يا العرايس والمتزوجات .... تعالوا شوي

ليش مطنشين ؟؟؟ لا مبروووك ولا نصيحه ولا شي ؟؟؟؟:confused:

الف الف مبروك حبيبتي ((بنوته)) ان شاء الله ماحد يطنشك
انا انصحك انك تهتمي في جسمك يعني تاكلي كويس وتعتني في بشرتك باستخدام الكريمات والمساجات
وتسوي الحمام المغربي كل شهر مرتين عشان يعطيك جسم رائع على مايجي موعد الزواج ولا تبخلي على شعرك بالزيوت

وآخر شيء وهو الاهم الحاله النفسيه حاولي انك تكوني ريلكس ولاترهقي نفسك اذا قرب موعد الزواج لانه راح ينعكس على وجهك مباشره ولا يطلع معك الميك اب حلو يعني بيكون الوجه مرهق

والف الف مبروك مره ثانيه


تحياتي ...................همسه ملاك

تصدقين يا همسة ملاك انك فرحتيني واااايد ..... شكراً حبيبتي على النصائح الرائعه مثلك

تسلمين حبيبتي واي شي انا حاضره والله

هل من مزييييييييييد ياااااااااااااااا بنااااااااااااااااااات ؟؟؟
.

:think:

اختي بنوتة اقلك اهم شي
اتكالك على الله ونشاء الكريم الله يوفقك في حياتك الزوجية تحياتي لكي اختي بنوتة
بس اعطيكي نصيحة من اخت الى اختها ان تكوني صبورة مرحة انيقة وتحياتي لكي
الف الف الف الف مبرو لكي اختي
اختك
الايمان
اهديكي
www.3ar.us/13/Titanic04.gif

شكراً حبيبتي الايمان

اشكرك على الهدية الحلوه والنصائح الأحلى ... وتسلمين

الف مبرووووووووووووووك حبيبتي ... والمنتدى وقسم عروس بذات بتلقين مواضيع وايييييد اتفيييييييييدج :)

اختي روضة بوظبي

شكرااااااااااا ... وتسلمين .... اللي ابغي اعرفه شو المفروض نسوي قبل شهرين
ادري خلطات وغيرها من أمور المنتدى لكن ابي اعرف شو اللي المفروض ما انساه
او اركز عليه قبل شهرين ؟؟؟

مادري اختي انا بعدي متملجة ماعرست وعرسي بعيد اشويه :)

ههههههههه... اختي روضة بوظبي ... ما تفكرين مثلي ؟؟ يعني ما تحاتين مثلي ؟؟

اممممممممم مب واايد

ألــــــــــــــف ألــــــــــــف مبروووووووك يا الغاليه
والله ايتمم لج كل شي على خير ...


أما بالنسبه للنصايح ...

شوفي انا ابصراحه ندمااااااااااانه اشد الندم لاني ما اهتميت بوجهي عدل ولا بجسمي بشكل عام ...

كنت كل يوم طايحه في منتج و اخسر بيزاتي على الفاضي وعقب اغير على غيره ...


بس شفت انه اهم شي في هذيل كلهم كان .... التغذيه الصحيه 10000%

حاولي اتكثرين من الفواااااااكه ثم الفوااااااكه ثم الفوااااااكه

بتحسين بنضاره وحيويه اكثر واكثر ...

وخاصه العصاير الطازجه وعليج بالكريم كاراميل ...

هالنصايح عطوني اياها في آخر اسبوعين قبل العرس ...

وطبعا كان ويهي مرهق و حاولت قد ما اقدر اتلاحق عمري ...

وبعد عليج بالحمام المغربي لين اتحسين انه جسمج صفى من الخااااطر ... لا بقع ولا سواد ....


واتوكلي على الله دايما ولا تشيلين هم ابد .....


والله يكتبلج الي فيه الخير انشاء الله ويسعدج يا رب ...



مع تحيــــــــــــــاتي ....

أختج حبــــــــــــــوبه:shy:

حبوبة شو فايدة كريم كراميل؟

مبروووووووووك

بنوته مبروك يا حبيبتي

وأنا مملكه ومسوية حملة على جسمي وشعري

طبعا الحمام المغربي زي ما قالن البنات أسويه مرتين بالشهر

وشعري خلطات زيووووت كل أسبوع مرتين

وأنا بديت من شهرين

طبعا أهم شي ينصحوني فيه أني أرتاح وأكل زين لأني شوي وأصير عظم

اهم شيء مثل مااقوولج البنات تتغذين عدل واذا انتي ضعيفه كلي وربربي شويه الريال مايداني اليابسه ( بيلاقي عظام ) حبووب الخميره فالصيدليه وممكن تسألين اي حد عن فوائدها ووواايد زينه

استعملي زيت براشوت لشعرج فالاسبووع مره او مرتين

استعملي لجسمج خلطة الروب والسدر + استعمال العسل واايد زين+ استعملي صابونة سفيد اب والماسك ماله واايد زين..............

نااامي عدل في هالفتره لان كل هذا بينعكس على ويهج .............
وخلي عنج السهر والتفكير واايد

كوني ريلاكس مثل مااقالوولج

اهتمي بظفوورج من احيينه ..

وفالنهايه وانت معاه حاولي تكووونين الصدر الرحب له والاخت والصديقه وكل الي يتمناااه وتشاركينه كل شيء فحياته وماتقصرين معاه والريااااااال يحب الحرمه الي تهتم فيه وادلعه وتكوون طلبااته اوااامر ومن تشوفه تفضي عمرها له لو عندها الف شغله ...

تحياتي لج ...

ألف مبروك أختي
أنا بعد زواجي قريب...وخايفة على بشرتي وجسمي وكل شي...
وأحس اني صرت ضعيفة وايد خطيبي يقول لي ابغيك تصيري متينة..وأنا اقول له اذا متنت جسمي ما بيعجبك..

والله يستر

حبيبتي هذي بعض النصايح وبجيبلج غيرهم قريب
والف الف الف مبرووووووووك والله يسعدج


جسمك محتاج لعنايه منك حتى يحافظ على نعومته وشبابه .. يعني مايكفي انك تعتني بوجهك وتتركي جسمك لا.

لازم تداومي على تقشيره وصنفرته وترطيبه علشان يحافظ على حيوته ومرونته وبالتالي يقاوم التشققات اللي تظهر بعد السمنه المفاجئه او الحمل وغيره ... وطبعا لاغنى عن التغذيه الصحيه اللي لها الاثر الكبير في صحة الجلد وشبابه وكذالك الرياضه ...

انا بسوي لكم جدول عناية متكامل يشمل : ازالة السواد من بعض المناطق ، التنظيف والتقشير ،بعض الوصفات الخاصه بشد الجسم وتجميله وتطهيره ، الترطيب
والمواد المستخدمه طبيعيه وتقدرين تعملينها في البيت ..

# اولا: ازالة السواد من بعض المناطق :

طبعا فيه كثيير خلطات للسواد لكن انا اخترت افضل شي :
1/ وضع زيت زيتون على المنطقه السوداء سواء الركبه او الكوع او غيره وفركه بنصف ليمونه مغطسه بملح ناعم ..... او
2/ فرك المنطقه بنصف ليمونه مغطسه في بيكربونات الصوديوم ....... او
3/ كميات متساويه من : الليمون ، خل التفاح ، ماء الورد . اخلطيهم وادهنيهم على المنطقه ..
**طبعا الخلطات هذي قبل الحمام .... اذا تبغي نتيجه سريعه استخدمي بعد الحمام :
** ادهني المناطق السوداء بالجلسرين مع الليمون ...
او تدهنيهم بزيت الورد .. طبعا كل يوم بعد الحمام وقبل ماتنامي .. وفي الصباح اغسليهم ..

# ثانيا : التقشير :

اختارو احدى هذي الوصفات او جربي كل مره وحده منهم فكلهم ممتازين

1 / الوصفه الاولى :::

اخلطي كميات متساويه من الليمون ، زيت الزيتون ، ملح ناعم ، سكر خشن
ادهني جسمك فيهم وخليكي ساعه او نصف ساعه على الاقل .. في حمام مليء بالبخار
بعد كذا افركي جسمك وشوفي الاوساخ اللي بتطلع ..... وامسحي جسمك بفوطه قديمه ..
بعد كذا اغسلي جسمك بماء دافي وجل الاستحمام او الصنفره وافركيه بالليفه ..واغسليه
بتحسي بنعووووومه ولانعومة الاطفال من اول مره تستخدميها
ومع كثرة الاستخدام بيتفتح لون الجسم وبيصير كله لون واحد
صدقوني رهيييبه الوصفه هذي ومجربه ..

~*~*~*~*~*~*
2/ الوصفه الثانيه :::

المقادير

ملعقة فكس ......ملعقة جلسوليد......ملعقة زيت اللوز الحلو
ربع كأس مبشور صابون الغار الطبيعي ......ملعقتين ورس(مطحون) ..ملعقتين قشر برتقال مطحون (تجفف القشور وتطحن ) ملعقتين شوفان كويكر(مطحون)
كأس ماء بقدونس....ربع الكأس عصير ليمون

الطريقة:

نغلي ماء البقدونس ثم نضع الصابون المبشور والكريمات ثم الشوفان وقشر البرتقال والورس
توضع الكمية في الثلاجة ويؤخذ القدار الذي يكفي لتقشير الجسم...
الإستخدام :
في حمام مليء بالبخار يدهن الجسم بهذا المقشر وبعد عشر دقائق يقشر براحة اليد بحركة دائرية بعد ذلك يغسل الجسم بالماء وجل الاستحمام ..
النتيجة المرجوة :
توحيد لون الجسم وتبييضه وإزالة الجلد الميت منه وتنعيمه ...
يستخدم مرتين بالأسبوع

~*~*~*~*~*~*~*~ *~*
3 / الوصفه الثالثه :::

جيبي ملعقة كبيره ورس مطحون اخلطيها مع علبة كامله زيت زيتون
واتركيه لمدة ساعتين لحد مايتغير لون الزيت ..
بعد كذا ادهني جسمك فيه ... وروحي البسي ملابس قديمه عندك
وخلي الخلطه على جسمك لمدة ساعتين
بعدين روحي جهزي الحمام واملي البانيو مويه حاره على قد ماتتحملين
وبعد الساعتين اجلسي في المويه شوي ...
وتليفي وشوفي كمية الجلد الميت اللي بتطلع ....
بعد كذا افركي جسمك بالليفه والجل ..واشطفيه

مع الاستمرار على هذي الخلطه بيبيض جسمك ويكون ناااعم

*** ضروري يابنات الاستمراااار على هذي الوصفات علشان تبان عندك النتايج المبهره ...

= = = = = = = = = = = = = = = = = =

# ثالثا : الوصفات الخاصه بتطهير الجسم وشده وجماله : (تكون بعد الاستحمام )

1/ املي البانيو ميه واضيفي عليه ملعقة او ملعقتين خل تفاح وشوية ماء ورد... واسترخي فيه
بعدين خليكي تحت الدوش وافتحي المويه البارده ... ياسلاااام انتعااااش وحيويه
..هذ الوصفه.. لها عدة فوائد : مثل تطهير الجسم وتعقيمه وازالة رائحة العرق الغير مستحبه ، وكمان خل التفاح يشد الجسم وخصوصا الصدر ، ويساعد في تفيح لون الجسم مع الاستمرار ...

2 / املي البانيو مويه بارده وحطي عليه ثلاث فناجيل نشاء الذره وشوية ماء ورد ... واسترخي فيه .. بعد كذا افتحي الدوش على المويه البااارده ..
فايدة النشاء انه يشد البشره ويقفل المسام وكذالك يطهر الجسم من رائحة العرق ويعطيكي نعووووووومه فائقه
ويهدي البشره المتعبه ويريحها ... وغيره .. وغيره ....

= = = = = = = = = = = = = = = = = = = = =

# رابعا : ترطيب الجسم :

** مهم بعد الاستحمام وبعد ماتجففي جسمك رشيه بموية الورد (جيبي بخاخ المويه وعبيه ماء ورد ) وبعد مايجف استخدمي المرطب اللي تحبي ::

1/ زيت اللوز الحلو : مفيد جدا في شد الجلد واكسابه المرونه .. يستخدم في عمل مساج للجلد

2/ زبدة الكاكاو (علبه كامله ) ، نصف علبه جلسوليد ، زيت لوز حلو
اخلطيهم مع بعض وادهني فيهم جسمك بعد الحمام ..
هذى المرطب ثقيل شوي لذلك ينفع بعد ماتعملي تقشير لجسمك .. فهو يعطيك نعوووومه وليووونه ويوحد لون الجسم ...
اذا حابه تحطيه قبل الحمام اضيفي عليه عصير ليمونه وحطيه في الليل وفي الصباح استحمي

انا عن نفسي استخدمه بعد الحمام وبدون الليمون ..

3/ اذا حابه المرطب يكون خفيف فيه اشكال وانواع من الكريمات المرطبه الخاصه بالجسم ...اختاري اللي يعجبك .. انا عن نفسي احب استخدم كريمات من ماركه اسمها سويس فورمولا كويسه ورخيصه ومتوفره
او جونسن اند جونسن او نتروجينا ........وغيره

احبكم وااااااااايد ..مشكووووووورين وما قصررررررررتوا .... اجاباتكم راااااااااائعه مثلكم والله

الله يجزيكم خير :smile:

واذا فيه مزيد ما عندي مانع ...( طماعه):cool2: