بنات جده /عروس تبي تجهز من جده

هلا اختي ومبرووووووووك على الزواج والله يسعدكم ويوفقكم يارب

اختصار للوقت روحي لسوق حراء الدولي كل الماركات موجوده هناك بالاضافه الي سوق ذهب

عندهم برومود وبنتون ومذر كير bhs للانجري روعه ومانجو وغيرهم كثيرررررر وانا افضل تدخلين من بوابه 1 لان اغلب المحلات هناك

وحتى سوق الذهب قريب منهم

بالنسبه للمكياح عندهم من نفس البوابه ماركة ماك هي بنفس الصف عند برومود ولاسنزا جنبه اللي مافي اروع منه للانجري

ومقابله محل للمكياج نسيت اسمه فيه اغلب الماركات مثل استي لودر وشانيل وغيره

وقبل سوق الذهب في محلات مصباح للمكياج فيه اغلب ماركات المكياج واشهر العطور

وطبعا في محلات بالبوابات الثانيه بس الله يعينك على التعب لان السوق كبير مره

واذا تبين محلات غيرها عندك شارع التحليه كل الماركات اللي بحراء موجوده فيه وفي مولات مثل جده مول مع اني مانصحك فيه

ماعجبني وفي لي مول مقابل للمحلات اللي قلت لك عليها

ولاتضيعين وقت باسواق جده الباقيه الكثيره لان اللي كتبته موجود فيه كل اللي تبينه

واي خدمه من عيوني اذا نسيت شي ذكريني

حبيبتي فوفو الف مبروك مقدما

وماشاء الله المراكز والمولات اللي في جدة ياكثرها

عندك شارع التحلية على طوله فيه كل الماركات العالمية وفيه مركز جاليري سنتر للالماسات وفي مركز حراء ومركز سلطان مول ومركز عجائب الذهب في شارع الملك فهد قريب حي الكندرة وها خاص بالذهب وفي سوق المساعدية وهذا في مصممين للفساتين وفي اواسيس مول وفي مركو الكورنيش وهذا حق مكياجات وفي سوق اليمامة وهذا حق فساتين والذهب بس فساتينه مو قد كده وفي مركز بسطة مول

هذه اغلب المولات والمراكز الموجودة في جدة

وان شاء الله اكون مانسيت شيء والله يساعدك في التقضية

تحية

الله يعطيكم العافيه أخوتي
وردة جده
النساايم
ويجزاكم الله بالخير
ويجعله في ميزان حسناتكم
و أن شاء الله بروح لهم

أخوتي باريس غالري وين بجده

حبيبتي باريس غاليري بالتحليه مول بشارع التحليه مقابل لجده مول

مشكوره أختي وردة جده
طيب مشغل نسائي حلو ورخيص يعني يكون تفصيلهم ب 1000 الى1500أوبالكثير2000

السلام عليكم ورحمة الله وبركاته
شوفي عيوني انا بحطلك موضوع فيه كل الي تبينه بس لا تسألين لاني معرف شي عن جده بس انامخزنته عندي في الجهاز
للضروره وتفضلي...................................<<<<<<<<<<<<<
جمعت لك الأسواق و كل سوق بتخصصه
نبدأ :
1- الأسواق الموجود بها أكبر عدد من ماركات الملابس و الأحذية و الشنط المعروفة زي برومود و ماجو و ناين ويست و ألدو و غيره الكثير : سوق حراء الدولي - شارع التحلية - محمود سعيد أوايسس مول - حراء افينيو - سوق الجمجوم

2- محلات اللانجري و الملابس الداخلية : نعومي موجود بسوق حراء و الحجاز و حراء أفينيو و أوايسس مول و شارع التحلية سوق الجمجوم تقريبًا أغلب المراكز موجود بها نعومي ........ لاسنزا موجود بسوق حراء و الحجاز و حراء أفينيو و أيس لاند و شارع التحلية ......... ماركس أند سبنسر موجود بسوق حراء و الجمجوم و حراء أفينيو .....إيتام موجود بشارع التحلية .......... دبنهامز موجود بشارع التحلية .


3- الأسواق الموجود بها محلات الذهب الأبيض و الأصفر : سوق الحجاز القديم (1) - سوق الكندرة

4- الأسواق الموجود بها أكبر عدد من محلات المجوهرات العالمية الراقية و الساعات مثل شوبارد و أوميغا : مركز جولري سنتر بشارع التحلية - مركز التحلية التجاري .

5- محلات المكياج و العطور : وجوه و موجود فروعه في شارع التحلية و الحجاز و حراء الدولي و حراء أفينيو و أيس لاند ........... قزاز و موجود في طريق المدينة و الكورنيش و شارع التحلية .... مكياجي و موجود بسوق حراء أفينيو و الحجاز و مركز التحلية التجاري و الجمجوم و و محمود سعيد أوايسس مول

6- محلات المكياج و العطور و لكن بسعر الجملة : مركز الكورنيش التجاري .

7- محلات العبايات : سوق الحجاز الجديد (2)

8- محلات الأقمشة الفخمة : مركز عمر بن صديق في شارع التحلية - العيسائي في سوق حراء الدولي " هذي لزوم قماش فستان الزفاف"
الأقمشة المتوسطة السعر : مجمع الشرق التجاري رووووووووعه في الأقمشة و كل مستلزمات الخياطة و الفساتين من كلف و أكسسورات موجوده فيه " هذي لو حبيتي تشترين أقمشة لفساتين السهرة على طول و أنتي مغمضة روحيه " بس تراه كبير دوريه كله المحلات جدًا مختلفه عن بعضها .

9- الأسواق الموجود بها محلات الجلابيات الراقية و فساتين السهرة الجاهزة : جدة مول - سوق المساعديه - لا مول - سلطان مول ... و فيه محل روووووعه للجلابيات في مركز التحلية التجاري أسمه screem ( الصرخة) يخيط جلابيات تاخذ العقل و يشتغلوا نساء في المحل .
- عندك في سوق حراء الدولي بوابة (1) ثاني محل على اليمين اسمه (مسيمو دوتي) محل رووووعه و راقي جدًا متخصص في التايورات البسيطه و بدل للسهرة و رسميه فيها تطريز بسيط و شك و شيفونات و حراير .. يعني حلوه للعرايس يلبسونها في العزايم اللي بعد الزواج .. بس من جد بضاعته أكثر من راقية و مختلفه عن اللي بالسوق يعني شي مميز و أنيق .. بضاعته تقريبًا زي ستايل ملابس الملكة رانيا .

2- مركز سلطان مول فيه أكثر من محل حلو .. أصحاب المحلات اللي فيه سعوديين بس يجيبون بضاعتهم من برا .. أسعاره جدًا حلوه . هو ماركاته ماهي معروفه بس أشياء غريبه و مميزه و فيها نعومه و حركات أحلى من الماركات المعروفه زي مانجو و برومود ... و في نفس المركز محل أحذيه في الدور الأرضي خلف السلم الكهربائي أسمه Vicci عنده صنادل ناعمه و روعه و أسعاره مره معقوله .. كل أنواع الصنادل اللي نفسك فيها تلقينها شي غريب أو رسمي أو للسهرات أو سبور يعني بيرضي اللي في بالك .. المركز كله على بعضه روعه .. الحلو فيه أن بضاعته مختلفه عن السوق و فوق كذا أسعاره معقوله .. لازم لو رحتي جده تمرين عليه و على ضمانتي بتدعين لي .

3- سوق المساعديه ثلاث أرباع المحلات محلات مصممين فساتين سهره و عندهم برضه تفصيل و بيع .. يعني تقدرين تصممين و تفصلين عندهم أو تشترين من الفساتين المعروضه ..

4- في مركز جده مول فيه محلات بالدور الأخير فيها فساتين و تايورات بسيطه و غريبه شوي مو مره .. يعني بتلقين لك كم قطعه حق مناسبه صغيره .. و في الدور تحت الأرضي فيه كذا كشك عنده أكسسورات مميزه و ملفته يستوردها من فرنسا ..يعني السوق هذا أنصحك تروحينه يوم تنتهين من ثلاث أرباع تجهيزك و تاخذين الكماليات منه .. يعني هو حق كماليات زي أكسسوار غريب أو فستان ناعم و بسيط .. مو حق أساسيات ..

5- مركز التحلية مول قلتلك على محل الجلابيات اللي اسمه (screem) لا يفوووتك .. جلابياته مختلفه عن الجلابيات المعهوده .. يعني تجي مخصره على الجسم و موديلها فيه حركه حلوه .. يعني لو أشبهلك بضاعته تقريبًا زي جلابيات أنسام الخلف في تصاميمها الناعمه .. و يخيطونلك أي جلابية شفتيها و الأحلى من هذا كله أنه الشغالين في المحل حريم يعني بتاخذين راحتك في الأختيار و أخذ المقاسات .. بحاول أدورلك في النت كم نموذج شبيه بجلابيات المحل .. و السوق نفسه فيه كذا محل عنده سبورات و تنانير حلوه .. يعني يستاهل المركز زياره و بتطلعين به بأكثر من شي حلو ..

6- المحل اللي قالت عليه الأخت bent al2mar في سوق حراء الدولي اللي اسمه ريفر ايلاند مثل ما قالت رائع بمعنى الكلمه .. و نفس ستايل البلايز اللي تلبسها أليسا .. و حلوه للعزايم برضه برسلك كم نموذج شبيه ببضاعته ..

7- حبيت أرجع أنبهك لمجمع الشرق التجاري حق الأقمشه السوق لازم تدورينه كله لأن المحلات اللي بوجه السوق بضاعته مختلفه عن المحلات اللي بأطراف السوق و يبيلك تروحين له في يوم لوحده و تكونين متفرغه له تمامًا لأنه يبيله شوي صبر و تركيز عشان ما تاخذين أي شي .. و كل أنواع الأقمشه موجوده في السوق .. و حتى الكماليات اللي تحلي الفستان من كلف و أكسسورات .. بس مثل ما قلتلك محتاج دوران و تركيز و صبر ..

8- في أخر شارع التحلية لو مشيتي بعد مركز التحلية التجاري تلقين جنب محل ديكور اسمه حديقة القصر محل أقمشة اسمه ما أذكره بالضبط بس أظن العيسائي .. أقمشته تاخذ العقل و فخمه .. يكفيك في الفستان القماش بغض النظر عن الموديل من كثر ما أقمشته خياليه و ملفته .. بس أقل سعر عنده 1500ريال للمتر .. يعني السعر يستاهل يندفع لفستان الزواج لأنه هو عليه النظر ..بس أي فستان سهره ثاني أحس أنه حرام و أسراف ..
=========================================================
سوأل؟؟؟؟؟؟؟؟؟؟؟
ياأخوات وين يوجد مذركير يعني وين بزبط في شارع التحليه وسطه ولا اخره وجنب ماذا
وسلامتكم..........

ياسلااااااااااااام وانا ابا مساعدات كمان ابغا اشياء تقولون لي عليها المسكه ابغا اعرف من فين ابغاها تكون فيها فكره

الله يجزاك بالف خير على هذي المساعده بصرحه ريحتيني أنتي والاخوات
الله يساعدكم في الدنيا والاخره
بس المشاغل ما تعرفون

وكمان ودي أعرف أقمشت الموضه هي دنتيل أو تل أو شيفون أو الاقمشه المشكوكه
وكمان وش الساعة الجديده وحلوه وتكون أسعره من 1000 ألى 5000 بس ماتزيد
وتكفون أبي مشغل حلو

يا أخوتي مشاغل مشاغل مشاغل مشاغل في جده وتكون نسائيه

يا أخواتي أرجوكم تقولون لي وش المشغل الحلو في جده وأسعاره بعد زينه يعني ودي أفصل فستان سهره ودي ميتعد 1000الى 2000
الرجو الرد

بنات جده مشاغل تفصيل الله يعافيكم
الحقوني

حبيتي فوفو اسفة على التاخير

بس دوبني فتحت الموضوع وعرفت انك تبغي مشغل حلو وما يكون غالي انصحك بمشغل نوف مررررررررة حلو وانا متعاملة مع هذا المشغل اكتر من 6 سنين يعني عشرة عمر زي ما تقولي وكل ما اروح عند مشغل تاني ارجعله لاني صراحة ماعجبني إلا هو ولا ارتحت الا مع الخياطة هذه ومكان المشغل في حي المروة بعد دوار الطيارة ولو تبغي رقمها قوليلي وارسلو لك على الخاص واسعارها ماتشيلي هم ترى اسعارها مرة حلو وتراعي وسعر الفستان العادي اللي مافي موديل حدود 500 ريال واللي فيه شك وشغل حدود من 700 ريال الى 1000 ريال
وعن محلات المسكات انصحك تروحي محل جنتي الكل يمدح فيه هو له فرع في شارع فلسطين ومحل تاني اسمه زهور بن علوان وله فرع في التحلية بجنب بيتزا هت وهو كمان حلو


وبس اتمنى اني اكون افدتك

الله يعطيك العافيه أختي
ويجزاك بالخير
ويوفقك
والله يساعدك في الدنيا والاخره

مبروك بعد الزحمة