عيون دخلت التاسع..كملوا معاها مشوارها..وردوا علي ..

السلام عليكم يا احلى حوامل في هالمنتدى .. بديت معاكم وانا في بداية حملي واليوم انا في ثاني يوم من اخر شهر لي ... وبخبرتكم ونصايحكم الحمدلله رب العالمين كل شي مشى على خير والله يتمم لي كل شي بسهولة وخير ... وفي كل شهر من حملي كنت القى منكم شي يديد ومفيد ..

انا في الثامن صارت لي اشياء وايدة ومنها انهم رقدوني في المستشفى بسبب انه الرحم كان عندي 1 سم وكانوا خايفين اني اربي قبل وقتي والحمدلله كل شي عدى على خير :up:

ولين الحين اتيني آلام خفيفة في الظهر والبطن وبين الفخوذ واحيانا احسها منتظمة واحياناً لا .. وكل يوم احس نفسي بربي بسبب ضغط البيبي لتحت ..
:smile:

بس انا اعاني من مغص رهيب يروح ويرد .. وقمت اشرب مغلي النعناع لأني سمعت انه يظهر الغازات من البطن بس ما استفدت شي .. :down: وايني مغص والله يذبح ومن وصفي لأمي للألم امي تقول يمكن هذي اعراض ولادة .. لاني الله يعزكم احس اني ابا اسير الحمام بس ما اسوي شي .. :o وهالشي الي خلا امي تقول في الولادة الوحدة تحس بجي ...

الحين انا ابا الين بطني بأي طريقة بس مب عارفة كيف .. شو اسوي او شو اشرب ( لاحد يقوللي خروع) :D2

اما المشي .. انا مأجلتنه لين يوم الأربعا لأن عندي امتحان وخايفة اربي قبله لأن على قولة الدكتورة انا عندي استعداد اني اربي في اي وقت.. وان شالله من بعد الاربعا ببدا بالمشي ..

وعندي سؤال ثاني .. محرج .. في نص الثامن لما كان الرحم مفتوح 1 سم الدكتورة منعتني من الجماع في ذاك الوقت .. بس ما اعرف هل لين الحين امتنع من الجماع واللا خلاص عادي ؟؟

بصراحة صار مرة وحدة جماع من يومين وحسيت بآلام رهيبة.. الظهر والبطن حتى من تحت عزكم الله حسيت عمري ماروم امشي وندمت وقتها ...

واخر شي .. صار لي يومين .. احس مثل حكة خفيفة من داخل ... يعني في المهبل تقريباً .. مادري هيه حكة واللا حرقة واللا قرصه ما عرفت الصراحة ... بس الحمدلله ما عندي التهاب ... لانهم مسوين لي فحص قريب وما فيني شي ..

شو ها الي احس فيه ؟؟ وهل له علاقة بقرب الولادة ام لا ؟؟

اسمحوالي على كثرة كلامي .. لكن تدرون بشعور الوحدة لما تقرب من خط النهاية .. احساس رهيب خوف وفرح وانتظار ...

وانا اترياكم ... ودعواتكم.. وكل الي عندها نصيحة لا تبخل علي فيها .. :shy: