فلافل على طريقتي .. بالصور ..

ل

لام القمرية

عروس متألقة

19-05-2005 | 07:48 AM

بسم الله الرحمن الرحيم
اللهم صلِّ على محمدٍ و آل محمد

جبت لكم فلافل طازج اممممممم يالله تفضلوا كلكم
و على فكرة انا نزلته في منتدى لكِ و ملانة اغير الصور عشان كذا حتكون عليها اسم منتدى لكِ

المقادير:
حمص حب
بصل أحمر
قليل من الكزبرة و البقدونس
8 فلفل أخضر حار

الطريقة:
- سمي بالرحمن ، نغسل الحمص جيداً و ننقعه في ماء من الليل أو على الأقل ثمان ساعات ثم نصفيه من الماء و نغسله جيداً
و نغسل الخضروات الأخرى و نقطعها قطع متوسطة الحجم

- نطحن جميع المكونات في فرامة اللحم

- نضيف له قلييييييل من الماء و ملح و بهارات الفلافل ثم نشكله في القالب الخاص و نقليه في زيت غزير و نقدمه مع الخبز الساخن و السلطة و الطحينية

و بالهناء و العافية

*

*نوني*

عروس جديدة

20-05-2005 | 05:01 PM

مشكوره على الطريقه السهله

ب

بس دلوعه

عروس متألقة

20-05-2005 | 05:03 PM

تسلمين يعطيج الف عافيه

شكلها رووووووووعه وان شالله اجربها

ل

لام القمرية

عروس متألقة

20-05-2005 | 07:29 PM

الله يسلمكم خواتي و شكراً على حضوركم الحلو

ر

رومانسية للأبد

عروس متألقة

20-05-2005 | 07:45 PM

شِكرا لك لام القمرية ,,

كنت حاطة في بالي إن طريقة

عمل الفلافل صعبة

طلعت لا

ولا أسهل على ايدك الكريمة

محتاجة أجربها صدق

تسلمين حبيبتي

R

RoOoOmy

عروس ماسية

21-05-2005 | 08:45 AM

يعطيك العافية اختي لام على الفلافل الروعة

انا عاد اموت في شي اسمه فلافل ... بس ماجربت اسويه

باين عليه لذيذ ... متى بتعزميني عشان تسوين لي فلافل ؟

ل

لام القمرية

عروس متألقة

21-05-2005 | 08:53 AM

عزيزتي رومانسية للأبد

على العكس .. سهل واجد و ممكن تعمليها كمية و تفرزيها بدون تبهير و كل مرة تبي تعمليها تطلعيها من وقت و تبهريها و تملحيها و تقليها
و حتى بشهر رمضان شكلتها و حطيتها بصحون قصدير مع ورق شمع و فرزنتها كان اريح لي و اسرع
و الله يسلمك و جربيها و عطيني خبر

عزيزتي رومي
الله يعافيك و يالله جربيه مافي اسهل منه
و تفضلي البيت بيتك بس نسوي الفلافل مع بعض :D2
تدرين من شوي كنت اقرى وصفة براونيز بالجيز كيك و جيتي على بالي
ان شاء الله مرة اجربها و احطها بالمنتدى بس مادري انتِ تحبي البراونيز او لا؟

M

MeeeeM

عروس برونزية

21-05-2005 | 09:14 AM

السلام عليكم .... تسلم ايدج اختى ... وانا بصراحه احب الفلافل وايد وكنت ادور طريقه سهله عشان اسويه والحمد الله حصلته وان شاء الله بجربها.... بس عند سؤال بسيط ... بخصوص بهارات الفلافل وين احصلها فى الجمعيات ولا فى مكان معين اشتريه منها...... وشكرا.....

R

RoOoOmy

عروس ماسية

21-05-2005 | 09:36 AM

فيه احد مايحب البراونيز !!!!

بانتظارك انتي وكل ما لذ وطاب

>>>>>>>>>> وحدة مفجوعة

مشكورة ياحلوة

.

.:همـ قلبي ـس:.

عروس مبدعة

21-05-2005 | 09:54 AM

.,.
..,..
.,.

لا تعذبيني اختي لام القمريه ...

تعرفين يوم شفت عنوان موضووعج قلت اووه صعبه هذي شويه ...

بس شفت الطريقه ان شاء الله بسويها حبيبتي ...

تسلمين حبوبه ..ويعطيج الف عافيه ....

.,.
..,..
.,.

اعذب التحايا

م

مهاري

مشرفة سابقة

21-05-2005 | 11:59 AM

الله يعطيك العافيه على هذا الفلافل

تسلم ايدك

ل

لام القمرية

عروس متألقة

21-05-2005 | 09:13 PM

عزيزتي ميم
و عليكم السلام و رحمة الله و بركاته
هلا فيك نورتي .. بالنسبة لبهارات الفلافل اتوقع تحصلينها بالجمعيات و السوبر ماركت
او المحلات الي تشترين منها بهارات
بصراحة انا ماعرف لأني مو من الإمارات بس ممكن تحطين بهارات ثانية من عندك (بهارات مشكلة )
و نورتي عزيزتي

...

عزيزتي رومي

هلا فيك .. خلاص ان شاء الله على الأسبوع الجاي اعملها و اوريك
يمممم --> اتخيل طعمها

..

عزيزتي اصايل الشرق

لالا .. المسألة فيها عذاب!
خلاص يالله جهزي الحمص و اعملي الفلافل و اعزميني --> غصب ادخل عمري
و الله يعافيك و تسلمين على المرور الحلو

عزيزتي مهرة
الله يعافيك و يسلمك
تسلمين على الطلة الحلوة

س

ســــارونة

مشرفة سابقة

21-05-2005 | 10:15 PM

تسلمييييييين عالوصفة الحلوة و السهله عزيزتي

بانتظار جديدج المتميز دائما

حبي و تقديري

&

&*^ربى نجد^*&

عروس متألقة

22-05-2005 | 03:38 AM

تسلمي يااحلى طباخة

ا

العسل

عروس مبدعة

22-05-2005 | 10:41 AM

مشكووووووووووووورة على الوصفة

لكن عندي سؤال لو سمحتي

انا اذا سويت الفلافل و حطيتها في الالة اللي تشكل الفلافل تقوم الفلافل تلزق في الآلة و لا تنزل في الزيت

ما ادري شنو السبب اذا عندك فكرة؟؟؟؟؟؟؟؟؟؟؟؟؟؟؟؟؟

ل

لام القمرية

عروس متألقة

22-05-2005 | 05:41 PM

الله يسلمكم اخواتي و مشكورات على مروركم الحلو

بالنسبة لمشكلتك اختي العسل ، فالمفروض يكون عندك ملعقة تنزلي بها الفلافل يعني القالب يكون بإيدك اليسار و اليد الثانية عندك ملعقة تنزلين فيها الفلافل و تكون مسطحة
و ان شاء الله اكون افدتك لأن هذي طريقتي عدا ذلك فما اعرف و ان شاء الله الي تعرف من الأخوات تفيدك

ج

جـويـل

مشرفة سابقة

19-07-2005 | 05:26 AM

ماشاءالله تبارك الله

مرتبة جدااا ومافي نفخات و تشوهات خخخخخ

يعطيك العافيه لام القمريه :)

بانتظار اطباق شهية أخرى

ج

جــــــــــود

عروس مبدعة

19-07-2005 | 10:23 PM

ل

لولــي

عروس رائعة

22-07-2005 | 05:44 PM

يسلمووووووووووووووو حبيبتي .... بس عندي سؤال بعد ماتكمل 3 ساعات او اكثر كيف تكون ... لأنه انا تكون طريه عندي يوم تكون حاره لكن يوم تبرد تستوي يااااااااااااااااااااااااابسه ومحد ياكلها ....؟؟؟؟

ل

لام القمرية

عروس متألقة

25-07-2005 | 02:25 AM

مشكورات أخواتي
و بالنسبة لسؤالك أختي حصة فهو يكون عادي بعد فترة بس اذا سخنتيه بالمكرويف يصير مزيت و لين شوي بس لما تآكليه في ساندويج ما يبين
و بالهناء و العافية