الولادة السهلة في نظركم شو ؟؟

3yoOon_AD

تصدقين حاسة بمعاناتك انا احس اني اذا الله رزقني وحملت راح اصير مثلك كل يوم بحط لهم موضوعين او ثلاثة انا للحين ما حملت وكل يوم اقول لزوجي اني احس اني بموت في الولادة وهو يقعد يهاوشني عشان تفكيري بس شسوي الخوف !!

الخوف هو اللي بيذبحنا

الله يهون عليك ويسهل عليك الولادة ويرزقك بالخلقة الكاملة يارب

ويسهل على كل الحوامل اللي في المنتدى

والله انا عن نفسي كان الطلق هو الي ملعوزني .. وويع الظهر الي صدق ذبحني .. اما وقت الولاده كان في ويع بس ويع محتمل يعني عشان الياهل يطلع .. وهذا يعتمد عليج انتي وسرعتج وطريقتج فالدفع .. انا عن نفس ما تعبت وايد فالولاده ..

وكيف انتي تقولين مفتوح 3 سم .. انا يوم شافوني قالولي 3 سم ولازم ولاده .. وصدق ولدت عقب 5 ساعات تقريبا

يا الله يا عيوون لعوزتي عمرك بكثرة المواضع وإنتي بروحك عندك امتحانات وتفكرين في الولادة

وتردين على هالموضوع ولا هالموضوع ولا هالموضوع

لكن رأيي إنه الولادة السهلة هي إنك تولدين طبيعي حتى لو بألم وعدد الساعات تكون قليلة وما يكون وراها مضاعفات بعد الولادة

يعني طلعتي من بيتك وبعدها بخمس ساعات بالكثير ربيتي والبيبي بخير ومعك في الغرفة وإنتي قمتي ورى الولادة بالسلامة وما فيك إلا العافية هذي أحسن ولادة

هذا رأيي

بس بخصوص شدة الألم وزيادة مرات الطلق هذه صار علاجها سهل مع إبرة الظهر اللي ما أنصح فيها أحد بصراحة مش عن تجربة بس من سماعي لتجارب الآخرين

لكن الواحد ألحين يتكلم سهل .. حزة الحزة الله اللي يسهل الأمور وهو اللي كاتب بناخذها ولا لا

ربنا يرزقك ويرزقنا ولادة سهلة اللهم آمين

أنا في ولادتي في ولدي كان فيه ويع خفيف اللي هو (المنان) يسمونه من بداية الثامن وعديت موعد الولادة ب 5 أيام وتعبت نفسيا وجسديا ومليت وسرت المستشفى وكان مفتوح 2 سم وركدوني وعطوني طلق صناعي بس الطلق ما ساعدني واييد وتميت اتويع سبع ساعات وتصوروا الرحم كان مفتوح 6 سم انحد حيلي وما قدرت اتحمل لين ما الدكتورة كتبت عمـــــــــــــــــــــــلية قيصرية...

فلا تستعيلين إنت بعدج ما عديت موعد الولادة اصبري عشان ما يعطونج طلق صناعي وتتلعوزين مثلي والله لا يقول يسوولج عملية قيصرية فلا تعبين عهمرج من الحين خلي طاقتج حك الولادة وويعه....

تحياتي


أم هـــــــــــــــــــــــــــــــــــــــــزاع

مشكورات خواتي على تفاعلكم وياي ...

رومي .. والله الشهر التاسع يخليج تسألين عن كل شي .. يستوي هوجاس عند الوحدة .. ماتعرف راسها من ريولها .. :D2 لاعبين علينا هاليهال والله ..

بنت فلسطين شسوي .. اساله وايد تدور في خاطري .. ماعليه اتحملوني شوي .. :D2 تاخذون اجر فيني ..

بجعة انا بروحي مستغربة ليش طلعوني ؟؟ هم من دروا اني بجر قالوا لا بعدج مطولة احسن اتسيرين :down:

شكلهم يبوني اوصل لهم وانا 10 سم جاهزة .. الله يسامحهم ..

فعلا الطلق هو الي يذبح .. لأنه هد حيلي .. صرت احس انه ماعندي طاقة ..

دعواتكم

bent_palestine:
يا الله يا عيوون لعوزتي عمرك بكثرة المواضع وإنتي بروحك عندك امتحانات وتفكرين في الولادة

وتردين على هالموضوع ولا هالموضوع ولا هالموضوع

لكن رأيي إنه الولادة السهلة هي إنك تولدين طبيعي حتى لو بألم وعدد الساعات تكون قليلة وما يكون وراها مضاعفات بعد الولادة

يعني طلعتي من بيتك وبعدها بخمس ساعات بالكثير ربيتي والبيبي بخير ومعك في الغرفة وإنتي قمتي ورى الولادة بالسلامة وما فيك إلا العافية هذي أحسن ولادة

هذا رأيي

بس بخصوص شدة الألم وزيادة مرات الطلق هذه صار علاجها سهل مع إبرة الظهر اللي ما أنصح فيها أحد بصراحة مش عن تجربة بس من سماعي لتجارب الآخرين

لكن الواحد ألحين يتكلم سهل .. حزة الحزة الله اللي يسهل الأمور وهو اللي كاتب بناخذها ولا لا

ربنا يرزقك ويرزقنا ولادة سهلة اللهم آمين

صحححح كلامج يا الغاليه..

انا ما جربت الولادة توني
بس اتوقع الولادة السهلة هي الي مايطول فيها الم الطلق
ويطلع الطفل بسهووووووله يعني بدون شفاطات وبدون ضغط على البطن

والله يسهل على كل حامل
آآآآآآآآآآآآآميييييييييين

يعني غالباً الطلق هو الي الواحد يقدر يعتمد عليه في تحديد سهولة الولادة ..

الله يهون علينا الطلق آمين ..

اللهم اني اسألك حسن الخلق وهون الطلق ..

hala wala alah yeshael 3ala el gamee3 3oyooon_ad enty mata a7*er ma3ed 3endek ana baqeely esbooo3 1/6

الله يقومج بالسلامة يا عيون أبوظبي، لا تحاتين أقراي كل يوم سورة مريم وكلي سمع تمرات وادام ياج (المنان) يعني إنشاء الله تسهل ولادتج، حزت الي بتروحين المستشفى أخذي ماء زمزم مقري فيه كل الأدعية لتسهيل الولادة وإنشاء الله كل شي بخير.

آنه من الأصل قبل كل شي ما عنيت برع المستشفى لأني رحت لهم بشوي تكرمين دم وعملوا لي طلق صناعي لأن الحركة كانت خفيفة وكل 6 ساعات آخذ تحميلة وياله فادت فيني الثالثة وفتحوا كيس الماء وكنت أعاني من ألم بظهري وايد، بس الحمد لله حزت ماكنت بغرفة الولادة وبديت أدفع طبقت كل تمارين التنفس الي تعلمتها بدروس الحوامل والحمد لله سهلت الولادة وأمي المسكينه تمسح راسي بماء زمزم وتقولي قولي يالله وأدعي لكل من طلبك وفعلا شغلت الوقت بهالشي دخلت 4 الفجر وخرج عبودي الخامسة الا ربع..

بس خلي بالك من شي ونبهيهم،أن يضغطون على مؤخرتك لأن بفعل الدفع والضغط صارت لي بواسير هلكتني أسبوع بعد الولادة،،، طبعا غير الخياطة....

:pain: يالله .. الله يستر ان شالله ..

احس الوجع بدا ينتظم عندي كل 10 دقايق تقريبا.. وعسى يزيد ويتقارب عشان اتأكد اكثر ..

انا موعدي 8-6 بعده ما طاف ..

الله يسهل على الجميع ان شالله

الله يسهل عليج عيون......انشالله هالساعه تكونين ولدتي وافتكيتي

الله ييسر علييج يا عيون.. ان شاء الله تكوني ولدتي الحين

:down: لا تعليق ...

سمعتوا عن الموت البطئ ؟؟ :sad: انا جي ألمي بالبطيء ..

اونه يقولون طلق الولد حامي .. :D2 ما شفت ابطأ منه الصراحة

السلام عليكم ورحمة الله وبركاته


kekoooom banat aana ames konet 3end el doctoooor we 7akalt ba2eelek 5 days wala eny ta3bany mooot men batny we dhary banat wala ma ba3ref keef el tale2 a7es tegy na3*zaaat men ta7eet bas dahryy alam mostamer what can i doo?

انا عن نفسي جاني الطلق الساعه 3 او 3ونص الفجر ورحت المستشفى الساعه اربع ونص وولدت وطلع عزووزي الساعه

9 الصبـــــــح ... يوووه ذكرتيني بالذي مضى ياعيون .... الحمدلله كانت الولاده سهله وكل شي مشى بتساهيل من الله

سبحانه ... عليج بماء زمزم وقراءة صورة مريم ولاتنسين الادعية اللي تسهل الولاده ....

الشي اللي عن جد ريحني اثناء الطلق الاوكسجيييييييييييييييييييين كان روووووووووعه يخدرني

وكنت اهوجس مثل الهبلة واضحك :) وكنت انسى الألم والحمدلله عزووزي صار رجــال الحين بس الله يهديه

النوووم مادري ليش مايحبه .... رقاده طول خشمه :) :) الله يهون عليج حبيبتي وعلى كل الحوامل

والله يسهل عليكم كلكم

السلام عليكم ورحمة الله وبركاته


kekoooom banat aana ames konet 3end el doctoooor we 7akalt ba2eelek 5 days wala eny ta3bany mooot men batny we dhary banat wala ma ba3ref keef el tale2 a7es tegy na3*zaaat men ta7eet bas dahryy alam mostamer what can i doo?

الله يسهل على كل حامل ويريحها ان شاء الله ..
الله آمـــين يارب

مشكورات خواتي على تفاعلكم وياي .. وربي يرزقكم واياي ولادة سهله .. آمييين