قناة one - منتديات عروس

أ

أنين الجراح

عروس مشرقة

04-05-2005 | 08:52 AM

اخواتي العزيزات

انتوا اتشوفون برنامج قصة طفل الي تعرضها قناة one كل ثلاثاء الساعه 1ونص الظهر

عن الحمل والولاده برنامج ممتع بس راح اجن 000 لأن لما ايجيبون المره تولد ماتصرخ واتقطع شعرها مثلنا
تضحك وكلها صرخه اخف من الريشه وطلع الجنين لا وايكون زوجها وامها وابوها واختها واللي يبي يدخل يدخل معاها وقت الولاده في الغرفه ويتفرجون علي الطفل لما يطلع

نفسي اعرف ليش مايصرخون الحين شفت اكثر من 10 حلقات والله ولادتهم دلع

طيب ايش مشكلتنا احنا ليش نتعذب لين نهلك؟
اللي اتعرف اتقولي0

A

Al3ana

عروس نشيطة

04-05-2005 | 09:05 AM

حبيبتي........
الاجانب يعطوهم ابر مسكنه للالم في ظهرهم...

ب

بحرينيه عسل

عروس ذهبية

04-05-2005 | 09:35 AM

حبيبتي اولاً البرنامج يحطونه كل يوم على ما اظن. ثانياً هذا برنامج يعني مومنتاج في مقاطع يتم قطعها وهكذا فربما المقاطع الي فيها صراخ وغيره يتم قطعها والله اعلم.

ن

نسمة الحياة

مشرفة سابقة

04-05-2005 | 11:42 AM

أنا بقولك ليش ماتصرخ .. أعتقد أن الكل يكون حواليها ..
وخصوصاً زوجها ... أو أمها .. لأن هؤلاء أهم شخصين تكون المرأة محتاجيتهم وقت الولادة ..وبالتالي تحس بالأمان ..

والله أعلم ..

ح

حبيبة110

مشرفة سابقة

04-05-2005 | 01:09 PM

السلام عليكم ورحمة الله وبركاته

هلا انين الجراح يا سكره

اقولك اختى

الدكاتره عندنا يقولون ان الم الولاده محتمل ومايحتاج كل هذا الصراخ والبكاء لان من الممكن احتماله

ده غير ان الالم نسبى

يعنى لكل واحده درجه احتمال للالم تختلف من واحده لاخرى

يعنى اللى واحده تعرف تحتمله واحده تانيه ماتعرف تحتمله يكون شديد عليها

لان لكل واحده درجه احتمال للالم نسبيه بتختلف من واحده لاخرى اختى

اتمنى اكون افدتك حبيبتى
حبـــيبـــــــــه ,,,

م

مجنونة زماني

عروس رائعة

04-05-2005 | 02:44 PM

نحن الحرمه عدنا تروح تربي على عماها ما تعرف شو بيصير و هم عندهم كورسات و تدريبات تنفس و رياضه اثناء فترة الحمل تقوي الظهر و الرحم وغيره
و يتم اعطاء الحرمه كل المعلومات و حتى يعلمون ريلها يعني ريايلهم يفهمون اكثر عنا نحن الحريم

و نحن يمكن نص صراخنا من الخوف اللي بيي بعدين و غالبا ما نسمع تشجيع بس فلم رعب يعور و تعب و هلاك يعني ما في كلمه تشجيعيه او اذا سويتي حركه معينه راح يخف عليج او ما في اي دعم من المستشفى او مراكز متخصصه في تهيئه المرأة الحامل

هذا في رايي و الله اعلم

ع

عسووووله

عروس ماسية

04-05-2005 | 03:37 PM

والله هالانجليز عليهم حركات هههههههههه

فى كل شي مأدبين حتى فى الولاده هههههه..

الله يسهل علينا ياااااااااااااا رب.

ح

حورا

عروس برونزية

04-05-2005 | 04:59 PM

هالبرنامج رووووعه واليهال حلويييين...

ربي يرزقني مثلهم يا رب..

G

Good^MoTHeR

عروس مشرقة

04-05-2005 | 07:48 PM

صح والله اخر حلقه شفتها الحرمه ولدت في نص ساعه .......دخلت المشفى وراقبوها شوي وولدت بدون الم وصراخ....وانا اوافق الاخت jami لان هم يتدربون ويتأهلون نفسيا وبدنيا للولاده........ حتى الريال لازم يحظر مع الحرمه كورسات التدريب

الله ييسر علينا وعلى جميع المؤمنات

ا

اوشن

عروس مبدعة

05-05-2005 | 01:18 AM

فعلا البرنامج وايد حلو ..وهم ما يتالمون لانهم ياخذون ابره الظهر الحين وايد حريم ياخذونها في مستشفى الولاده عندنا ويقولون عنها انها عجيبه ما تحسين بشيء ابد .

ا

اّاّسرة القلوب

عروس مشرقة

05-05-2005 | 01:49 AM

صح ياخذون ابره

وبعد هم يعرفون انه من الخطا الصراااخ

لانه ماراح ينفع بل سوف يزيد من الالم والمده

وايضااا يضعف تحمل المراة

أ

أنين الجراح

عروس مشرقة

06-05-2005 | 08:40 AM

يااخوات ابرة الظهر سمعت ان لها مشاكل مثل الألم بعد الولاده في الظهر لو كانت فعلا مافيها مشاكل راح اطلبها لكن الأخوات خوفوني احترنا 0