عطري ، روجي ، مكياجي .. كل شي ملخبط :'(

بنات مرحبا

بصراحه ماكنت ابي احط هالموضوع واسئل بس ورب البيت من صار الموضوع جد وانا كلش محتاسه :(

كنت مرتبه كل اموري من قبل بس تلخبطت الحين .. ووايد مرتبكه :(


ملكتي يوم الخميس ،، عقب تأجيل دام فتره من الزمن بسبب ظروف يمين ويسار ..

الحين انا كنت مرتبه اموري على اشياء معينه من قبل بس الحين كل شي احسه اختلف او يمكن من الربكه اختلف ..

بكره بنزل السوق
بشتري اللي ناقصني ،،

بليز راح اخبركم وساعدوني شو المفروض اسوي ..

الفستان جاهز لونه فوشي على برتقالي وفيه الوان ثانيه بشكل خفيف وفيه شك لامع بشكل يتعب بحلاوته ،، الصندل عزكم الله اخذته من ناين ويست وكلش مناسب وروعه ،، هذيلا انتهيت منهم خلاص ،،

الحين نجي للمرحله الثانيه ،،
الميك اب .. خاطري اروح دار نجد وبالتحديد عند هاديه .. لان مكياجها سموكي راااااااااااايق وانا ما احب الصرعات بالمكياج لكن احب الرقي ونظافه المكياج وانا سمعت ان شكلها كلش راقي ونظيف فما ادري هل اختياري سليم ،،

العطر //
اخترت مجموعه عطور كبيره لكن مدري ليش خاطري اشتري سو مجك ميراكل لانه بارد ورايق وفكرت اني ما افرظ عليه عطر قوي اخاف مايحبها وابي استخدم هذا لين اعرف ذوقه // فكرت بستيلا لاني احبه لكنه عطر اختي ومابي اكرر الريحه ابي شي سبيشل حقي ..
فياليت تعطوني رايكم بعد ..

الغليتر للجسم //
مادري هل ينفع استخدم بودره ايف سان لوران اللامعه اخر وحده وبالتحديد اللي شرتها مناري من فتره ؟؟ لاني جربتها يمكن قبل شهرين وعجبتني للفستاني بس اخاف استخدمها ويطلع لون جسمي وردي حيل .. شرايكم ؟؟
هي اكثر شي عاجبني فيها ان لمعتها واااااااااااااااايد تبرق وعشان كذا فكرت فيها اكثر ...
احتاج رايكم .. واذا فيه احسن خبروني ...

شعري //
قصير الي تحت كتفي بشوي وناعم وفيه تموجات حلوه لكن عيبه انه خفيف شوي ،، شرايكم اسويه تسريحه او اخليه مسشور وعادي بما ان هذي اول مره نشوف بعض فيها .. فكرت ان من حقه يشوفني نوعاً ما مثل ما انا يعني من غير تسريحه بس البنات يقولون لي سويه تسريحه اسبانيه واشتري ورده حلوه تناسب الفستان من اكسسواريز وحطيها على جنب <<<<< هالستايل مب عاجبني وابي شوركم ..

الروج //
اخليه مات او قلوووس ؟؟ وهل احطه وردي فاتح ولا اخليه لون قوي مثل الوان الفستان !!
فكرت في روج جيفنشي اللي حطته البندري :)

يدي //
انا بتكون شبكتي بيضاء مو ذهب اصفر .. فهل احط مناكير نفس الوان الفستان او احط فرانش مناكير احلى !!

كريستالات الوجه //
افكر احط كريستال فوق حاجبي بالوان الشك ،، يعني الوان مره روعه اخضر وردي برتقالي وبنفسج واشياء روعه ،، طبعا اخترت لونين وجبت منهم كريستال اصلي بحجم صغيرون وحلو ونعوم .. هل ينفع احطه او بيطلع شكلي مبالغ فيه ؟؟


المصورة //
ابي مصوره حلو تصويرها وبسيط ممكن تجي للخطوبه بعدد 20 صوره مو اكثر وابيها بسعر بسيط لانها خطوبه بس وفي الزواج بتكلف اما الحين لا ابي كل شي بسيط .. فما ادري هل فيه حد يخبر مصوره زينه ورخيصه ؟؟



بالاخير اسفه يامشرفات القسم ان كنت ذكرت اشياء مالها شغل بالمكياج والعطور بس ما ابي افتح مواضيع كثيره بكل الاقسام وجمعتها بموضوع واحد واهم شي فيه المكياج والعطور ..

تحياتي ..