السلام عليكم ورحمة الله وبركاته
كيف الحال جميعا ...
اكيد كلكم تعرفون مملكة القلوب صح؟؟؟؟؟
تعالوا اقول لكم وش سوت هالبنت....
عسى ربي........ يجزاها الجنه و يغفر لها و يرزقها بالدنيا و الاخره
و هذا الموضوع اهداء لمملكه القلوب و دلوعة حبيبي... و برضه لكم يا بنات عروس
-----------
تتذكرون الليالي اللي كتبت عنها مملكة القلوب و الافكار الرومانسيه؟؟
احد هاذي الافكار كان ليله في الغابه...
انا طبقتها ............. وزدت عليها..
فمشاركتي راح تكون بعد اذن مملكة القلوب ليله في الغابه مع اضافات...
اول شي اخترت المكان..
المقلط عشانه معزول شوي عن البيت و اقدر اقفله كل ما اشتغلت شوي
وش سويت...
شلت كل الكنب الموجود و الارض طبعا سيراميك...
و خليت كنبتين اللي تكون كرسي واحد بس منفرد عرفتوا؟
طبعا من حظي ان الكنب عندي شكله من الخيزران اطرافه و من الوسط عنابي
قمت غطيت اللون العنابي بقماش اخضر و دبسته بالدبابيس اللي تنشال طبعا ..عشان
بعدين اقدر اشيله بسهوله
وجبت من صديقتي كراسي حقتها من ايكيا من قش للحديقه عرفتوها؟
و اشتريت من محل ابو ريالين اورا ق شجر اصطناعي كثييييير
و قصصت بعض الاوراق و غرزتها في الكراسي الخيزران اللي من ايكيا بشكل عشوائي
و طبعت بالطابعه شكل اوراق شجر و قصصتها و وزعت منها على مقعد الكراسي و بعضها
على الارض...
و اشتريت من ابو ريالين اوراق شجر اصطناعي متسلق عرفتوه؟
و علقت على الباب من برا من فوق و اطرافها من يمين و يسار يعني حول الباب...
و برضه الورق المتسلق نفسه علقت على السقف نفسه زي اشجار طرزان عرفتوا؟ بس من جهه
لجهه مو نازله كذا يعني مثلا من الثريا و طرفها ملصق بالجدار ...و هكذا
فيصير اللي يدخل ينحني شوي عشان الاشجااااار الكثيره مررررره شكلها روعه
هذا من فوق اما من تحت فحطيت على الارض في النص بطانيه خضراء عشبي اشتريتها من
ايكيا تجنن طبعا انا كنت شاريتها لولدي الصغير عشان غرفته اخضر عشبي و ما درى ههههه
المهم فرشتها في نصف الغرفه و وزعت عليها اوراق شجر صناعي مقطعه
شفتوا القماش اللي اقول لكم غطيت فيه الكنب؟؟
اشتريته من ايكيا المتر ب15 ريال و لونه حلو مره انا اشتريت 3 امتار
فزاد عندي متر تدرون وش سويت فيه؟
قصصته على شكل اوراق شجر كبيره شوي و رسمت عليه بالوان
ووزعته على الارض .. و هاذي صورته الورقه طبعا انا حطيتها في السكانر
بس ما كفى لها كلها بس عشان تشوفون الشكل العام....
نكمل... شلت الستاره العنابيه و خليت الخفيفه البيضاء عرفتوها؟
و لصقت عليها اوراق شجر صناعي مقطعه متفرقه و على العمود اللي فوق حطيت الشجر المتسلق
و جبت كل الاشجار اللي عندي في البيت و حطيتها في الغرفه
و حطيت مشاتل التعليق من ايكيا بس حطيت فيها شجر صناعي مخصص لها اشتريته من هوم بلازا
و علقته في الثريا اللي في نصف السقف شكله طلع مرره حلو
و حطيت شموع متفرقه طبعا
و اشتريت من لايف ستايل (جزء من سيتي بلازا) حاملات شموع على شكل فيله
و وزعت العاب ولدي الحيوانات على الطاولات و حطيت دبددوب كبير على الجدار و تحته سله فيها
بسه صغيره
و على الكنبه عنكبوت لونه اسود باخضر من ايكيا ...
و اشتريت نافوره صغيرم من هوم بلازا ب 85 ريال على شكل جره مكسوره مرره حلوه بس
صوت المويه ما يبان و عشان كذااااااا.....
نزلت على جهازي الكمبيوتر شاشه توقف شكل اشجار و شلال و عصافير و اسماك و شغلته
الصوت رووووووووووووووعه كانك في غابه صوت حيوانات و عصافير مع مويه شلال
و الموقع هو:
www.risoftsystems.com
اما بالنسبه للباب فحطيت عليه الدعوة اللي بهذا الشكل:
طبعت ورقه خضراء من الطابعه عادي و بعدين احرقت اطرافها و لصقت حول الطراف اوراق
شجر طبيعي مجفف عندي من بوكيهات قديمه و كتبت في النص طبعا الدعوة
دعوة الى من ملك قلبي لرحله في الغابه
لكن كتبتها بايش؟؟؟؟
باعواد القرفه ... ايه القرفه حقت الاكل.... جبت مسدس الصمغ و صرت احط الصمغ و الصق
لين كتبتها كلها ..
و الله يا بنات ريحة القرفه خيال تجنن .. اول ما سويتها ما حسيت بشي و خبيتها بالمجلس
عشان محد يشوفها و بعد كذا على مدى 3 ايام و انا ادخل المجلس واشم ريحه حلللللللللوه زي
ريحه الورد المجفف الحلو و استغرب و ش هالريحه يا ربي من دخل المجلس و اخر شي
طلعت ريحه اعواد القرفه ... و حتى بعد شكلها زي الخشب توحي بالغابه ....و
انا بحاول احط لكم طرف من صورتها بس ما تدخل كلها للاسف بالسكانر و لا اقدر حتى
احطها زين عشان ما تتكسر الاوراق اللي حولها لانها جافه ....
و لو تلاحظون تعليقتها من القش... ترا شكلها احلى من الصوره بكثير....
نكمل....
اهم شي يا بنات....
حطيت فازات فيها ورد طبيعي من جد ريحه المكان واااااااااااااااااااااااااااااااااوووو
من جد تفرق بقوووووه
انا اشتريت ب60 ريال بس لكن من كل الانواع الجوري و الابيض العادي و الاصفر
و المشمشي...
بس الريحه اعطت جو حديقه او غابه من جد....
و سويت كرت صغير دعوة للزوج من بدي عطيته اياه عشان ما يرتبط و تخرب السالفه...
و حطيت عليه صوره تنين اخضر ههههههه......
و حطيت فواحه لونها بني منها ريحه حلوه و منها شكل حلو...
ايه صح و حطيت كور خشبيه اشتريتها من لايف ستايل الوحده بريال لها ريحه مرررره
تجنن روعه لا تفوتكم تراها زي اللي عند نكتار بس نكتار يبيع الوحده بريالين
و شي مهم .....
حطيت على السجاده الخضراء قطعه خشبيه اخذتها من دولاب الصاله هههه بس من جد
شكلها طلع حلو و نثرت عليها اوراق شجر صناعي و طبيعي وورد طبيعي و حطيت فوقها
كاسين ابو قاعده بسسسسس
ما ربطت عليهم دانتيل لالالالااااااااااااااا...
ربطت عليهم قش... عرفتوا القش اللي يجي في التغليف؟ ايوه هذا هو... على شكل فيونكه من القش
و سويت عصير ليمون بنعناع اههههه بسس يجينن ... و مناسب لونه مرررررررررررره
و قبل المدخل حطيت شموع و كتبت فيها احبك.... شكلها يجننن...
على فكره انا حابه اقول لكم اني سويت كذا بامكاناتي و اللي موجود عندي
يعني ابغا اقول انكم كلكم تقدرون تسوون ابداع باللي عندكم...
عاد قولوا لي وش رايكم بعد كل هالتعب..
و اي وحده عندها استفسار اناموجوده...
