يا عرايس وش موضة الشعر بالنسبة للعاروووس؟؟؟تاج؟ورد؟..؟

اللي اشوفه ان موضت الاكسسوارات والورود جديمه بالنسبه للعروس الموضه ان الطرحه بس اللي اتكون طايحه على الراس

هذا بالنسبه لذوقي انا


اخويتكم الصيدلانيه

انا الا شراتج حايره .. بس انا مفكره احط اكسسوار خفيف

بصراحه اختي الموضه الحين تاج بسيط والطرحه من وراء والفستان كلاسيك والله تطلعين اميره لو جربتي بس اهم شي التاج يكون حلو وشعرج يكون مفتوح علشان تطلعين عاديه وصدقيني الكل راح يتفاجأ لان المعازيم متعودين يشوفون العروس مسويه تسريحه بس انا ما انصحج تسوين تسريحه

ما اعرف

اسفه

احسن شي ..الاكسسوارت..والووروود..

وموضة التاج والله صارت قديمه..

بصراحه انا حضرت معرض عروس 2005 اللي صار في معرض دبي للعرايس..
وكان الدارج الطرحه الطويله.. والشعر النازل.. يعني مخلين الشعر نازل وجاي على الصدر من الامام
طرحات طويلة وقصيرة.. ومافي اكسسوار.. الطرحه كانت بقصات وباشكال روووعه..

مادري هذا اللي شفته أخيرا

انا احس التاج حركة قديمة مرة وما تناسب ستايل العروس الخليجية بشكل خاص

الأهم من الموضة الدارجة ان الوحدة تسوي اللي يناسب وجهها وفستانها ونوعية شعرها

[grade="00BFFF FF1493 00BFFF 00BFFF FF1493"]بالعكس التاج رجع وبقوه ماشفتوا آخر عروض لادوارد ارصوني وباسل سوداوكذا مصمم كانت الموديل لابسه تاج صغير وطرحه طويله والابه مثل سنووايت لوسويتي جذيه بتطلعين ملكه( روحي الوافي سنتر في واحد لبناني في محل للاكسسوارات يصمملج الموديل ا للي تبغينه وشغله تحفه)وبعدين حتى الصوره بتطلع كلاسيك مثل الافلام القديمه موظتها على طول عمرج مابتشوفين صورتج وتندمين عليها مثل وايد عرايس لانهم يتبعون الصرعات . [/grade]

حبيبتي ماعليك من الموضه شوفي اللي يعجبك وترتاحين له وسويه

انا عن نفسي افضل الطرحة الطويلة مع اكسسوار بسيط

انا حابة اسأل عن فكرة القبعة مع ورد عليها اوشي زي كدا..يعني حلوة الحركة ولو ان الفكرة مو خليجية بس حلوة ولالا؟؟

dr-loli
فكره حلوه بس بلاش الورد خلي الورد في ايدك فقط,, انا شفت المصممه ندوى الاعور مسويه قبعه عرس لموديل في غنيه فالتلفزيون واااااااااااااااااااايد حلوه..

انا في زواجي لبست تاج وكلهم قالولي انه حلو............وترى احسن لما تكونين طالعه من القصر اريح حتى لما تمشين

مافيه شي يضايقك او يخرب عليك التسريحه................وانتي وذوقك واللي يناسبك

انا احتررررررررررت بصراحة....وزدتوني حيرة....
الورد أحسه مايصلح...
والتاج يقولون قديم وريحتني اللي تقول أنه مو قديم...
والأكسسورات احسها عااااديه...مو حقت عاروس...
الظاهر أني أحط تاج بس وين القى تاجات حلوه بالرياض؟؟؟

الى حاملة السيف

شوفي يا حبيبتي أنتي شنو حابة تسويين سويه يعني اللي يناسبج
الوحدة منا تحلم بهاليوم من وهي صغيرة وعندها فكرة محددة مثلا من وأنا صغيرة أبي فستان كبير وفيه ذيل وطرحة طويلة تطيح على الذيل وتاج ناعم ومكياج وردي ناعم >>>>>>>>>>>> بس عاد قومي صار الصبح

مثلا إذا كان فستان كلاسيك وما فيه حركات التاج حلو معاه بس بشرط الطرحة ما تنزل على وجهك
وإذا كانت الطرحة من النوع اللي ثابته على الراس الستايل اللي الحين دارج لا تحطين معاها شي وخلي شعرج تسريحة نازلة
وإذا كانت طرحتج ناعمة وطويلة وحابه إنج تخلينها على وجهك وبعدين ترفعينها وتخلينها على كتفك فتقدرين في هالحالة تحطين ورد
المهم تعرفين أنتي شنو تبغين وإختاري من هالثلاثه الطرق وسلامتج

وألف مبرووووووووووووووووووووووووك وعقبالي

صح الموضة التاج وبصراااااااااحة واااايد يحلي العروس يحسسها انها ملكة في عرسها

ولاتنسون ان اغلب المشاهير والليدي ديانا كانت لابسة تاج في عرسها في اعتقادي انه انسب شي لشعر العروس

المووضه الحين

التاااااج

ورااااجع بقووه

بس أهم شي انج اتشووفين اللي يناسب الفستان والتسريحه & قصة الوجه

أختي حاملة السيف

انا انصحج بالتاج اللحين راده موضته

والله يوفقج ويسهل امورج ان شاء الله

أختج الدانــــه