الشعر اللي بالوجه

[grade="00008B FF6347 008000 4B0082"]شكثر باقي على عرسج؟ وايد في شعر بالوجه؟[/grade]

المفروض عرسي يكون بنهايه الشهر بس الحمد لله تأجل لنهايه شهر سته والشعر اللي بوجهي مو كثير يعني على الخفيف بس انا ابي اعرف مثلا لو شلته بالخيط شو الطريقه اللي تخلي نموه بطي؟؟

[grade="00008B FF6347 008000 4B0082"]الحمدلله مافي شعر وايد سوي مثلي
شهر اشيله خيط و الشهر اللي بعده اشقره
لأنه يكون بطيء في النمو و مو كل مرة تقدرين تشيلينه بالخيط فالتشقير يكون احسن و اذا شلتيه بالخيط في خلطات طبيعية وكريمات وايد تأخر نموه
بدور لج الروابط
بس انا سامعة عن كريم من ماركة MATIS فرنسية يقولون وايد يتأخر نمو الشعر بس ماجربته[/grade]

تأخير نمو الشعر باستخدام العد الفلكي .. مجرب
معلومة سمعتها ،،،تراهها وايد مهمة لنا.....
س و ج ** حول إزالة الشعر
ماذا تفعلي سيدتي؟؟ لإزالة الشعر الزائد ووقف نموه
للنساء فقط موضوع في غاية الروعه

تسلمين اختي والله يخليكي ويحفظك اشكرك دوووووووم على مساعدتك لي راح اسوي اللي قلتي عليه مره اشيله ومره اشقره اوكي اختي



ارق التحيات مني لك(f)(f)(f)

ترى أنا نفس الشي بشرتي حساااااااااااااااسة
وكنت أشقر فقط..
بس مليت لأنه كان لسه يبان.. فآخر شي قلت حأشيله خلاص..
ورحت الصالون وشالته لي بالشمع وكانت شاااااااااااطرة من جد..
وبعدها رحت للصيدلية وأخذت كريم ضد البكتيريا عشان ما يحبب وجهي.. واللي شالت لي حطت لي زيت جونسون للأطفال على وجهي وقالت لي لا تغسلي وجهك بالصابون لين بكرة.. قلت لها أوكي..
المهم الحمدلله ما طلعت لي حبوووووووووب وتغير شكلي 180 درجة بعد ما شلت..! :)
وخلاص حأصير أشيله دايما كذا إن شاء الله..
والحين رجع طلع بس ترى خفيييف مو مثل أول الحمدلله..
واستخدموا يا بنات كريم جونسون لتقليل الشعر صديقتي تمدحه والله.. بس أنا للحين ما استخدمته بس بستخدمه بإذن الله..

بااااااي :)

سوي جلسة ليزر علشان ياخر طلعو الشعر

وتقدرين تشيلين بالشمع والافضل الاصلي اللي عند السوريات والمغربيات

لانه بعض الصالونات شمعهم مغشوش ويطلع حبوب

السلام عليكم ورحمة الله وبركاته

هلا اختى

اختى شوفى الرابط ده بفيدك كتير ان شاء الله

والف مبروووك مقدماا وربى يكملك ويتمملك على خيررر يارب

الرابــــــطـ

حبـــيبـــــــــه ,,,

اذا شعرك خفيف لاتشيلي بالليزر مايسوى صراحة وقولي الحمدلله
واانا مع الاخوات اللي قالو استخدمي الشمع بس روحي عند وحده مجربه في ديرتك انا جربت الشمع والخيط والليزر

الخيط حبوب ويطلع بسرعه وساعات يسوي جروح على الوجه ماتشوفينها الا بعد ماتنظفين وجهك

الشمع مريح ولا يعور مثل الخيط ويبطي نمو الشعر وغير كذا ينظف لك البشره لانه بيشيل الخلايا الميته على السطح مثل مفعول الحلاوه على الجسم بس بعدها خطي عليه زبادي اذا كان وجهك متهيج واحمر يهدي ويبرد عليك واشتري كريم من الصيدليه اسمه فيسودين مرهم صغير مررره راائع ادهني فيه وجهك بعد ماتغسلين الزبادي واجلسي اطول وقت ممكن فيه يعني حطيه مسيان ونامي فيه واذا قمتي بكره برضه اغسلي وجهك وحطي عليه بعد يومين او ثلاثه بالكثير بتلاقين وجهك صافي ان شالله
وعلى فكره هالكريم ممكن تستخدميه على البثور او الجروح عشان مايطلع ندبات او اثر لها

الليزر مريح بس انسدحي على السرير وثلث ساعه ووجهك يلمع بس اااخ من الالم وهو يضرب على وجهك والخوف اللي يصير تخافين يحترق ولازم تقعدين اكثر من 3 ايام بعيده تماما عن الشمس وتحطين واقي وكريم وبهذله
بس حلاته انه يطول تقعدين شهر وزياده وماطلع

فكري زين واستخيري والله يوفقك ان شالله

تحياتي ولاتنسيني من دعائك

وعليكم السلام ورحمة الله وبركاته

اختي اولا ان شالله يتم عرسج على خير وحياتج باذن الله كلها سعادة وعمل صالح

بالنسبة لشيل شعر الوجه ما عندي تجربه شخصيه بس من تجارب كم وحده من رفيجاتي اشوفه طلع لهم حبوب وبعضهم للحين يعاني منها والبعض ظهر لهم اغمج من اول
بس يمكن السالفه تعتمد على شطارة اللي تشيل واستخدام منظفات ضد البكتيريا


انا رايي بصراحه لا تشيلي واذا انتي تبين تشيلين علشان ليلة العرس والمكياج فاظن كريمات الاساس تفي بالغرض وسوي بروفات حق مكياج كامل وان شالله بتقدري تختاري تشيلي او تكتفي بكريمات الاساس

تحياتي

التشقير أقل ضرراً يعني عن الحبوب


بس الفتلة أحسن

والله يوفقج

انا من نحاستي ماخليت شي ماجربته حتى الحف حفيت وانا صغيييرة وكله لاني اقلد بنات خالتي اللي أكبر مني :(

والحييين ماشاءالله ويهي كل 3 اسابيع لازم اشل الشعر بالخيط وفي الصالون واحس الخييييط والحف ايسبب اتجاعيد حول الشفايف بدات تظهر للي خطوط :((

فأنصحج أختي لاتشلينه والله بتندمين بعدين بيتم ايييزيييد عليييييييج



مناري الله لايحرمنا منج ولا من نصاييييحج كل شي قلتيه بطبعه وبتبعه . الله يعطيييج العافييية

هلا والله اختي ..

انا بصراحة مااشيل شعر وجهي الا في المناسبات وكنت اشيلة يالخيط ومرات بالشمع بس يطلع لي حبوب .. لكن مررة وحدة شالتلي اياه بالحلاوة بقطعة مرره صغيرة بس قبل ماتشيلة قالت لي حطي على وجهك ماي +سكر وخلية لما ينشف قبل ماتشيلين ولا تغسلينه وبعدين شالتلي وجهي .. وقالت لي امسكي ثلج وامسحي وجهك فيه لما تحسين انه وجهك خفت حرارته .. وبعدين امسحي عليه نص طماطم .. او حطي عليه بياض البيض .. وبعدين غسلية .. :up:

ومن بعدها الحمدلله ماقامت تطلع لي حبوب ..:smile:

[grade="00008B FF6347 008000 4B0082"]أنا محتاره وحده تقول شمع والثانيه خيط والثالثه حلاوه وش أختار

ولا مره في حياتي شلت وجهي بس أشقر

وأتمنى كل وحده تشرح أكثر وأكثر عشان كلنا نقتنع بكلامكم والله يعطيكم العااافيه [/grade]

انا الحمدالله ماتطلع للي حبوووب

والشمع بصراحه مانصح فيييييه بالمرة انا كنت اشل شعر ايديني في صالون بالشمع وكااان وايد ايسمر بشكل فضييييع وكل ربيعاتي صارت وياهن نفس السالفه ... يعني اذا ماتبين الخط جربي طريقة هتاااااان

بنااااااااات نصيحة الشمع لا تجربونه على الوجه لانه اولا منطقة حساسة .. واحتمال تنتقل الحبوب من وحدة لوحدة .. انا من مدة سنتين شلت اول مرره وجهي بالشمع .. وعند مشغل معروف بالخبر لكني والله تندمت تدرووون ليه ؟؟

انا كانت بشرتي قبل مااشيل بالشمع الحمدلله مافيها حبوب ومن بعد ماشلته بالشمع الى يومكم والحبوب موجودة وقاعده اتعالج منها .. والحمدلله بدت تخف اشوي .. وقالت لي اللي اتعالج عندها انتبهي من الشمع لانه احتمال تكون بشرتك مافيها حبوب لكن اللي قبلك فيها فراح تنتقل منها لك .. لانه اغلب المشاغل مايغيرون الشمع ولا حتى العصا الصغيرة الخشب اللي يحطون منها الشمع على البشرة ..

نصيييييييييييحة يابنات من وحدة مجربة إلا الشمع لا تستخدمونه ...

هتــــــــات

انا الحمد لله مااشيل شعر وجهي لاني خايفه انه يكثر او تقوى الشعره وانا سمعت ان التشقير يزيد لون الشعر وتوضح اكثر

والخيط يسبب حبوب وحاله خلنا على مجنونا لا يجي اللي اجن منه

بس بما انك عروس سوي بنصيحه الاخوات يعني شيلي عند وحده شاطره وبعدها حطي كريمات عشان لايطلع لك حبوب

او يزيد الشعر والف الف مبروك مقدما والله يهنيك

الشمـــع روووعه يغير شكلك كليـــا وما يرهل البشرهـ ويقلل نمو الشعر


والف مبروووووووووووووك مقدما ا ا

أنا عمري ماشليت شعر وجهي ولا أفكر أني أشيله ...
حتى يوم عرست ماشليته أسوي تشقير بس ولازاد ولاطول نفس ماهو ماتغير .. وأسوي تشقير كل كمن شهر لأنه يطول لين مايبين الشعر بس ادا شليتيه بشمع أو بخيط لازم تشلينه كل شهر ... ليش تعدبين عمرج ؟ شقريه ولفتكي بس شقري عند ناس يعرفون مش عند وحده تتغلم في ويهج وتحرقه ..

ومبروك مقدما