كل وحدة تقول زفة عروس جديدة شافتها

يا بنات وين أفكاركم الحلوة

اللي شفت

الكوشه عباره عن حديقة فيها فراشات معلقة في الجدار وازهار كثيره

وكرسي العروس على شكل مرجيحة ثابته وعليها ورود وعلى يمين العروسه كرسيين

صغار وعلى اليسار نفس الحكايه

اما الزفه يدخلون اربع بنات صغار عمرهم سبع سنوات لابسين اجنحة فراشات وماسكين

عصيان على شكل قلوب ولهم زفه خاصة عباره عن صوت ماء وعصافير ويمشون الى

ان يجلسوا على الكراسي الصغيرة الي جنب الكوشه وبعدين تكون عند الكوشه بنت لابسه جناح

فراشه أبيض لان الاي قبل لابسين اجنحة ملونه اما الفراشه البيضاء ماسكه صندوق على

شكل فراشه وداخل الصندوق مسكة العروسه وبعدين تمشي على الجسر الى ان تصل

الى بداية الجسر بعدين تدخل العروسه من البوابه وتمشي الى بداية الجسر ثم تفتح الصندوق

وتأخذ مسكتها وتلف الفراشه البيضاء ومعها الصندوق فيه ورد وتنثر الورد على الجسر

والعروسه تمشي وراها الى ان تصل الى الكوشه .


ويارب تعجبكم

الفكره الثانيه تم تنفيذها بعرس وحدة

اولا القاعه بشكل عام وبعدين الكوشه واخيرا الزفه او الحركه..

القاعه:الطاولات كانت مرتبه بشكل منسق وجميل لون الشراشف كان ازرق
وعلى كل طاوله وفى المنتصف , كوب على شكل فاز..كبير..وطويل... تقريبا
(40سم)(مخروطى)وبداخله ماى وسمكه ذهبيه..

الكوشه:

الكوشه كانت على شكل احجار بحريه والمرجان والطحالب البحريه..وعلى السقف
كانوا معلقين اسماك حوالى(15 سمكه على مسافات متباعده.. الكرسى وهذا كان
احلى شى.. لانه الكرسى كان مصمم بشكل حلو بحيث اسفل الكرسى مصمم على
شكل حوض سمك.. على فكره ترى الاسماك الى فالحوض حقيقيه ..وطبعا الاسماك
المعلقه لزينه..عن تصدقون بعد انها حقيقيه

واخيرا :الفكره او الحركه الى نزلت فيها العروسه....

قبل لا تنزل العروس طبعا اطفؤا الاضاءه وظهروا اربع بنات لابسات لباس الحوريات
بشعورهم الطويله... وكانت الفساتين باللون الابيض... ونزلوا من نفس المكان الى
راح تنزل منه العروسه مع اصوات البحر ..... وعلى الممر كانوا الحوريات يقعدون
ويمسكون ايادي بعض ويتحركون بشكل الارجوحه ما ادرى اذا الصوره واضحه بس
علشان يخلون الواحد يتخيل انه بالبحر..وبعد ما يصلون عند الكوشه يقعدون على كرسى
العروسه... وبعدها تصعد بنت خامسه بيدها صدفه كبير..بداخلها مسكه العروس...

والحين تطلع العروسه مع قصيده باسمها واسم المعرس... وتمشى وبيدها نجمة... تمشى
لين ما توصل عند البنت الى حامله الصدفه الكبيره تسلم عليها
(تبوسها وتحط النجمه بالصدفه وتاخذ المسكه.. وتكمل شويه بعدين الحوريات الاربع
وحده ورى الثانيه تقوم وتبوس العروسه وتروح.. وما يبقى غير العروس على الكوشه

زفاتش روعة و الله يا غلا ............


بس حسافة شرينا الخلق ..... بيج و فيه شوي ذهبي عندي بنات كبارر 12 ثنتين و ووحدة 11 و وحدة عشر و ثلاث على 8 او 7 و ووحدة 6 ووحدة 5


كلهم نفس الخام :)

وينكم يا بنات ......



محد فيك راح عرس و لا عنده أفكار حلوة

مرحبا بنات.....

الله يخليكم الي عندها افكار زياده تحطها ومشكورين.

أنا أفضل ان العروس تطلع بروحها أو مع ولد صغير لابس بدلة.................أحس انه أرقى

احس حركة الاطفال اللي يطلعون قبل العروس حركه قراوه وبداوه......

اما انه الفكرة اللي جفتها طبعا غير وحلوة مرة وغاليه بعد هههههههههه

اول شي لما بيدخلون العروسين للكوشه بتكون فيه ساحه تقريبا كبيرة ينزلون من السيارة ويركبون عربه حصان ابيض (روووووووووووووعه).
وبعدين تصير اشوي العاب ناريه بس مصغره عن التفقع ههههههههه
ولما يوصلون يدخلون قبل لا يدخلون بشوي تجي بنوته صغيرة في ايدها مخدة وعليها جوتي (تمثيليه سندريلا)وتجي العروس وتقايس الجوتي ويطلع مقاسها وتجي بنوته ثانيه صغيرة (الساحرة الطيبة) وتاشر عليها بالعصا السحريه وبعدين يدخلون المعاريس...
فنفنفنفنفن

طبعا بيمكون هناك دفتر للزوار يكتبون فيه اللي عندهم هههههههه
والكوشه عبارة عن ما اعرف شنو(بس هو هذاك الحصان الاسطوري) اللي فيه قرون
ههههههههههههههههههههههه

ونافورتين مصغرين على جوانب المسرح
وعلى جنب بتكون الكيكه بس شموعها يتكون زي الشرار اللي سطلع حلوة الفكرة .........
وزي العروسه بيكزون طبعا ابيض ومرصع بالفيروز الازرق مع الكرستال روعه
والطرحه بتكون امو طويله وايد (اللي جفتها عليها رسمه حصان من ورى العروس كانت تحب الاحصنه) وخياليه فسوت اللي تبيه
ههههههههه
وطبعا الاغاني دمجوهم في سيدي اغاني حلوة وجديده وكلها طقطقه حق الردحه ههههههههههه
وقبل ما تطلع العروس بعد ما تنتهي الحفله يحطون اغنيه عن الام وتبدع تحضن امها ليما تخلص الاغنيه والناس تصيح

:cry::cry:


بس هي فكرة حلوة ترى
ان كنتي تستحين من امج على الاقل تحسسينها بغلاتها قبل ما بتمشين بشوي
شعور حلووووووووووو

نسيت وطبعا لما بيقعدن على الكوشه العروسين بيجونهم بنوتات صغار بدون ازواجهم طبعا ههههههههه لحالهم يسلمون على العروس ويبوسونها
وبعدين يبدون المعازيم المبارك....................

ودمتم سالمين

(هاذي العرس من البحرين )

الاخت من المعازيم
هههههههههه

رجعــت لكم باأفكار زفــه ثانيه:shy:

*·~-.¸¸,.-~*الزفة الفرعونية: *·~-.¸¸,.-~*

[grade="00008B FF6347 008000 4B0082"]وتكون نفس طريقة دخول البنات السابقة ويكون عددهم 16 اواكثر


على راااحتك وويلبسون لباس فرعونى ويدخلون على

موسيقى زفة مصرية عرفتوها ويسوون حركات

بيدينهم يعنى كانهم جاااايين من الفراعنة

وبعدين المفاجأة يدخل هروم ذهبى كبير ويدزوونة بنتين و

يوقفونة بوسط صالة الفرح قبل مكان البنات ال16 بشوية ووويجيبون دخان ااابيض و

يرشونة بالة الدخان عرفتوها اللى تستخدم باعياد الميلاد

وبالفلام السينمائية وبعدين يفتحون الهرم وتطلع العروس و

وسط الدخان الابيض وكانها

حورية طالعة من الف ليلة وليلة [/grade]

*·~-.¸¸,.-~*الفكـــره الثانيه*·~-.¸¸,.-~*

[grade="00008B FF6347 008000 4B0082"]في زواج اقاربنا قبل الزفة بشوي واحنا جالسين في امان...

قام اخو العريس وبنت خالته ... الخ اطفال العيلة مطيرين حمام

نص الحمام ملبسينه عريس بوبيونة صغيرة كرافتة سودة .. اما النص الثاني عرايس طرحة تل ..كل الحمام ربطوا في رجله

صرة من السلوفان ومليانة اكليل طبعا السلوفان مرة خفيف طلعوا على مكان عالي فوق مستوى جلوس المعازيم

وشقوا السلوفان شق صغير فلما طيروا الحمام اتنثر الاكليل على رؤوس المعازيم لكن الحريم صاحوا فالحمام بعضه

خاف وجلس في ركن القاعة ..


الفكرة حلوة لكن يلزمها قاعة كبيرة [/grade]

[grade="00008B FF6347 008000 4B0082"]اتمنــى انها تعجبكم


أخــتكم:

غـــــلا[/grade]

yazan عاد حبيبتي مشكلتي اني من مدينة مو من قرية ولا من بداوه ..... بالعكس امي و ابوي خريجين جامعات ... و عائلتي من المنامة اللي هي عاصمة البحرين واول بلد في الخليج دشها التعليم .....

و على فكرة ترى الأجانب في كل حفلات زواجهم لازم يكون فيه اطفال flower girl يسمونهم ....... و حتى اهل القرى و اهل البدو لهم ميزاتهم الجميلة و عاداتهم الحلوة في حفلات زواجهم

الصراحة زفاتكم روعـــــــــــــــــــــــــــــــــــــــــــة قاعدة كل وحدة اقراها كم مرة

مررررررره حلووووووووو

احلى شيء وارقى شيء انه الزفه تكون



العروس تطلع بروحها واثق من نفسها مثل عارضات الازياء على ايقاع الزفه

محد جدامها ولا وراها
واذا عن الاطفال حلو تسوون مثل الاجانب صغار عمر الثلاث شالين سلات
ويطلعون قبل العروس بفترة قصيرة وينثرون اوراق الورود لين فوق الكوشه
وبس

°ˆ~*¤®§(*§*)§®¤*~ˆ°زفاتكم رااااائعه°ˆ~*¤®§(*§*)§®¤*~ˆ°

قاعدة أفكر فيها .......... بس ابغى فكرة قوية مفاجئة

بصراحة الزفات حلووة

بس أنا بالنسبة لي

عندي فكرة فظيييييييييعه حق زفــه

بس عاد ما بقولكم عنها الحين

<< اذا الله كتب وطبقت الزفه حقي

راح أنزلها لكم ..خخخ


يسلموووا يالغلا