كبوه جواد!!!

يوم ان خلي يلمس الجرح بيديه.. ..قلت ابشري ياجروح هذا المداوي
هذا الذي ماضي عذابك بيمحيه.. ..شكله يقول انه على الخير ناوي
مثل العسل هرجه وانا غارقه فيه.. ..من كل ما فالزهر من شهد حاوي
أرتاب منه احيان واحيانا ابغيه.. ..والشوق يغلب والمحبه بلاوي
أكذب احساسي بغدره واداريه.. ..والعهد باحساسي بعيد الهقاوي
يلعب على الحبلين واقول مافيه .. ..حب بلا هم ودمع وشكاوي
اصنعله اعذاره..وذنبه انا اخفيه.. ..عني!!وانا الي من عذابه شقاوي
ماكنت اظن القلب لاغاب راعيه.. ..واستودعه خل له القلب هاوي
انه يذوب وتختنق كل امانيه.. ..لاصار من حبه على الغدر قاوي
الين قلبي والطعون اوسمت فيه.. ..كنه حبارى والحبيب نداوي
ليل ودموع وشوق ماني بناسيه.. ..قصه لها لسان الزمن صار راوي
اعطيته احساسي وعمري واغانيه.. .. وقسم علا ايامي الهجر بالتساوي
واليوم جرحي طالب الحق يبغيه.. .. بيدي نقظته بعد ماصار ذاوي
ماكان قصدي يوم كحلته اعميه.. ..واذر فيه الملح كني عداوي
عهد علي ياجرح ماعاد بارجيه.. ..ياسعد منهو عاش عمره خلاوي
واباعتبر عمر مضى في تحريه.. ..كبوه جواد وزلت ابه الخطاوي
كبوه جواد ماوطتبه..تعليه.. ..صحوه كرامه قبل قاع المهاوي
ولاصار جرحي لمسه الخل تدميه.. ..قلت انزفي ياجروح مابه مداوي
...............................................................