أنا حامل لأول مرة وماعرف امور كثثيرة .. ساعدوني

الف مبروك حبيبتي والله يتمم لج على خير ... كل الي انتي فيه طبيعي 100% لا تخافين ..

اشربي الحليب تراه مفيد مع انج ما تحبينه بس حاولي تعوضين بالجبن او الروب ومشتاقات الحليب بس انا افضل الحليب ( مع اني انا ماشربت وايد) وبعد العصاير الطبيعية الطازجة وايد زينه ...

اما عن زيادة الوزن هذا شي طبيعي ... :shy: بتحصلين نفسج اول الشهور قاعده تمتنيين بسرعة وبشكل غريب وزنج يزيد اتيين على اخر الشهور ما تزيدين وايد والله اعلم شو الحكمة ... يعني انا من بداية الحمل لين الحين زدت قرابة 16 كيلو على وزني القبلي حيث اني كنت 50 كيلو :pain: بس صدقيني ياما سمعت انه الوحدة من تربي تنزل بدرجة فضيعة مرة وحدة ... وبعدين لازم تهتمي بنفسج ...

الكرش شر لابد منه ... انا وربيعاتي المعرسات .. لاحظنا انه من غير حمل ولا شي انه من تزوجنا حسينا ببروز في الكرش ومع انه كل وحدة مننا اضعف من الثانية .. الله اعلم ليش بس لازم انه الهرمونات تغيرت ..

اما الجماع .. في اول الشهور يكون شوي منه خوف .. لأنه ممكن يكون فيه احتمال للأجهاض .. ديري بالج ولا تكثرين من هالشي عشان تحافظين على جنينج ويكون الجماع بشكل هادي .. انا عن نفسي والله خليتها على البركة مرة جي ومرة جي :shy:

والحبوب عانيت منها في الجبهة اكثر شي .. صدق احس عمري احيانا اتشهوت من الحمل .. بس شو بتسوين .. اهتمي ببشرتج حطي روب عليها ... ونظفيها دوم بالاسكينول واصبري بتخف اخر الشهور عادي ...
يعني انا الحين كل الي يشوفوني يقولون لي بل كيف متنفخة مع اني ما احس ان ويهي منفخ :sad: لكن انا مقنعة نفسي انه الحمل جي ولازم اتحمل :up:


السموحة اتكلمت وايد تراني ... وعلى فكرة ادعوا لي اليوم اول يوم لي في التاسع .,, :smile:

مشكورة عيون ما قصرتي يا الغالية

و ألف مبروك الحمل يا عهد

عيون ما قصرت

و اي استفسار ثاني من عيوني حبيبتي

و ربي يتمملك على خير

العفو حبيبتي فوانيس وانا من وين يبت هالخبرة غير منكم .. :smile:

وياكم الحمدلله احس انه حملي سهل وتخففون وايد اشياء عننا بخبراتكم ...

يزاكم الله خير

السلام عليكم


الف مبروك ام محمد والله يتمم لك على خير وكل الحوامل انشالله

انا بصراحه كنت حابه اكتب موضوع بخصوص العوارض الي اتصير لي ومادام تلاخت ام محمد فتحت الموضوع فقلت اكتب الي كنت بكتبه هني

علشان يكون متكامل والكل يستفيد

وانا مثل ام محمد بصراحه خايفه وايد والحين انا بالاسبوع الاخير بالشهر الرابع وباذن الله يوم الجمعه الي هو تاريخ 14/5/2005
بدخل الشهر الخامس

لاكن احس بعوار يروح وييجي في بطني منطقه الرحم يعني مرات اقوم بصعوبه وما اقدر امشي من العوار مثل الشد
والالام خفيفه

واحس بطني ينشد ويصير صلب وشدود وحسيت انه كبر ( لدرجت انه وحده قالت لي انت بالرابع وجي بطنج عيل بالتاسع شو بيصير)

الله يحفظني ويحفظكم والله من دون ما تذكر اللله خوفتني

المهم وبعد صدري اليسار يعني تقريبا باليوم مرتين ولا مره يعوني بس العوار يجيني فجاء حتى احسن ان قلبي بيوقف
ما ادري ليش يعني عادي قاعد اسولف واضحك وفجاء يجيني عوار فضيع بالصدر الايسر بس ويروح

وعن ويهي هم انا ويهي صار في حبوب بشكل فضيع بعد الحمل وسواد وبقع ( بس هذي اعرفها من الحمل وانشالله بعد الولاده بتروح ) المهم ما نتعرض للشمس وايد وانسوي تنضيف للبشره ونحاول نحافض علشان ما ازيد

وايضا اربع وعشرين ساعه خشمي مسدود ليش هل الزكام له علاقه بالحمل ..............؟؟؟؟؟

بس انا خايفه اكثر شي من الالم الي في بطني ليش وهم صدري ليش جي يعورني وانا ما راجعت الطبيبه
لان ريلي مارضا قالي مو زين كل اسبوعين اسوين سونار وفنفس الوقت انا خايفه بشو تنصحوني
اروح للطبيبه ولا لا

بس انا طبعا سالت امي والي عندهم خبره قالولي يمكن لان الرحم بدا يتوسع ولا يمكن لان الجنين يبي يتحرك بس الرحم ضيج

ما ادري ياليت اتساعدوني؟؟؟؟؟؟؟؟؟

واسفه على الاطاله واسمحولي

اختكم ام عبدالله

هلا حبيبتي ام عبدالله
ربي يتمملج على خير يا رب
كل العوارض و الالآم اللي ذكرتيها طبيعية
و حاولي تكون تحركاتك شوي شوي..
لانه الحركة السريعة و المفاجاة تسبب الالم بالرحم
و الحبوب بسبب تغير بالهرمونات
و انتي اعتني فيها دايما و استخدمي الخلطات الطبيعية افضل
بالنسبة للزكام..فعلا احيانا يصيب الحامل طول فترة الحمل زكام بالانف
و لكن ليس عند كل الحوامل..

و ما عليج شر بإذن الله

و الف سلامة عليكم

مشكوره اختي فوانيس يعني ما اراجع الدكتوره ؟؟؟

بس صح قالولي ان يمكن من الحركه السريعه

كنت حابه ارد عليج بس ما شاء الله

البنات ما قصروا معاج :)

وما عندي شي جديد اضيفه..

الله يتمم لج على خير يا رب.

مشكوووووووووووووووووووووووورين جميعااااااااااااااااااااااااا

والله ريحتوني كثيرررررررررررررررررررررررر

وان شاء الله الكل يولدوا بالسلامه

ادعوا لي

الله يسهل عليك انشاءالله