقولي الحنايه اللي مطرشتنها حناها حلو ... وقلت اتوكل ع الله واتحنى واتحنيت وطلع

حناها حلو بس ما صبغ :down: ... ثالث شي يوم الملجه تاخر المليج و اسوت مشاكل ع سبة التاخير حتى كانت بتلتغي الملجه وابوي

يتريا كلمه مني حتى قالي قولي ماباهم والله يلغي كل شي الحين من زود ماكان معصب:confused:

ويوم سرت الصالون خبيره التجميل اللي حاجزه عندها طلعت مسافره ووحده من اللي يشتغلن عندها عدلتي وتعديلها كان مب ذاك

الزود وطلعت لها قرون لين ما خلصتني وكانت عندها عروس ما سوت اللي انا سويته لاني اذا شفت اللون مب ظابط ولا الاي لاينر وايد

هادي اقولها انا بروحي اتعدل واارسم بعيوني بهالطريقه واشرح لها عشان تسوي لي الللي اباه حتى اللي سوت اللي التسريحه ما

سلمت من طلباتي بس عروس اذا ما تشرطت والله بخلوني اروع .....

وعدت الامور ع خير وماحاولت اعصب وخليت عمري ريلاكس يعني لو وحده غيري من اللي صار بتم اتصيح بس طلعت راعيتها وخليت

فرحتي تغطي على كل اللي صار وكان الجو عندي وناسه قبل ما انزل عند الحريم تيمعن البنات ورقص والحاله حاله والله انا لو مب

عروس جان رقصت وياهن بس امي محرصه علي ما ارقص هههههههههههههه.... عقب نزلت ودش المعرس وحليله مرتبش وقالوله لبسها

الدبله في اليسار وهو ع باله يلبسني وهو ماسك الدبله بايده اليسار : ) ومب عارف في اي صبع يدخله وانا ااشر له ع الصبع وعقب

شفته قرب الدبله وجان ادخل صبعي في الدبله ههههههههههههههههههههههههههههههههههههههههه كل شي بالعكس عدنا


عقب تم يعلق ع فستاني ويقولي فستانج عود فستانج كبير .... ثلاث مرات قالها لين ما عصبت قتله عايبني انت شو لك .....


يلعن ابو الدفاشه وما تسوي ههههههههههههه .... واصلا وقت الزفه كنت امشي واشوت الفستان لانه وايد كبير ومب قادره امشي

منه ههههههههههههههه بس ماكان واضح لانه الفستان كبير .... ويت المصوره وتقول سوو حركات وخواته يقولن امسك ايدها

والريال ماد ايده وانا ماسكه مسكه الورد كانه حد يسرقها .... ولا جني اشوفه ومسويه عمري قويه عقب يت المصوره مسكت ايدي

وايده وخلته يمسك ايدي وايدي ترتجف الا بكبري اتنافض ماشالله كنت على الهزاز ... عقب قالي شو بلاها ايدج ؟؟؟؟؟؟؟؟


وانا اقول في خاطري ماسكتني الكهربا .... بس كانت احداث مثيره وكنت مغطيه على التوتر اللي فيني بابتسامه كريست واشاقه

الحلج بس والله انه نصخي كان واضح للي قربي وتقولي خالتيه هدي هدي بس اللي كانوا بعاد مايبين شي عندهم



ان شاء الله تتيسر اموركم والعرايس يتوفقن دنيا واخره والعزابيات اييهن ولد الحلال ويرزق الكل الذريه الصالحه السليمه المعافاه

والسموحه طولت عليكم

طفرااانة والله انك عجيبة
ضحكت عليك ضحك لوووووووووووووووووووووووووووووووووووووول

هلا بنات آنه بعدي ما عرست
بس بقولكم سالفت صديقتي

وحده من صديقاتي كان عرسها مأساه ما في شي مشى عدل
الخطوبه أول ما دخلت إنطفت الكهرباء وكان حر وعلى طول راحت البيت وتصورت لأن كل ما يحاولون مع الكهرباء ما قاعده تشتغل <<<<<<<<<<<<بس بيني وبينكم أختي السبب وهي تطالع التكييف وتقول بلللللللل هالكثر مكيفات وجان ما كملت كلامها إلا صار اللي صار

أما زواجها فكان مأساة خاصة بها أولا سوته في مكان بعيد وأغلب الناس ما حضروا وكانت مسويه عرسها مع بنت خالتها في نفس الليله ولما دخلت إستغربنا من فستانها كان وايد عادي ولا فيه حركات لما سألتها قالت آنه ما أدري النحس ملاحقني ليش تصوروا حجزت فستان ولما راحت تستلمه قالوا عطوا وحده ثانية فقالت معليش باخذ غيره وريولها تعورت فلبست صندل بدل الجوتي اللي ما تقدر تمشي فيه والطرحه كانت عاديه وايد وما دخل زوجها شالتها من على راسها وحطتها على الكرسي وولد أختها يحبها وايد بس شيطان لعوز لها الطرحه بالعصير لا والأسوء ما صورت بروحها كل مع الناس وولد أختها اللي في كل صورة لا ويشبهها وايد كأنها أمه

بس إتصدقون ما كانت مهتمه وهذي اللي عاجبني فيها بس بعد طلعت حلوه وإبتسامتها هي اللي خلت الناس ما يحسون باللي صار لها

وعندي مواقف بكتب لكم عنها بعدين

وحدة من الملاقيف داخلة عرض بس شنسوي...فضول الحريم...
ادعولي يا بنات...

بقولكم عن اختي في عرسها كانت مسويه ترتبات من فترة طويلة علشان كل شي يطلع تمام...كانت خايف من الفستان وما عجبها شي ففصلت واحد على ذوقها علشان تضمن...والفستان طلع حلو والتسريحه بعد بس لما جات على المكياج...اللي حاجزة عندها صار عندها ظرف وراحت وخلت وحدة ثانيه تمكيجها...الله لا وراكم المكياج كان يخرع من الخاطر :D2
وهي كانت مقهورة وسبتها عدل وما سلمت منها اختي العودة ولا صديقتها لانهم كانوا رايحين معاها الصالون...المهم بعد التعديلات صار اخف شوي بس بعد كان مو ذاك الزود...اول ما دشت البيت رحت انا علشان أبخرها وأعدللها الفستان فأنا لاني انشغلت وايد بالتعديلات في العرس ما رحت الصالون وتمكيجت بروحي وكان سهل لاني لابسه ذهبي والشدو كان ذهبي والروج كان عنابي وحطيت عليه جلوس ذهبي بعد وطلع وايد رقيق بس وايد حلو وبشاهدة الكل :shy:
اول ما شافتني اختي قالت يا ويلي انا تو بيهون المعرس وبياخذك انتي...كان فكيت روحي وخليتك تمكيجيني بدل العله اللي مكيجتني...:cool2:

بس يا حليلها لليوم تدعي على الكوافيرة واللي سوته :D2

انا ماني ملكه ولا شي بس داخله لقااافه

قطاف اختك عليها عين مو صاحيه :D2

ههههههههههههههه حلوه هالمواقف وترفع الضغط
يالله الله يبعدنا عن هالمواقف لووووووووووول

ررروووعععهههه ..... الله يسعدكم في الدنيا و الاخرة ......

اقولكم عن موقف صار في عرس اختي ...

في يوم زفافها كانت جالسه وايا زوجها ( عروسين ) ... فشوي اطالعون في صديقة لنا
هي تحب الموز وايت (الصديقة) ... وهي تقشر في الموز بطريقة غريبة و مضحكة .....
فصاروا يضحكوا والناس كلهم يطالعون فيهم ... و كل واحدة تقول في نفسها .. يمكن...
يضحكوا علي ... وشكلهم كان ملفت جدا .... وكانهم يتفرجوا على مسرحية مضحكة ....
:D2:D2:D2:D2:D2:D2:D2:D2:D2:D2

ليش البنات ماتشارك؟؟؟؟؟؟؟؟؟؟؟؟؟؟؟؟

شو السالفه الموضوع ما عجبكم ولا؟؟؟؟؟؟؟؟

هلا فيكم خواتي
بقول لكم موقف صار لي يوم زواجي تصدقون احنا في عاداتنا من نشوف الزوج الا ليله الدخله يعني اشوفه حالي حال المعازيم
اول ما دخل تخرعت ههههههههههه اش طوله وانا قصيره عنده هذا والها اقول في خاطري
يوم قرب على الكوشه كان اخوي جايبه اول ما وقف حذاي كان يغمى علي اغماءه بسيطه من الخوف يعني طحت على الكوشه
والله يوم عرسي كل الدوحه تكلموا على العروس يوم اغمى عليها على الكوشه
وهو يوم دخلنا الغرفه معصب علي وش بلس فضحتيني في اهلي وانا جالسه اصيح من الفشيله
والله مواقف واجد مرت علي ثاني موقف منه هو اول ما دخل ياخذ الغتره والعقال يحذفها الا هي كاسره الابجوره وانا في خاطري اتحنطم كل مره شيء اف هههههههههههههههه