إلحقوني بنبط ؟

يا اختي ترا الحال من بعضه

اول شيء انا عدلت نومي

يعني سهرت لين بالليل <<<<< لازم نستحمل

بعدين رقدت لين الصبح وبهالشيء انتظم نومي الحمدلله

والحين قمت اخفف من الاكل والاسبوع الثاني ابتدي بالريجيم

وارقد مبكرااا

واصلا الاكل مايحلى الا بالليل
فاحسن حل انج تنامين الساعه عشر
قبل النوم روحي امشي لمدة ساعه او نص ساعه كل يوم

حاولي تشغلين نفسج اب اي شي بس لا تقعدين جذي ... وعدلي نومج .. نامي بالليل يعني عالكثير 2 وقعدي الصبح والله احسن لج راح تحسين براحه حتى .. بس لما تقعدين بالليل خلاص تحسين بضيقه مادري شلون يعني .. وانتي ادره ...
خففي من الاكل .. سوي كنترول على نفسج ...
والله يوفقج

مشكورين ويعطيكم العافيه 000 ويالله وين باجي العرايس شاركونا جزاكم الله خير 0



الكاسكو

السلام عليكم اشلونك اختي ان شاءالله تمام شوفي حبيبتي والله ان السهر

موزين لنا لكن الشكوى لله تعودنا بس برضه زي ماقالت لك الاخت اسره القلوب

انا بعد سيويت كيذا والحمدلله وبعدين اختي انتي تقولين انك تنامين الساعه9 الصباح حتى 8بااليل

فين صلاه الظهر والعصر والمغرب خافي ربك اختي وحافظي على صلاتك وصدقيني ربك هو الي بيعينك اذا صدقتي

في النيه حبيبتي والله العظيم مااقول كلامي هذا الا محبتا لكي اوخيتي فلاتغضبي مني ولكي خالص دعواتي انك تنحفين وتوصلين للوزن اللي تبينه :o

شوفي بقولج على حل اختي الله يحفظها طايحه في النسكافيه و انا قلت خلني اشوف ليش النسكافيه شو فيها يوم شربت كمن يوم احس انها ما تخليني اشتهي آكل .. انا اشربها بدون كافيين عشان ما تدمنين.. و ثاني شي حاولي تشغلين نفسج في البيت يعني قومي رتبي الغرفه امشي اقري صلي الضحى المسا امشي في الحوش و لو حر خفي وزن شوي.. اما في الليل جربي يوم تتعشين و مرة ما تتعشين تراه يفيد في انقاص الوزن.. كل ما حسيتي باليوع سويلج عصير فرش الي تحبينه مش المعلب.. اشربي حليب.. اما المعجنات بلييييييييييز ابتعدي عنها خاصة في وقت متاخر و الا بتحصلينها تكدست على هيئة دههووووووووووووون.. اتمنى اكون افدتج و لكي تحياتي..

* أختي أحلى دلع بالعكس ماغضبت ولا ازعل منج لانج تنصحيني في الله ومشكوره وجزاج الله خير 0

*وأختي روح-دبي اي والله مثل ماقلتي ويعطيج العافيه وماتقصرين 0


الكاسكو

الأخت روح دبي
من وين الاقي نسكافيه من غير كافيين؟!
لأني اول مره اسمع الصراحه

سوي مثل ما قالو لج الخوات و حاولي تشتركين بنادي او دورة او اي شي مفيد

و الله يوفقج

و اختي
business_girl

نسكافيه بدون كافيين موجود بالجمعيات
مع النسكافيه العادي و كتوب عليه خالي من الكافيين

حاولي تشغلين وقتك باي هوايه انتي تحبينها امشي وابتعدي عن السهر سهري بس مووايد

وفي الليل لاتاكلي الحلويات او المعجنات اكلي فاكهه

والله يعطيك اللي في بالك

مشكوره وماتقصرين والباجي العرايس شاركونا 0



الكاسكو

مرحبا أختي الكاسكو

حبيت أشاركج بقصتي علشان تتشجعين ويمكن تتحمسين حق تخفيف الوزن

أنا حبيبتي مو متينة وايد بس وزني كان زايد حبتين وخصوصاً منطقة الأرداف

والكرشة وأنا أمتن وحدة بين خواتي.. وطبعاً تعرفين الناس، شغلهم الشاغل إلا شوفي

فلانة متينة أو شوفيها ضعيفة وكانوا قرايبي لازم يعلقون ، حتى وإن كان من باب المزح

إلا أن التعليقات تأثر في نفسية الواحد.. إللي يقول دبدوبة وإللي يقول لي زرمبة و.. الخ

من التعليقات...

طبعاً أنا ما أقول لج أن وزني الزايد كان عاجبني بالعكس أنا ودي أني أصير رشيقة،

أفتحي التلفزيون وراح تحسين بقهر والقهر الأكبر لما تروحين السوق وتشترين ملابس

يا الله شنو أنقهر لما أضطر أخذ أكبر مقاس.. شعوووووووووووور كريه بالمرة..

إللي ساعد في زيادة وزني هم مثل حالتج آكل وآكل وآكل والسبب مريت بظروف نفسية صعبة

خصوصاً بعد خطبتي والله ما كتب أن يتم الزواج وأنفصلت ، أنا ما همني كثير

لأني في فترة الخطوبة ما كنت مرتاحة والإنفصال كان أهو الحل بعد إستخارة الله سبحانه

بس إللي ضايقني ، إحساس أمي لأنها كانت فرحانة بخطبتي وأكيد تتخيلون شعور

أم بنتها الكبيرة راح تتزوج.. هذا إللي ضايقني وطلعت حرتي بالأكل فزاد وزني أكثر

ليما حسيت نفسي خلاص بنفجر.. وبيوم قررت أن أنزل وزني وأراوي الكل شنو همس قدرت تسوي

وأسكت الكل من ورا تعليقاتهم السخيفة إللي ترفع الضغط.. وأهم شي أختي علشان تنحفين

إنج تعزمين من قلب، والإرادة تخليج توصلين للهدف إللي تبينه..

بديت أمشي كل يوم ساعة ولكن أكلي مثل ما هو.. ما خف وزني ، قلت الأكل يتغير

وفعلاً غيرت أكلي ، وقفت أكل الرز والخبز والحلويات والمشروبات الغازية والوجبات السريعة

يعني حرمت نفسي من كل شي أحبه وكل هذا علشان أوصل للجسم إللي ابيه..

وكل يوم أمشي ساعة.. بدا وزني ينزل شوي شوي وبدا جسمي يترتب..

ويوم قريت في الإنترنت عن ريجيم التمر والحليب، قلت مستحيل أسويه لكن بجرب..

جربت أول أسبوع وحسيت بالنتيجة ونزلت 4 كيلو في اسبوع واحد .. الأسبوع الثاني

غيرت شوي خليتها وجبتين تمر حليب ووجبة سلطة أو شي مشوي.. وخلال شهر نزل وزني

طبعاً وقفت ريجيم التمر الحين ، بس ما زلت مخففة أكل ومن أول أمس بديت ريجيم

افتر سيكس وأهو أني أسكر فمي عن الأكل الساعة 6 المغرب ما عدا السوائل

ولاحظت أني لما أقوم الصبح ، أكون خفيفة... والحمدلله وزني نزل أكثر من 12 كيلو

وملابسي وسعت علي ومازلت أواصل مشي وأسوي تمارين للمعدة والأرداف

وتمارين أشد فيهم جسمي.. وتدرين شنو إللي ساعدني ، إني كنت كل فترة أروح أشوف الجديد

من الملابس علشان أنقهر وأعزم أضعف أكثر :)

وهاذي قصتي :)


الله يوفقج ويحقق إللي في بالج ولا تيأسين وتأكدي إنج قادرة تنزلين وزنج

بس لازم تعزمين .. وإذا بغيتي أي شي أنا حاضرة



ولج أطيب تحية