مراحل تغذية الطفل ... ساعدوني ؟؟

اختي الغاليه ... الطفل اذا شبع راح تعرفين راح ينام ومايبجي ... وانشالله راح اعرض جدول كامل بتغذية الطفل

مشكورة حبيبتي على ردج .. واخيرا حصلت حد يرد عليه .. الله يعطيج كل الي في بالج .. ويحقق كل امانيج ........ يارب

بس انا ولدي عمرة 14 يوم .. ويوم ارضعه .. يشرب عقب شوي يعصب ويصيح ..

واذا رضع ورقد .. عقب تقريبا دقيقتين ينش يصيح وياكل يدية كانه يوعان ..

والله تعبت مب فاهمه شو السالفة .. هل هو ما شبع مع ان فترة الرضاعه تاخذ مني نص ساعة او ساعه الا ربع ..

وكيف اعرف اذا هو يتويع من المغص .. هل في اشارات تدل على هالشي ..؟؟

اولا أختي ألف الحمد لله على سلامتك وسلامة البيبي و الله يخليه اليكم و يتربى في عزكم آآآآآآآآآآآآآآمين

المهم أنك ترضعينه من كلا الثديين و في كل ثدي ترضعينه مده لا تزيد عن ربع ساعه و خاصه أن الثدي يفرغ ما بداخله في مدة سبع دقائق تقريبا و لكن هناك أطفال ليست لديه القدره على أفراغ الثدي في مده قصيره و ممكن يطول بعض الشي

و تأكدي انك عند حليب كافي للبيبي أو لا ؟؟؟ عن طريق الشفط بالشفاطه اليدويه أو الكهربيه


و اذا لم يكن عندك الحليب الكافي للأرضاع فعليك ما يلي:
1-شرب لتر حليب يوميا
2-الحلبه و الينسون لزيادة أدرار الحليب
3-شرب الكثير من السوائل و خاصه الماء
4-تعديل الحالة النفسيه للوالده أي الأم و خاصه أثناء الأرضاع


و تذكري حبيبتي أنك بعد الأرضاع مباشره أن تشربي مثلا شوربه أو حساء دافئ لتعويض ما فقد و لتكوين الحليب أيضا


و أعذريني على الأطاله

نجمة الرضا

يعني الرشاعه تقريبا تاخذ نص ساعه ..؟؟؟

اما عن الحليب الحمدلله فية حليب لدرجه ان يوم اتسبح يقوطر .. واذا ما رضعته يصدري ينتفخ واحس يصير مثل الحصى ..

انا استخدم الشفط يوم صدري يتجمع فيه الحليب وتقريبا املي 100ml من الصدر الواحد .. الحمدلله كل شي متوفر بس ما اعرف ليش هو يعاند .. قبل كنت اشك ان مافية حليب بس كل هاي الادلة الي قلتلج عنها تدل على ان مافي نقص ..

شوفي عزيزتي bj3a

ما دام أن صدرش و ما شاء الله يقوطر في الحمام يعني فعلا في حليب و الحمد لله

عجل لازم تتأكدين أنش ترضعينه في الوضعيه الصحيحه ...يعني تجلسين في وضع مريح اليش و الى البيبي و تدخلين كامل الحلمه بالهاله المحيطه بها داخل فم البيبي علشان ياخد أكبر قدر من الحليب و بخاصه لأنه البيبي بعده صغير و ما يعرف يرضع عدل فلازم انت تعلمينه في البدايه و شوي شوي بيصير بروحه يرضع صحيح بعدين

علشان تعرفين انه يرضع عدل و ياخد مقدار كافي من الحليب لازم تغيرين الحفاظ المبلل تقريبا 6-8 مرات في اليوم و يتبرز 2-4 مرات في اليوم تقريبا و هناك أطفال يتبرزون بعد كل رضعه


و ان شاء الله عليه ألف الصحه و السلامه يارب

نجمة الرضا

[grade="2E8B57 FFA500 4169E1 D2691E"]لازم تغيرين الحفاظ المبلل تقريبا 6-8 مرات في اليوم و يتبرز 2-4 مرات[/grade]

ما شاء الله .. عن التبرز كل ساعتين او 3

وعن التبول ما اقدر احدد ..

[grade="00008B 2E8B57 FF1493 FF6347"]تدخلين كامل الحلمه بالهاله المحيطه بها داخل فم البيبي [/grade]

هو الي ما يفتح فمة .. احاول معاه لكن ما في فايده

السلام عليكم ورحمة الله وبركاته

معلش أختي بجعة...ظلي حاولي معاه و إقرأي عليه قرآن و إنتي ترضعيه...ساعات الأم تحسد حليبها...يقوم البيبي ما يشربه !

شوفي هذا الموضوع...

من هنـــــا

مشكورة حبيبتي مرموم على النصيحه .. انا اقرأ عليه مرة بالليل ومرة بالنهار .. وقبل لا اطلعه من الغرفة اذا عدنا ضيوف ..

اما عن الرابط انا قصدي من الولاده .. يعني انا عندي كتاب فية ان من الشهر الرابع لازم تبتدي الام تعطي ولدها اكلات معينه مثل السيريلاك وغيرها ..

انا ما ابا اخذ كلام الكتب ابا عن تجربتكم انتوا .. عن تجربت الامهات مباشرتا .. من بداية الولاده شو اعطي ولدي غير الحليب والمار .. اذا في سوائل ثانيا تخفف المغص ولا تفييد البيبي فيب هالسن .. والشهر الثاني نفس الشي والثالث والرابع ...... الخ

السلام عليكم ورحمة الله وبركاته

لا أختي بجعة...ما في شيء إسمه من الولادة !!

لسّه صغير و معدته ما تتحمّل أبدا أي أكل

ممكن الحين تشربيه شاي الأعشاب ( ماركة ميلوبا أو امبريس )...بيهدّيه و يخفف الغازات...

غير ذلك إوعي...معدته و جهازه الهضمي كله في طور التكوين...علشان ما يصير له شيء لا سمح الله

اختي بجعه انا بقولج ليش ولدج يصيح يوم يقوم من النوم...الولد يبغي يجدع يعني اول مايقول من النوم يصيح في اي وقت لازم اول شي ترفعينه وتدقين على ظهره عشان يطلع الهوا...انا كنت مثلج ما اعرف ليش يصيح الياهل بعد ما يكون شبعان ويرقد يقوووم يصيييح ..عقب اكتشفت هالشي..انصحج قبل لا ترضعينه مره ثانيه لازم ترفعينه شوي وعقب ترضعينه..
مرات الطفل يجدع اكثر عن مره يعني اذا طلع الهوا مره وحده مب تقولين خلاص اجدع عدل لا...يمكن اذ حطيتيه في سريره يقوم ويصيح مره ثانيه معناته يبغي يجدع مره ثانيه...وسلامتج

شوفي حبيبتي جربي الي بقولك عليه وما بتندمين ان شاء الله

اشتري من العطار كراويه هي تشبه اليانسون

اغسليها بسرعة وانتي حاطتها بشخال وحطيها بكوب وصبي عليها مويه حارة

ولما تصير دافيه ويقدر الطفل يشربها حليها بسكر نبات وعطيه اياها

ولاتنسين جربيها وادعي لي وادعي للي عطتني الوصفه بعد