ابكي على نفسي

nono748:
ماعلية لا تحطين في بالج الكلام الي تسمعينة وحاولي دايما تكونين جاهزة للرد عليهم بطريقة ظريفة ..على ايديج...كلهم عميان شسوي...شكلة ما فية حد يستاهلني...ومن هالكلام خليهم يعرفون ان ما عندج مانع للارتباط..
اما بالنسبة للطلعات فكلنا تينا موجةالعزلة او الخمول والسبب الزهق من الحياةالاجتماعية بس لا تخلينها تطول عندج.و
وبالتوفيق

اَخر العنقود:
أختي الغالية أنا مثلج تماما بس الفارق في الموضوع إن الناس يقولون لج ليش متنتي أنا يستغربون ليش ما تخرجتي من الجامعه للحين و أنا ما حب حد يسألني هلسؤال لأن فعلا تأخري بسبب لا إرادي و بسبب ضروف عائلية صعبة جدا و هي إن أميو أبوي الله يرحمهم مرضو ورى بعض و أنا إضطريت أوقف دراستي علشانهم و عشان أعتني بهم بحكم كل خواتي متزوجات بس الناس دوم يحبون يقلبون المواجع ... على الرغم من حبي لتخصصي إلا إن ساعات أقول يمكن انا فاشله و إنتو تدرون إللي ينقطع عن الدراسة فترة تصير عليه صعبه و غير التركيز إللي قاعد يتراجع يوم و رى يوم بسبب المحاتاه و الخوف من بكرة و بسبب الوحده إللي تذبح و غيره و غيره .... إختي شوفي مصايب الناس تهون عليج مصيبتج و حمدي ربج إنج تحت ضل أمج و أبوج الله يحفظهم و يطول بعمرهم و يا رب يفرحون فيج و في عيالج يا رب..... هذي حالتنا عزلة+ إكتئاب+ حساسية زايدة عن اللزوم+غيره و غيره و هذا طبعا غلط و لازم نؤمن بقضاء الله و قدره ...

تدرين البارحه بيتنا كانو رايحين يزورون وحده من الأهل والده يبون يباركون لها و انا طول اليوم معصبة و حالتي حاله ليش لأني ما بي اروح و إعتذرت منهم بحجة الدراسة مع إن أمس الاربعاء و هذا اليوم معروف للطلعات و الزيارات لان محد يدرس فيه و طبعا من الإكتئاب رحت نمت لما رجعو و أختي قالت لي إنتي لين متى بتمين منغلقة على روحج طلعي شوي خلي الناس يشوفونج " ليش أنا سيارة ؟؟ حتى السياره يروحون لها و يتعنون علشان يشوفونها"... شكلي باخيس من النوم كلما صادتني هلحالة أقط روحي و أنام ... بصراحه ما حبيت أروح هربا من أسئلة الناس اللي تضايقني دوم و هي ليش للحين ما تخرجتي؟؟ بوووووووه عمرتي بالجامعه!!!! وين عايشه ألحين بعد وفاة أمج و أبوج؟؟ و هم عارفين أنا وين عايشة بس يحبون يقلبون المواجع يعني بعيش في الشارع!!! و السؤال إللي يذبحني ها متى بنسمع عنج أخبار حلوة و متى بنشوفج عروس و ما في أخبار يديه؟؟..... أنا قررت ما روح مكان فيه تجمعات للحريم لأنهم سبب خراب النفسيات .... شاقول و شاحط أدري طولت عليج بس حبيت أفضفض شوي لأني بانفجر !!

ذكريات:
اسأل الله العظيم رب العرش العظيم أن يرزقكم باولاد الحلال الي يحافظوون عليكم ويرزقكم بذريه صالحه تقر عيونكم فيها آمين، وخواتي واذا انتو على الناس صدقوني ما بتفتكووون منهم حتى لو عرستو وبعدين اكثرو من الدعاء والاستغفار والدعاء في الثلث الاخير من الليل وتوكلو على الله وادعو الله على يقين بالاجابه ، الله سبحانه وتعالى يقول انا عند حسن ظن عبدي بي ، وفي ادعيه كثيره في المنتدى بتفيدكم واتمنى لكم التوفيق دائما وان شاء الله ربي بيفرج همكم قريب بس اطلب منكم طلب اعتبروني اخت عزيزه لكم ولا تردوني انا اطلب منكم الابتسامه دائما وحاولو طلعون نفسكم من العزله الي انتو فيها اذا انتو عارفين ومتأكدين ان طلعتكم بتغثكم حاولو تروحووون مكان ثاني مب لازم تروحون عند الناس الي يغثونكم يعني اطلعو البحر اطلعو المنتزهات والله انا متزوجه لكن بعد اكره قعدات الحريم مشكلة الحريم لقعدو مع بعض حشو في كل الناس واذا ما لقو موضوع حشو في ريايلهم تحسونها قعدة تكسبين فيها ذنوب وتضيعيين فيها وقتج ، وامي تقولي الحريم لما يشوفون الوحده ما تحب تقعد معاهم يقولوون يا متكبره او فيها شي ناقص لا قدر الله ، يعني محد مرتاح من لسانهم .
المؤمن ما ييأس لانه يعبد الله ، اكثرو من قول لا حول ولا قوة إلا بالله ومن الاستغفار والله ان شاء الله بيسر اموركم على خير

NARDEEN:
السلام عليكم ورحمة الله وبركاته

قصتك ذكرتني باعز صديقه لي لان صار معها نفس الشى ,,كانت ما تجرؤ تطلع من البيت حتى تخلص من اسئلة النسوان الي ما تخلص ابد ,,, تزوجتي ؟ انخطبتي ؟سبحان الله كل هذا الجمال وللحين ما تزوجتي ؟ الثانيه ترد ايه اكيد الشباب انعمو على عينهم ما يشوفوها , الثالثه ترد وتدافع عن عيون الشباب لا لا عيون الشباب ما فيها شى بس هي الي متنت عن الاول ,,الرابعه ترد وبمكر لا يا ام بدر الحين هي احلى من قبل كانت كانها مرت باباي,,,,
وهكذا كلام النسوان ما تخلص والبنت اعتكفت في البيت وقالت ما اطلع منه اهلها خذوها على دكتوره نفسانيه ما فاد ولا صار تغير ,,,
الى ان في يوم كان عندي احتفال بمناسبة المولد النبوي و قلتلها لازم تجين تساعديني ما عندي احد غيرك وبديت ابكي الى ان وافقت بشرط تيجي قبل الكل وتروح قبل الكل
سحان الله هي وصلت و وصلت معها جارتي سلام سلام شلونكم الحمد لله

جارتي ـ يا ويلي هذه انتي للحين هنا كنت مفكره تزوجتي و سافرتي
صديقتي ـ لا ما تزوجت
جارتي ـ ليش
صديقتي ـ شوفي حبيبتي ارفعي راسك فوق واسألي الخالق هو يعلم وانا لا اعلم فلا تسألني انا جاهله
جارتي ـ :eek2: :sad:

انتي ايضا عزيزتي واجهي الناس بلايمان والصبر والثقه ولا يهمك كلام الناس الي يتكلمون وهما جاهلين غير واعيين للأثر النفسي على المقابل
الناس ما تسكت اذا كنتي متزوجة واذا كنتي بنت فعيشي حياتك ولا تخلين الجهل ينتصر عليك

مع تمنياتي لك بالتوفيق

$سراب الحب$:
السلام عليكم ورحمة الله وبركاته
أخيتي انت لا يجب ان ينحصر تفكيرك بهذه الامور و تعتبيريها مصيبة وتتوقف الحياة المسلية عندك عند هذا الحد بل يجب ان تنسي و تتخطي كل ما يقال من هذا الكلام و الاهم رضى الله والوالدين وخليهم يقولو ما يحلو لهم وانت الافضل ان تخرجي و تشوفي حالك شو بيهمك من كلام النساء الكبيرات؟طبعا الي مثل هاؤلاء؟ انتي اذا خرجت ممكن الا تختلطي معهم بل مع البنات من سنك و لا تعيريهم اهتمامك وهل كل من تاخر الوقت بها للزواج يعني انها معيوبة وان تهمل بنفسها؟ وللعلم فان بعض الناس لو لم يجدو ما يتكلمو عنه و ينتقدوه سينتقدو انفسهم و ينتقضوها فانت لا تبدي اي اهتمام و خلي الي يقول يقول و ما كانو هم اعلم بمصلحتك من الله وخلي ثقتك بنفسك وبالله اكبر من هذا الحد وان شاء الله ربك ما يخذل احد ولا يظلم احد و لا ينسى اي عبد من عباده ودائما اللي ربنا كاتبه سيحصل و الي الله كاتبه هو الافضل
وبشرينا أخيتي
$$$$أخيتك$$$$
$سراب الحب$

النجم الساطع:


رضا الناس غايه لاتدرك .......خلي .الثقه بالنفس هي قوتك وإيمانك بالله هو زادك

الزواج نصيب وانت مبين من كلامك انك واعيه وقلتي الحلول كلها ماشاء الله عليك

وترى الرد على الحمقى من الناس شي متعب ........ولكل داء دواء يستطب به إلا الحماقه أعيت من يداويها

مين انا؟:
هه شر البلية ما يضحك ، اقولك شي اختي الكريمة ، الناس ما وراها غير الحكي ، انا مثلا قبل ما اتزوج الناس مافي غير تسأل متى ومتى ومتى ومتى........ تتزوجي ودنا نفرح فيكي وهالحكي الي ماله طعمه.
بعد ما تزوجت وارتحت من تدخلهم ...... كنت افكر اني ارتحت جا سؤال تاني......
حامل ؟؟ ليه مافي شي بالطريق؟... تروحي الدكتور؟ .... زوجك فحص ...........يييييييييييييييييييييييييييوه والله اني زهقت من الناس وتدخلاتهم ، بس مثل ما يقول المثل الجنة من غير ناس ما تنداس....

عليكي بالصبر والطنااااااااااااااااش
لك احترامي

Runaway Bride:
السلام عليكم ورحمة الله وبركاته

عزيزتي مسك

نصيحة من انسانة كانت تعيش نفس مشكلتج بالضبط ويمكن أكثر شويه

لو بطلتي اذنيج حق هالكلام ما بترتاحين ولا بتطلعين من البيت ولا شي

انا سمعت وايد لين ما حكرت عمري في غرفتي وطلعاتي انحصرت في الجمعيات

قمت أطلع الصبح عشان ما أشوف حد أعرفه ويسألني السؤال عن العرس او عن الرشاقة

شو النتيجه؟؟

تعتقدين ان أسئلة الناس وقفت؟؟؟ بالعكس نفس الشي....

من كم يوم جارتنا سألت أمي ما عرست بنتج لين ألحين؟؟؟ القهر في السالفه ان هاي الجارة لها بنتين أكبر عني ووحده منهن طافت الاربعين....

شوفي اختي كيف الناس يشغلون عمارهم بغيرهم وما يرضون حد يسوي نفس الشي بهم..

وأنا عن نفسي استويت أحسن عن قبل.....

سؤال العرس أرد عليه بكلمة النصيب وأبتسم

وسؤال الرشاقة أرد عليه: بسوي الرجيم حق عمري مب حق الريل ..
وفعلا ابتديت أسوي رجيم ووزني قام يخف....وصدقيني هالشي يساعد في زيادة الثقه بالنفس....

واهتمي بنفسج عشانج انتي مب عشان الريل.......

وأهم من هذا كله هو: الإيمان بالقضاء والقدر.......

أدعليج من قلبي أن الله يرزقج بولد الحلال اللي يريح بالج.....

صراحة بعض المعرسات تشوف نفسها على غيرهاانها خلاص انملج عليها يعني الانتصار على صديقاتها يختي ماعرف كيف الناس سايره
الله المستعان