بنات اتاكدوا ان المستحضرات اللي تستخدونها

السلام عليكم بنات

بنات حبيت اعرض لكم مشكله صعقتني بصراحه

بقول لكم قصتي بالاول

كنت استخدم بودي سبراي بعد كل حمام وفي يوم يت اختي قالت لي شو عرفج ان هالمستحضر مافيه كحول قلت لها ما اظن لان اشتريته من محل صاحبه خليجي ومستحيل يبيع للناس شي فيه كحول

ولكن الصدمه كانت يوم اني قريت محتواه وشفت انه يحتوي على كحوول

وللاسف انه مب بس بودي سبراي اكتشفت انه معظم الكريمات اللي استخدمها تحتوي على كحول مثل كريم براشوت للشعر وكريم جونسن اند جونسن لتخفيف نمو الشعر ولوك ان جل وكريم جرجنز وهذا غير المستحضرات الثانيه

فحبيت بنات انبهكم لهالشي

يمكن بنات يقولون ان العطور جميعها تحتوي على كحول بس يوم سالت الشيخ قال لي ان الكحول اللي في العطور تتبخر بمجرد انها تظهر من الغرشه فيفضل ان العطر ينرش على الثياب قبل لبسه ويوم العطر ينشف بعدين نلبسه واذا العطر يا على الجسم لازم تنغسل المنطقه اللي يا عليها العطر

بس المصيبه في الكريمات لان الكحول اللي فيها ما تتبخر

وانا من رايي يفضل استخدام العطور العربيه اللي ما تنرش لانها ما تحتوي على كحول مثل اللي عند الرصاصي واجمل وغيرهم

والرسول قال اتقوا الشبهات

اللهم هل بلغت اللهم فاشهد

اخويتكم الصيدلانيه