التهاب اللوز (البلاعيم يعني) هل من حل

على البال

انا نفس الشئ قعدت ادور عن حل لمشكلة اللوز .. وجربت العديد من الوصفات
وأخيراً

قريت وصفة في كتاب ولها مفعول سحري
تاخذون الكرفس وتغلونه شوي بالماي ... ثم يخلط الملح مع الماء الفاتر ويتمضمض به .

الكرفس موجود في كل محلات السوبر ماركت حتى الدكاكين .

أقصد غرغره في الحلق .. ثم إعادة الكره مرات عديدة .

اتمنى لكم الشفاء العاجل .

هلا بنوته

تسلمين على الوصفه
وان شالله بدوره من باجر لاني للحين اعاني وهذي حالتي بكل شهر تخيلي اشرب الببسي حااااااااااااااااااااااار لاني مدمنة ببسي

شكلي بشتري خيشة حق الطوارئ

الله يبعد الشر عنج واهلج يا رب

:cry::cry::cry:

عندي نفس المعاناه الله يعين

راجعت الطبيب وقالي هذي حساسية
ابتعدي قدر الامكان عن الاشياء الباردة وايد

بس انا ما اقدر ابتعد عن البرد ( الايس كريم) والعصير والبيبسي
موبارد بس الا ثلللللج ..
وتلاقيني عقب مداومه على دواء الغرغره ..


اختي بنوته مشكووورة واايد على هالوصفة
وجزاك الله خيرا بجربها ان شاءالله ..

السلام عليكم ورحمة الله وبركاته

غاليتي

((على البال))



أن شاء الله تستفيدين

من خلطة أختي الغاليه

وماتشوفين شر إن شاء الله


تحيتي لك

عذبة الأحساس ...

مرحبا اخواتي الاعزاء
نصيحه طبيه اكثر وعلاج انشالله مدى الحياه الي اهو عمليه شيل اللوز وهذي العمليه سهله وايد وماتاخذ اكثر من ربع ساعه والحين مع تطور العلم تنشال اللوز بالليزر وفي هالحاله تاكلون ايس كريم وتشربووون ابرد شي
والله المشافي

آنه نفس الحال أعاني من إلتهاب باللوز أقل شي بارد يخلي بلاعيمي ملتهبة أسبوع، ومافي فايدة من الغرغرة أو المضاد، بس قبل 3 أسابيع راجعت طبيب الأنف والأذن والحنجرة وعمل لي منظار عن طريق الأنف وقال عندي إلتهاب مزمن باللوز ومانصحني بإزالتها بس عطاني علاج لمدة 3 أشهر عبارة عن أبرة واحدة كل شهر (بنسلين) وقال لي راح تلاحظين فرق واضح مع نهاية الشهر الأول، وأحس الحين أحسن من ناحية الإحتقان بس كرمكم الله البلغم الصبح مازال موجود، بس باخذ الأبرة الثانية وباشوف النتايج وراح أخبركم,,,ماعليكم شر...

السلام عليكم ورحمة الله


خواتي جزاكم الله كل خير والله يشافي ويعافي جميع المسلمين يا رب

انا سالت عن الكرفس محد عرفه بس بعدني بسال اكثر اظاهر له اسم ثاني

انا مصره الا الاقيه


اختي شجونه الحلوه ان شالله يا رب تنفع الوصفه وتتعافين يا رب صج معاناه الله يحفظج ويعافيج يا رب


اختي عذبة الاحساس الله يسعدج دنيا واخره يا رب تسلمين الله يبعد عنج وعن اهلك الشر ويسلمكم يا رب

hony moon تسلمين يا قلبي تدرين بحط هالفكره في راسي هالصيف وان شالله بعد ما استخير ربي واذا يسر بسويها لاني بصراحه تعبت

رانيا ربي يوفق العلاج وينجح ان شالله
الله يبعد عنج الشر حبيبتي والله سالفة الانف والاذن انا من قبل قايلي الدكتور ان عندي حساسية والتهاب بالجيوب الانفيه وما احس بالسالفه هذي اكثر الا لمن تلتهب اللوز
بس خرعتني سالفه الابر :pain: وانا لمن اشوف الابره تصير عروقي يابسه وودي اعطي الممرضه بكس او اعضها من كثر ما اخاف من الابر :o

تسلمون جميعا والله يعافيكم ويحفظكم واهلكم من كل شر

تحياتي

ربي يسلمج ويحفظج اختي على البال
ولاباس عليج غاليتي ..

وهذي صورة للكرفس اختي اتمنى تكون واضحة لج ...