عندي مشكله وابا رايكم لاتبخلون علي بحلولكم

السلام عليكم ورحمة الله وبركاته


انا يا اخواتي عندي مشكلة واتمنى ان اشوف عندكم الحل ......

عندي صديقة غاليه علي تمت صداقتنا اكثر من 15 سنه اعتبرها اخت لي وهيه نفس الشي وبناتها مثل اعيالي اعتبرهم واحبهم ويحبوني وايد

المهم هذه الصديقة مرت بظروف كان لازم اتغيب عن البيت مده خمسة ايام لكن المشكله في اعيالها وين بتوديهم وهيه ماعندها حد وخاصه انهم في المدارس المهم بما اني صديقتها الحميمه طلبت مني ان اجلس معاهم في غيابها طبعا وافت بدون تردد خاصه انها بتروح هيه وزوجها وما بيتم عنجهم حد

المهم بتقلون وين القصه او المشكله

اها المشكله يا خواتي الحبيبات ان خلال جلوسي مع اعيالها شفت البنت الي عمرها 13 داخله على 14 انها تتكلم في التيلفون بصوت خافت ومره دخلت عليها الغرفه وارتبكت وقلتلها منو اتكلمين قالت صديقتي على الرغم كان الوقت متأخر

وعقب صاحت البنت وقالت انتي شاكه فيني قلتلها لا بس مب حلوه تتكلمين في ها الوقت

المهم كان يوم الجمعه وعاده اني اتجمع في بيت اهلي مع خواتي وزوجات اخواني واخذيتهم معاي لانه اهناك بنات في سنهم ( هم عادي معانا متعودين علة اهلي )

المهم واحنا في الغرفه متجمعين انسولف يت بنت صديقتي ومسكت التيلفون واتكلمت بصوت منخفض محد لاحظ الا انا وراحت وانا سميت عمري ما اشوفها وعقب نص ساعه عاديت الرقم والا اسمع صوت ولد قلتله وكان موبايل شكله وقلتله منو انت قال منو تبين قلت اي اسم خطر على بالي قالي لا ها موبايلي وهو مب كبير وايد شكله في الثانويه سكر وانا مصدومه من البنت لان ما ايدل عليها شي ولا حد يتوقعها بنت مب مال هاي السوالف

ويوم يت امها رحت كم مره بيتهم ولاحظها تاخذ الموبايل مال امها والام ماتسأل ليش او شي لانها واثقه من بنتها ........ المصيبه امها عصبيه واحس ماتتفهم الامور ببساطه وصعبه الصراحه

الحين انا ما ادري اقول حق امها او اسكت بس اذا سكت ما اتهون على بنتها مثل بنتي ما ارضى عليها اذا قلت حق امها بتصدقني او بتضايج خاصه اني عرفت عن بنتها شي مب زين وهيه دايما تفتخر في بناتها اذا خبرت البنت شو بيكون موقفها من صوبي

ما ادري اسأله وايد ادور في ذهني ساعدوني الله ايخليكم مابا اخسر صديقتي وبنتها