سالفتي سافه في مستشفى الكورنيش

حبيبتي انا اتابع في الكورنيش ..اصلا ما يقولون لج شو جنس الجنين اللا نادرا ...

انا كنت اعرف من قبل شو جنس الجنين بس لما سرت وسويت صورة عندهم قلت خلني بجرب حظي .. والله سألت الممرضة وكانت انجليزية سوت لي محاظرة انه ممنوع عندهم كرهت عمري اني سألتها :D2 وغير جي انا قالوا لي انه بعض الفلبينيات هم يخبرون اما الباجي لا ..

سيري عيادة خاصة وشوفي .. انا سويت جي ..

اما عن الحبوب سوري والله ماعندي خبرة ..

وزيادة الوزن هذا شي طبيعي .. ولو كان فيه شي مب طبيعي كانوا قالوا لج في المستشفى .. يعني انتي هذا مب وزنج انتي بس .. لا تنسين حجم البيبي والماي الي في جسمج وحول البيبي ..

تقومين بالسلامة ..
:smile:

مشكوووووووره حبيبتي.. سرتي اي مستشفى خاصه
و شي ثاني انا في شهري الخامس و من بدايه حملي زايده 13 كيلووو حتى السستر واجعتني....

حبيبتي انا اسير مستشفى دار الشفا عند الدكتورة جيهان .. اسير لها بس يوم احس انه فيني شي مب طبيعي ومايحتمل التأخير لأني لو سرت الكورنيش ببطي .. واسير لها عشان السونار بعد كل ما يدق في راسي اني اسوي سويت ..

انا من بداية حملي لين الحين .. والحين انا في الشهر التاسع زدت يمكن اكثر من 16 كيلو .. لما كنت في نفس شهورج .. الدكتورة جيهان قالت لي اني زدت وايد .. كنت وقتها ازيد كل شهر 5 كيلو .. قالت لي مب زين جي .. بس انا عرفت انه عادي .. لأن في الشهور الاخيرة ما قمت ازيد وايد يالله يالله كيلوين كل شهر بس ..

لا تكثري من الحلويات .. هم يخافون من سالفة سكري الحمل هذي هيه السالفة .. مب عشان شي .. وما اقدر اقولج لا تاكلين بعد لاني انا كنت نفسج ...

الله يقومكم بالسلامة ياحلوات

طيب ليش ممنوع يقولون جنس الجنين هذي مرة غريبة هم شكو اذا الام تبي تعرف لو لأ ...

بالنسبة للوزن ... انا دايما اقرا واشوف في التلفزيون ان المفروض الوحدة ما تزيد اكثر من 12 كيلو عشان تضمن فقدان سريع للوزن بعد الولادة

سوري على السؤال.. كم تاخذ منج الدكتوره.. لاني يوم كنت اسير النور كانو ياخذون مني 500
الصراحه زوعوني بيزات....

:D2 ادري به النور لا تخبريني عنه ... لا دار الشفا ارخص بوايد ... :smile:

يعني يمكن اول مرة تدفعين لأنج بتفتحين ملف لكن عقب لا .. يعني اظن اول مرة كانت ب 200
اما باجي المرات تاخذ مني 150 وتسوي لي سونار عادي ... لكن اذا قالت لج بتسوي فحص دم تزيد 60 درهم على 150

اصلا هيه تقول من اتدشين من باب غرفتها هذي 150 محسوبة عليج .. :pain: يعتبرونها استشارة .. بس ما تدفعين غيرها ..

طبعا انا ما اشتري الادوية الي تعطيني اياها لاني انا بس اسير عشان اشيك على البيبي ..

اختي رومي .. عندنا ممنوع لأن صارت مشاكل بسبب جنس الجنين .. في ناس من المتخلفين الله يهديهم الي يبون اولاد ولما تعرف الحرمة انه فيها بنت تقعد تصيح وتستوي سالفة .. او انه الريال يطلق حرمته او يهاوش الدكاترة ومن هالكلام عشان جي يخافون يقولون ..

أنا أعرف أنه يوم يكون البيبي ضام ريوله يكون جنس المولود بـــــــــــــــــــــــــــــــــــــــــــنــــــــــــــــــــــــــــــــــــــــــت
وهذا الله أعلم

ربنا يرزقك الصالح بنت أو ولد وربنا يسهل لك ويتمم لك على خير