خواتي ابا اسوي طلوع

هلا اختي بس حبيت اسال يعني شنو طلوع عشان اقدر اساعدج ؟

هلا حبوبة وايد افكار بس انتي شوة تبين تسوين عزيمة والا حركات توزيع والا شوة ............................!!!!!!!!!!!!!!!!!!!!!1

تقديرين اختي اتسوين سلال صغيره أو صناديق وطبعا بتلقينها فى المحمصات وتحطين فيها حلويات وتزينينها بلون الوردي مثل التول والشرايط الورديه وتحطين على كل سله دبدوب صغير لونه وردي أو فراشات ..او برواز صغير وتكتبين داخله طلوع....
واذا ما عجبج هاي الفكره فى فكرة ثانيه وهي انج اتسوين كيك احجامها صغيره وحطي عليها صورة البنوته .
اتمنى تكون الفكره حلوه
أختج هبوووب

الطلوع اختي هو ان البيبي يكمل الاربعين يوم وعاد هاي نحن عنا جيه بس فرحه حق الياهل ووناسه بلمة اليهال والاهل ... ومسوي توزيع حلويات او كيك او اي شي يفرح اليهال



وشكرا لج ختيه هبوب

مرحبا أختى
شوفى أنا شو سويت يوم الطلوع إذا عيبتج فكرتى سويها
سوت عشاء فاخر جمع أنواع افطائر والمعجنات وألأكل الرئيسى طبعا بحيث انى كثرت من المأكولات اللى تعجب الأطفال ثم حضرت سلة فيها شكولا من عند باتشى للأطفال و لفيتها كل وحددة بشكل حلو واشتريت فيونكات صغيرة مكتوب عليها ماشاء الله هاى هديتها للأطفال أما للكبار فلفيت الشكولا و حطيت عليها مصحف صغير شكله حلو هالاشياء موجودة فى محل واحد فى دبى إذا بغيت منها أكتبلى لى و انا أقولج من وين صراحة كانت فكرة حلوة و الكل مدحها
اتمنى انى ما أكون طولت عليج
أختج أم مهرة

ام مهره خبرينا وين هالمحل في دبي...كتبي في العام نبغي الكل يستفيد

في عدة طرق أختي ممكن تعملي غدا يعني اتسويها عزومه للكبار والصغار
بس أفضل اتسوي شي مثل حفلة العيد ميلاد يعني تعزمي الأطفال وتوزعي عليهم حلويات ملفوفة بطريقة حلوه بالتور الوردي أو الليلكي وتحطي بداخلة بيضو حمام + وحلاوه فاخرة +حبة جوزه +دبدوب صغير أو لعبة صغيرة وإذا بغيتي شي أرقى ممكن تروحي عند محلات باتشي عندهم شغلات أتعقد وحللللللللللللوه

المحل فى مركز ديون فى شارع الضيافة (دبى)
نسيت إسم المحل بس اول ما دشين بتشوفينه جدامج تشتغل فيه وحدة فلبينية أختارى و هى بتسوى لج شو تبين

السلام عليج اختي
والله ما اعرف اذا خلص طلوع بنتج ولا ما خلصت المهم اذا كنت تريد تعرفين او غيرج يعرف شو الفكرة اللى سويتها في طلوع بنتي وهيه شبه محليه يعني من صنع ايدنا اول شي تعرفين السله مالت التمر (اللى يخرفون عليها التمر طبعا مصنوعة من سعف النخيل هاي بتحصلينها فى البريمي عند سوق الخضار طبعا دوري وأسألي انزين وبعدين سرت سوق الجديم واشتريت مكسرات وحلويات اول وبعد اشتريت حلويات مثل سنكرس ومارس يعني الحديثة بس يكون حجمهن صغار اوكي وخت من عند الورود خيش اوكي واشتريت تور اوكي يبت التور وحطيت الحلويات الجديمه وصكرته يشريطه وحطيت فوق الشريطه طبعا فراشه او اي شي صغير اتزينينة اوكي وبلمثل حطيت المكسرات وبعد الحلويات الحديثة انشالله فهمتي طبعا قبل ما حط الحلويات دخلت فى السله الخيش ووزعت الحلويات داخل وسويت يطاقة وكتيبات ادعية وشريط قرأن وحطيته فى السلة وووووووايد انعجبوا بها ي الحركه لو اقدر احط الصورة لج عشان اتشوفينها وانا متأكدة انها بتعجبج
مع السلامه