اللي انفتح عليها كيس الماي.. كلكم كلكم تعالوا قولوا لي

احس انكم بتضربوني .. :bigsmile:

مرحبا يا حوامل .. ربي يقومكم بالسلامة ان شالله ويرزق كل وحدة بالذرية الصالحة آميــــــــــــن ...

ادري انه اسألتي كثرت ... بس تدرون هلوسة حوامل التاسع كيف تكون .. :shy:

انا ابا اسألكم كم سؤال .. وصدق بزعل لو ما رديتوا على اسألتي ..

اول شي كيس الماي .. الحين الوحدة تقدر اتحس انه كيس الماي بينفتح او قبل لا تحس انه الماي نزل عليها انه هالحركة من البيبي تعني انه الكيس بيتبطل ؟؟

يعني انا احس وبالذات اليوم .. عند صوب المثانة.. مااعرف اوصف بس وين راس الياهل .. تحت احس نفس قرصات خفيفة تعور شوي .. ضغط وتقلصات خفيفة لدرجة اني احس انه شي بينزل مني او بتبطل شي مني ..

انتوا ياللي نزل منكم الماي .. معقولة ماحسيتوا بأي الم ولا شي ؟؟ بس جي شفتوا الماي وحسيتوا انكم تبللتوا ؟؟ :think: انا مادري ليش اتخيله بألم ..

خبروني بالتفصيل شو حسيتوا قبل وقت نزول الماي ..

غير جي شو المفيد للحامل المشي السريع واللا البطيء واللا اي شي عادي ؟؟ :smile:

بنات ادعوا لي الله يخليكم اربي خلال هالأسبوع واني ما اطول اكثر عن الاسبوع الياي .. مع اني كملت اسبوع من التاسع.. والمشوار بعده جدامي بس وراي امتحانات الفاينل في شهر 6 بعد موعدي باسبوع ..

وابا اربي الحين وارتاح لين قرب الامتحانات.. الله يرزقكم باللي تبونه بس ادعوا لي.. صدقوني ان شالله اني بدعي لكم وقت ولادتي ووقت الطلق .. لا تقولون بتنسى لاني الحمدلله وان شالله ما انسى ..

في انتظاركم ..