شنو تحطين بحقيبة البيبي لما تطلعين من البيت ..؟

موضوع حلو يا شريفة يفيد الأمهات،،،

طلعتي العادية بيت أمي (بما أن كل شي موجود مثله عندهم، يعني نصف ملابسه العادية في بيت أمي علشان لما يكون عندهم الصبح ويلبسهم)..

الشنطة اليومية: حفاظتين، قطعة واحدة من الملابس الداخلية، بيجاما وبدلة عادية، فوطة صغيرة، محارم رطبة، مريلة، كوب الماء، الرضاعة، كونتينر الحليب والأكل، علبة صغيرة بها بسكويت أصابع، شنطة صغيرة احطها بداخل الكبيرة فيها ترمومتر، كريم للجسم، كريم الحفاظ، مشط، دواء للمغص والحرارة وجل التسنين،صابون سائل) لعبة صغيرة وبس تقريبا هذا كل شي....

أنا بأخذ شنطة واحدة و صندوق صغير البلاستيك .. إلي ينحط جوى الشنطة

داخل الشنطة
((تقريبا 4 حفاظات ، بربتوزة ، بيجامة ، لبس كشخة واحد أو إثنين علي حسب الطلعة ، صابونة جونسون ، كريم لوشن الصغير مرة ، كولونيا ، العطر حقه حجم صغير ، مشط صغير ، لعبة صغيرة ))


الصندوق الصغير البلاستيك ..
((يكون بداخلة رضاعة صغيرة فيها ماء ، محارم رطبة ، مريلة ، دواء الحرارة وأي دواء ثاني إن كان محتاج ، بسكويت ))

:up:

يالله يا امهات شاركوا وخلونا نستفيد

يعطيكم الف الف الف عافيه

موضوع حلووووووووووو

الله يعطيكم العافيه خواتي رانيا البحرينيه وبيلسان واختنا طولون على مشاركاتكم وانشالله ربي يجعلكم من الامهات الصالحات انشالله واهم ما في هالدنيا اعيالنا .. واذا احد يبي يضيف اي شي على شنطة البيبي يتفضل وجزاكم الله الف خير

[grade="FF4500 4B0082 0000FF 000000 F4A460"]على حسب سن البيبي

1- من شهر الى 6شهور

تحتاجين تحطين له 6 حفاظات + ملابس داخليه وخارجيه عدد2 + مرضاعه للبيبي اذا كان يرضع صناعي مع الحليب طبعا +ماء ساخن +
مريله لوقت الأكل +مناديل لتنظيف الطفل + هاذي الأشياء اساسيه ومهمه .

2- من 6 شهور الى عمر سنه ونصف
تحتاجين 4 حفاظات +ملابس داخليه وخارجيه + مرضاعه للبيبي مع الحليب والماء الساخن + مناديل لتنظيف البيبي + لعبه لتسلية البيبي
+ مريله لوقت الأكل + عطر .

3_من سنه ونصف الى سنتين
مرضاعة البيبي + الحليب + ملابس داخليه وخارجيه عدد 1 أحتياط للغيار +4 حفاظات للغيار ومناديل + لعبه للبيبي .

اما اذا بتطول الطلعه لمدة يومين او اكثر فتحتاجين اغراض ثانيه ضروريه : مثل
1- ترمومتر لقياس حرارة الطفل .
2- دواء للحراره .
3- صابون سائل .
4- قارورة ماء كبيره.
5- الحفاظات تكون اكثر .
6- فوط لتنشيف البيبي .
7- مشط وعطر .
8- حليب ومراضيع .
9- ملابس أضافيه داخليه وخارجيه .
10- بسكوت وفواكه .
11- ركيم مرطب .

وهذا الشيء يختلف بما انج بطولين او مو مطوله يعني على حسب طلعتج تعرفين انتي اشتحتاجين .

وتحياتي للجميع اتمنى اني ما نسيت شيء احطه[/grade]:smile:

السلام عليكم و رحمة الله و بركاته

عجبني الموضوع و حبّيت أشارك فيه...

بالذات إنه بيفيد الأمهات الجدد :)

اذا بسير بيت اهلي لانهم في مدينه ثانيه اشل الجمل بما حمل هههههههههه يعني كل شي حتى مقص الاظافر عسب ما يقولون اظافرها طويله

و اذا طلعه لساعات
ما احتاج الماي و الحليب لاني ارضعها طبيعي
احتاج 2 حفاظ
فوطه صغير+قطن
داخليه +بدله حلوة + بجامه
لعبه + لهايه

ما شاء الله اختي النوري كفت ووفت..

بس عندي ملاحظة بسيطة للامهات...

اذا كانت طلعتج لمدة اقل من 3 ساعات تقدرين تحضرين المرضعة واخذها معاج..

اما اذا كانت الطلعة اكثر من 3 ساعات فلازم تاخذين جميع ادوات تجهيز الحليب ..


عدد الحفاضات يختلف بالنسبة لطفلج، يمكن عدد 3 او 4 يكون كافي في الوضع العادي، لكن اذا كان مع الطفل اسهال فلازم تاخذين اكثر من 5 الى 6 حفاضات معاج..

اذا كان طفلج مريض اعطيه الدوا قبل ما تطلعين من البيت وبذلك تخففيين حمل الادوية وبنفس الوقت تتجنبين ان الطفل يرفض شرب الدواء مثلا في مكان غريب عليه.. ويسبب لج احراج...

احملي الفازلين الخاص بالاطفال معك، فقد يتعرض طفلك للخدش اثناء لعبه ..

السلام عليكم ورحمة الله وبركاته



سبحانك اللهم لا اله الا انت استقفرك واتوب اليك



عن نفسي في بيت ام زوجي كل اغراض بنتي وفي بيت امي وفي شقتي كل مكان حاطه الاساسيات..

اما للطلعات اهم شي الحليب والمرضعه والماء الساخن.. وعن نفسي ما احاتي لان الطلعه ما تكمل نصف ساعه او ساعه بالكثير ارجع للبيت لان بنتي ما شاء الله عليها اتطفر في الواحد وما تخليه يتمشى على كيفه..



تسلمين حبيبتي rose2006 على التوقيع الطيب كثيرا

[B]اهم شيء : 4 حفاظات + فوطة صغيرة + صابونة حجم صغير ، بدلتين كفاية ، مريلة ، ملابس داخلية عدد 2
في ملاحظة حق خواتي الاتي ذكرن الترمومتر والادوية فانا شخصيا لا أوافق عليه لأن الطفل ان كان مريضا فما اتوقع من الام ان تقوم بزيارة او طلعة و طفلها مريض [/B]

مثل ما قالوا البنات كل سن وله اغراضه الخاصة .. لكن انا بتكلم عن ولدي وهو في هالسن " السنتين "

حاليا اذا بطلع يوم الخميس اروح من الصبح بيت ابوي والعصر نروح كلنا بيت جدي ونتجمع كلنا هناك ونقعد لليل .. طبعا حق بيت ابوي هناك عنده في بيت ابوي اغراض وايد حتى حفاضات مخليه له كيس هناك وشامبو وصابون وفوطة وكل اغراضه بس احمل معاي ثياب تصلح لروحة بيت جدي واحمل له المرضعة مع الحليب وماي وشوية حفاضات وغيارات حق ابدل له في بيت جدي هذا غير عن الجوتي والجوراب .. واحيانا هو يحمل معاه لعبة من البيت .. واذا كان مريض احمل معاه ادويته .
اما اذا كنت بطلع لمدة قصيرة ساعتين او 3 ، فما احمل له اي شي .. البسه حفاضته وثيابه وجوتيه واعطره من البيت بس احيانا احمل معاه المشط اذا كان شعره طويل ويبي له تمشيط بين فترة وفترة ..
طبعا انا ما احمل له شي لاني اعرف حسون ما يحتاج لاي شي برا وفي البداية قمت احمل مرضعة جاهزة لكن نطلع ونرد البيت وهو ما شربها واحيانا احمل له حفاضة احتياط ونفس الشي ما احتاج ابدل له وانا براا .. لكن في اطفال يحتاجون لهالشي ..

اذا طلعه مع زوجي نتعشى او نتمشى ابدلها حفاظها قبل مانطلع واذا جوعانه ارضعها ..واذا مب جوعانه اسوي لها الرضعه واخذها مع المصاصه وفوطه صغيره واحطهم في شنطه صغيرة ماخذتها من بيبي شوب ..


اما اذا بروح بيت هلي لا اخذ ترمس الماي والحليب وثلاث حفاظات والمناديل والبودرة والكريم 2 اندر وير و2 بدله وبيجاما والمصاصة وبعد شنووووامممممممممم


فوطه صغيره ولعبه و بسسس

يا دوري ...

اخذ معاي شنطه وحده كبيرة شوي اكبر شنطه في بيبي شوب ...

المهم ...

بدلتين

اوفارولين

فانيله

4 بامبرز

فوطه

حليب

3 مراضع

اوشن سبري للانف

ادول

دلغه ( ابيض - ازرق - اسود - احمر - بيج ) على طووول فالشنطه

ترمس للماي الحار

ولعبه او لعبتين


هذا اذا كنت سايره عزيمه ولا بيت ناس

اما اذا كنت سايرة مركز

اخذ شنطه شوي اصغر ... (بس الكبيرة تنحط فالسيارة )
بدله

اوفارول

فانيله

حليب

مرضعتين

2 بامبرز

وفوطه

ما اخذ معاي لعبه لانه مشايته كانها حديقه متحركه


اما اذا كنت سايرة بيت قوم امي ما اخذ معاي شي ... لانه كل شي موجود في غرفتي ... عنده حجرة وكبت وملابس وكل شي

كشووووووووووووخي الموضوع.......

كل مرة اكونرايحة بيت اهلي لازم يكون في شي ناقص....

لكن خلص احين عرفت شلون تشكري.........

انا بالنسبة لى اول ماجبت ولدى كنت احطة بشنطته
5 حفاضات
فازلين
كلينكس مرطب
مرضعتين
غيار واحد بس
ودالة الماى الحار
ولعبة
بس الحين ولدى فى الشهر السادس ومن شهر خففت الشنطة
يعنى قبل لا اطلع من البيت ارضعة واحفظة وقبل رضاعتة طبعا وجبتة الاساسية يعنى اذا طلعت ماراح يطلب ارضاعة الا بعد 6 ساعات

يعنى احط بالشنطة
رضاعة واحدة
3 خافظات
الحليب
ولعبة
فقط

اما اذا رحت بيت اهلى لانى اقعد عندمة يومين اخذ لة غيرت وادويتة .

الله يخلي لكم اعيالكم انشالله
ويرزق كل بنت الذرية الصالحة

انا الحين ولدي عمره سنة وجم شهر
الجنطه احط فيها 3 حفاظات ورضاعة حليب واحده
ولعبة وثلاث الى اربع قطع من الملابس بالاضافة الى الملابس الداخليه

واكون قبل لا اطلع ملبسته ومرضعته والحين اسم الله عليه اعتمد على الوجبات اكثر من الرضعات

دمتم سالمين
اختكم شريفة

جميل جداً الموضوع.
الاخت النوري كفت ووفت، وانا اتبع نفس اسلوبها، ما احب اتذكر يوم كانت بنت شهور احمل معاي شنطة سفر اما الحين لا كلما لها تصغر الشنطة، حتى هي صارت تحمل شنطتها الخاصة( تقليد البنات) واخلي لها الحين في شنطتها للمشاوير الصغيرة، حفاظة وحدة لاني ابدلها مباشرة قبل الطلعة، مشط، كوب العصير ، مناديل، مريلة. اما للمشاوير الكبيرة فمثل ما قالت الاخت النوري.

قبل كم شهر سافرت معاها عشرين يوم، فحملت الجمل بما حمل مثل ما قالت الاخت بجعة

اضع له حفاظات وفوطة وبدلة او بدلتين والحليب ورضاعة للحليب ورضاعة للماء ووكلينكس ومشط ويوم كان صغير قليل يعني كان عمره شهر وشهين كنت احمل له ترمس ماء بس الحين عمره سنة وشهرين يعني عادي اي ماء مو لازم مغلي وبعد ما صار عمره سنة قمت احمل له جبس وعصير وايضا كاسترد او زبادي

موضوع حلوووووووووووو الله يعطيك العافيه اختي :clap::clap::clap::up::up:


على حسب الطلعه تحددين الاغراض الي تخذينها وياك
وبعد على حسب عمر ولدك


اذا كنت رايحه للجيران ما اخذ معي الا شنطه صغيره فيها بامبرز وحده ومناديل معطره وبسكوت اصابع له

وبس

اما اذا كنت بتاخر اخذ معاي شنطه وسطه واخذ له بدله وبربتوز داخلى وحليب ردي ميد

واهم شي



المصاصه (اللهايه):eek2:


ما يستغني عنها دودي

وبس


تحياتي