اللي ولدها مربرب تدخل.....وتقووول!!!!!

حبيبتي اليهال من الولاده لي سن 6شهور ماياكل شي غير شرب الحليب وتقدرين على بدايه الرابع تحطين له ربع بسكوته فيرلز مع الحليب وتستخدمين مقاس اكبر للحلمه لكي تسهلين على الطفل الرضاعه..
وكل طفل يختلف عن الاخر والتربرب من رب العالمين حتى لو ياكل الياهل الزلط اذا بنيته نحيف راح يظل نحيف ..

يوم ولدت ولدي كان نحيـــــــــــــــــف و شكله شين هههههه

بس الحمد لله و انا في الاربعين عطته امي رضعات تمر

و رضعه او رضعتين حلبه ما شاء الله زانت صحته من الحلبه علطول

ادري فيه كثيرين بيقولون لا تعطين الرضيع شي غير الحليب

انا اقول كل وحده تسوي اللي يريحها

و انا امي مجربه فينا كلنا الحلبه و احنا صغار و الحمد لله ما فينا شي

و انا مجربتها في ولدي و من عندي اغلى منه الحمد لله و الشكر لله

الحلبه تخلي الطفل مليان و قريت انها تكثر الدم

و ما دامت الام تاخذ حلبه وقت النفاس الريحه فيكم فيكم هههههههههههه

طبعا كل ما يكبر الطفل ينحف

و اتمنى تستفيدون شي....

هلا و غلا الفجر البعيد

ولدي الثاني كان مربرب أكثر من الأول

الشهر الاول كنت ارضعه و اعطيه ماي فيه حبتين سكر نبات
الشهر الثاني ارضعه و اعطيه تمر مع الماي المغلي
الشهر الرابع بديت اعطيه النشاء و ماي الرز المصري ( شخالة العيش ) + عصير برتقال مخفف + خضره
يعني كل يوم اسويله شي واحد بالاضافه الى الخضره المسلوقه و المطحونه مع الماء
الشر الخامي عطيته السيريلاك و ادمن على السيريلاك و كان يحبه

هذا اللي اذكره

انا لي راي ثاني<<<كلش خبيره

طبعا انا لسه في التاسع وماعندي عيال قبل

بس حبيت اقولكم عن عيال اختي توام والاكل هونفسه حليب وبعض الاكلات الخفيفه

لكن ماشالله واحد مربرب وعود والثاني نحيف والسبب مو التغذيه السبب في طبيعه الجسم

المربرب طالع على هلي وكلنا يوم كنا صغار جذي والثاني على اهل زوجها وهم كلهم جذي

سبحان الله.

انا ما عندي خبره

بس انا اول مانولدت كنت ضعيفه وبعدها صرت دبدوبه

و بو الشباب كان العكس

يقولون كان بطه بس بعدين ضعف

مشكوورين اخواتي على ردوودكم... عندي كمن سؤال حق بعض الاخوات اللي كتبن ردودهن

ام القوقو..ذكرتي انج تعطين عيالج الحلبه..هل كنتي تضيفين لها سكر النبات ...هل رضعتيه حليب صناعي ولا اكتفيتي بالطبيعي؟

اختي فوانيس خبرينا كيف طريقة النشا..وطريقة ماء العيش المصري.... وكم مره في اليوم تعطينه سكر نبات مع الماء وماء العيش المصري وهل هذي الرضعات تكون يوميه؟.....وهل كانت رضاعتج طبيعيه ولا صناعيه..واذا صناعيه شو نوع الحليب...نرجو التوضيح اكثر

مشكووورين يا حلوات على الرد بصراحه نستفيد ونفيد غيرنا :)

نبغي مشاركات اكثر من الاخوات والامهات العزيزات

انا بسألكم عن سكر النابت هل هو سكر الانبات العادي الي نستخدمه اقصد الي نشتريه من المطحنه ولا فيه سكر نبات معمول خاص للاطفال

هلا و غلا


اختي فوانيس خبرينا كيف طريقة النشا..

النشا الجاهز اللي في العلب مقدار تقريبا ملعقة طعام اذوبه بكأس من الماء
و بعدين اغليه على النار لحد ما يستوي غليظ و اذا كان غليظ وايد اخففه بالماء و اضيف 3 الى 4 حبات سكر نبات
و حلمة المرضعة ازود الفتحة فيها بالسكين و اعقمها طبعا و اعطي البيبي النشا بالمرضعة


وطريقة ماء العيش المصري....

تغسلين مقدار كوب تقريبا من العيش المصر زززين
و تغلينه في مثلا 3 كاسات ماء
و بعدين تصفين ( تشخلينه ) الماي عن حبات العيش
و تاخذين الماي فقط و ممكن اذا تحبين تضيفين كم حبة من السكر النبات



وكم مره في اليوم تعطينه سكر نبات مع الماء وماء العيش المصري وهل هذي الرضعات تكون يوميه؟

سكر النبات
هذا بديت اعطي البيبي صراحة بعد اسبوع من الولادة..
لانه كنت فقط ارضعه طبيعي
و يوم يزيد اليوع عنده اعطيه مرضعه صغيرررره مليانه ماي مغلي مسبقا مع حبيتين فقط سكر نبات
و لمدة شهر كامل كنت اعطيه مره او مرتين في اليوم على حسب اليوع
و كان البيبي متقبل انه يشربه ماشاء الله

العيش المصري من منتصف الشهر الرابع


.....وهل كانت رضاعتج طبيعيه ولا صناعيه..واذا صناعيه شو نوع الحليب...نرجو التوضيح اكثر
رضاعة طبيعيه فقط و الحليب الصناعي دخلته بعد 5 شهور

قلوووووووب:
انا بسألكم عن سكر النابت هل هو سكر الانبات العادي الي نستخدمه اقصد الي نشتريه من المطحنه ولا فيه سكر نبات معمول خاص للاطفال

هلا قلوووب

ايوا السكر النبات نفسه اللي نشتريه من المطحنة او السوبرماركت

اختي فوانيس ما شاء الله عليج عندج خبره في هالسوالف..
نحنا الامهات الجدد ماعندنا خلفيات عن تربيه البيبي واكله...نستفد من خبرات الاخوات اللي ما يقصرووون ويانا

فوانيس بغيت اسألج هل جربتي تعطين البيبي الساقو؟؟ طبعا اكيد تعرفين الساقو اللي اييج حبوب صغار مدوره لونها ابيض... وشو عن حب الهريس هل جربتيه تعطينه حق البيبي؟؟

ومشكوووره اختى فوانيس وجميع الاخوات اللي شاركوو في هذا الموضوع

هلا حبيبتي الفجر البعيد

الساقو يشبه بحد كبير النشا
إلا انه هو عباره عن حبوب..
فما جربت اعطي البيبي منه غير بعد السنة
و نفس الشي الهريس بعد سنة كاملة

بس للبيبي بعد ممكن تعطينه كويكر اللي هو الشوفان و هو من مشتقات الحب او القمح

تغلين ماي حوالي كاسين..و اثناء الغاليان تضيفين ملعقتين طعام كويكر و خليه يغلي عدل
و بعدين ضيفي تمر أو سكر نبات و بعدين صفيه ( اشخلي ) الخلطة السابقة و بتكون غليطة نوعا ما
و بالمرضعة ( اثقبي الحلمة بالسكين ) شربي البيبي هذي الوجبة كغدا او عشا
هذي الأكلة ممكن الطفل ياخذها بعد الشهر السادس

:up::up::up:
موضوع اكثر من رائع وفعلا استفدت منه

انا جربت اسوي الشوفان يوم كان عمر ولدي ست شهور بس ما تقبله وكان يهاوع..يمكن لانه الحبوب شوي تكون كبيره..بجربه مره ثانيه....

مشكوووره يافوانيس ..بصراحه انتي تماااام وخبرتج اوكييييه

انا ما اشوف مشاركات كثيره ..وين باقي الاخوات:think:

نبغي خبراتكم,,,,,, يلا شدو الهمه :yes:

ترا الموضوع وايد حلووو ومفيد وما يكتمل الا بمشاركاتكم:up:

بصراحة انا بنتي ضعيفونة بس راسه يبين انه مربربة ولمن اوديه اقيس وزنه يقولون انه طبيعية ولاانا وله لبوه كنا جذي مادري شسوييييييييييييييييييي لاعت جبدي وماتشرب حليب يعني عادي تشرب باليوم بس200م يعني رضعتين حجم متوسط شسوي وانا بس اعطيه وجبة خضروات (غدا)وجبة تفاح مع موز عشا/ وحليبه نان واهي بتكمل 6اول الشهر الياي

:smile:

:up:

حلو البيبي المربرب
يوم تحطينه بحضنج كإنه دبدوب:D2

يا أم آيات خذي بنتش الى المستشفى و أطلبي فيتامين فاتح الشهيه علشان بنتش و يمكن تقدر تشرب حليب آكثر من 200 م باليوم و على دفعات

و اذا ما صار غيري اليها الحليب و خذي نوع ثاني يمكن يعجبها و تشرب كمية أكثر

أما بالنسبة الى وجبة الغداء و هي الخضار فأبدأي بأضافةاللحوم الى الخضار لزيادة الفائده في القيمه الغذائه أما بالنسبة للعشاء فبأمكانك أن تضيفين الى الوجبه مثلا حليب


و علشان تسمين بنتش خذي رز مصري و اسلقيه تماما ثم خليه عندك في الثلاجه و في كل وجبة خذي مقدار بسيط منه و أضيفي عليه شوية حليب و جزء من تفاحه و أضيفي الى الخليط سكر أو عسل علشان يعجب الطفل و أخلطيه في الخلاط و عطيها اياه و بالهنا و العافيه

ام القوقو..ذكرتي انج تعطين عيالج الحلبه..هل كنتي تضيفين لها سكر النبات ...هل رضعتيه حليب صناعي ولا اكتفيتي بالطبيعي؟



معليش على التأخير

ايوه اضفت شوي بس سكر نبات .... و رضعته الاثنين و الحقيقه ما اتذكر زين بس اغلب الظن انه قعد اول الايام يرفض الصناعي

و حاولت فيه يمكن بعد اسبوعين تقريبا بدا يرضع صناعي بس رضعه وحده تقريبا في اليوم و الغرض من اني دخلت الصناعي

كان عشان مع طلعتي من النفاس بروح للكليه اكمل دراسه يعني بغيب عنه النهار فلازم ياخذ شي عشان كذا دخلت له

الحليب الصناعي

انا لاحظت انه كل اللي يعطووون عيالهم سكر نبااات يكونون مربربين..... صح اخواتي؟

في احد لاحظ هالشي بعد.....؟؟؟:think: