أحد فيكم جرب الغصة اللي فيني

وضع طبيعي جدا يا أختي الكريمة

ولا تستعجلين على رزقج .. ثقي تماما إن رب العالمين خاشلج الزوج المناسب .. وزوجج موجود حاليا وإسمه مكتوب على جبينج .. لكن رب العالمين بيرزقج فيه بالوقت المناسب

الصبر ثم الصبر ثم الصبر :)

وماشالله المنتدى مو مقصر .. موضوع خاص لأدعية الزواج :)

والله يوفقج يارب

إدعي لأختك بالتوفيق وإنشاء الله يجيك نصيبك عن قريب .........وعليك بالدعاء

أي .... شعور طبيعي ومريت انا به
ثلاث خواتي اللي اصغر عني تزوجوا وتميت بروحي
مثل حالتج احس بالوحدة والضيق.......
والحمدلله على كل حال
الله يفرج همنا ان شاء الله

اختي ,شعورج هذا عادي يستوي لاي وحدة تتزوج عنها اختها الي اصغر عنها وهي تامه في بيت ابوها
الله يعطيج نصيبج ويكون رجال زين ولا تستعجلين على رزقج انشاالله بيي في الوقت المناسب

عزيزتي ..الدنيا ماتخلى من المكدرات خاصة إذا صار يتعلق بالزواج لكن لا يضيق صدرك ولا تزعلين

أنا أعرف وحده تزوجت أخواتها اللي أصغر منها ثم بعدين تزوجت

والأرزاق بيد الله.

الله يفرج كربك ويرزقك ويرزقنا عاجلا غير اجل


امين

أختي أبشري و إستبشري ترى الله ما أخر زواجج إلا لأن مقدر لج زوج أحسن من كل الأزواج بهلدنيا ... فكري بإيجابية و خلي إيمانج بالله قوي... قوي بمعنى الكلمة " فمن توكل على الله فهو حسبه" و وكلي أمرج لله ترى الله كريييييييييييييييييييييم بدرجة أن العقل البشري ما يستوعبه....
زوري هذا الرابط
http://www.3roos.com/forums/showthread.php?t=123746&page=1&pp=15

و لا تسينا من دعاءج و الله يهون علينا و عليج و يرزقنا الأزواج الصالحين و يعوض علينا بالسعادة يا رب

مشكورين خواتي على مساندتكم لي والاهم من هذا دعواتكم لي

وادعى لها الله يهنيها ، وانت انشاءالله نصيبك جاي ولا تستعجلين على رزقك بس اهم شي الله يطرش لك النصيب الزين ، انت ادعى بس بالزوج الصالح ولين جاه وقت الزواج الله بيسرها لج بطريقة سهلة ما تتصورينها .......... ويارب انشاءالله قبل رمضان نسمع انك انخطبت........

أنا أمر بنفس ظروفج و اختي أصغر عني متزوجه و لكني سعيده بزواجها و أسأل الله أن يوفقها و بالنسبه لي أكيد لله حكمة في تأخير زواجي و اجعلي ثقتك بالله بأنه سيرزقك الزوج الصالح و عدنا مثل في الامارات يقول من تعوزب دوم خذ خيار القوم

السلام عليكم ورحمة الله وبركاته
غاليتي عطر البحر
أنا جربت الغصة إللي إنت حاسة فيها ويمكن أكثر
أنا عمري 29 سنة وأبوي رافض يزوجني بحجة إن إللي اتقدم لي شاب ما من الطبقة الاجتماعية نفسها وماديا ما مناسب مع إنه شاب زين وطيب ومتدين
كل صديقاتي اتزوجوا بعد التخرج وعندهم أولاد وأحس بالغصة في قلبي وأنا أشوف أولادهم يمشوا معاهم
ما أحسدهم بالعكس بس متحسفة على نفسي وأنا إللي أموت في الأطفال وأعبدهم عبادة ، ما قادرة يكون عندي طفل مثل غيري بس علشان أبوي الله يهديه ما يعجبه العجب ولا الصيام في رجب
ومع دخولي الثلاثين أحس إن الفرص تقل وإحساسي بالوحدة رهيب
وما أقدر أوقف في وجه أبوي لأني خايفة على صحته ، هو مريض وعنده السكري
وما بسامح نفسي لو صار فيه شيء بسببي لأني ما أقدر أطلع عن شوره
الله يهدي ابوي ويرزقك الزوج الصالح لأنك بعدك صغيرة والحياة قدامك وحاولي تشغلي وقتك بأشياء تستفيدي منها وبتلاقي في المنتدى أشياء وايد حلوة
وأعتقد لما سمعتي قصتي بتهون عليك مشكلتك وبتعرفي إن في ناس عندهم غصات
الله يوفقك ياربي وأدعيلك من كل قلبي إنك يزول الهم من قلبك وتعيشي سعيدة ومرتاحة

[grade="00008B FF6347 008000 4B0082"]حبيبتي
أنا نفس وضعج بالضبط و نفس عمرج و نفس حالتج و فعلا الدعاء يسبب لي ضيقة بالصدر أحس أني هم على قلوبهم و ساعات اييني شعور انهم لو تحصل فرصة يمكن يزوجوني حق أول واحد يتقدم و لو كان ردي و خاصة انه امي فعلا حاولت تقنعني بواحد عمره 42 سنة و معقد و خاطب الف وحدة من قبل و تاركها
لا تتضايقين الغصة اللي فيج فيني و بشكل أكبر و اعمق لأن انا كل اهلي واللي بعمري و اصغر تزوجوا بنات خالي و اختي و رفيجاتي و كلهم عندهم عيال و انا اشوف نفسي احسن منهم بكل النواحي لأني عارفتهم زين و عارفة اخلاقهم واطباعهم و سلوكياتهم

بس انا اللي بقيت بدون زواج

الله يفرج همومنا يااا عزيزتي و هموم المسلمين اجمعين[/grade]

اختي عطر البحر ... وكل الاخوات اللي عندهم نفس المشكلة اذا كان فينا نسميها مشكلة

لا تنسوا بأن الأرزاق بيد رب العالمين ... مو كل وحدة متزوجة سعيدة .. بعدين لا تفكر كل وحدة ان لو اختها الصغيرة تزوجت يعني نصيبها وقف

كل انسان وله نصيب في الدنيا ولابد انه ياخذه

انا بكرر نصيحتي لكل الاخوات بنصيحة دائما اقدمها للي عندهم نفس الحالة

اهم شي تكثرون من الدعاء

وتحاولون تبرزون نفسكم اجتماعيا لان الانطواء ماراح يعرف الناس فيك ... في المناسبات العامة والاجتماعية

انتسبي الى نادي او جمعية خيرية منها تكسبين الاجر ومنها تتعرفين على ناس ومحيط جديد .... اهتمي بنفسك بس مو بدرجة ملفتة

انا عن نفسي كنت دائما ارفض الي يتقدمون لي على الرغم من انهم بمقاييس ناس كثيرة ممتازين بس انا ماكنت ارتاح لهم وقبل لا يخطبني زوجي بسنة تقدم واحد لاختي اللي اصغر مني بسبع سنوات طبعا هي صغيرة مرة بس انا قلت لو هي تبيه ... المفروض ما ترفض عشاني لاني ماراح أتاثر وان شاء الله آخذ نصيبي

اهم شي اخواتي لا تنسون الدعاء .. واذا جاكم من ترضون دينه لا ترفضوه ... كلنا فكرنا في رجل الاحلام الوسيم الغني المثقف الكامل بس ماكامل الا وجهه سبحانه وتعالى وهاليومين المهم الوحدة تضمن تلاقي لها انسان ملتزم دينيا يحافظ عليها وعلى نفسه وعلى بيته

الله يوفقكم ويرزقكم بولاد الحلال ان شاء الله

يا عزيزتي هاذي ارزاق بيد الله

وانتي تبغين الزوج المناسب منوا الي بيعطيج اياه غير رب العباد

انتي فضى عليكي المكان الي كانت اختك شاغلته بس الحين دوري على شي ثاني هوايه دوره تدريبيه اي شي تنشغلين فيه عشان تستفيدين من وقتج وتقتلين الفراغ الي انتي عايشه فيه

كلام رومي حلو استفيدي منه

بالنسبه للأخت مذهله يا عزيزتي ما يصير انتي تقولين انا اعبد الاطفال يا عزيزتي قد تدخلين في الشرك بهاذي الاقوال

استغفري الله ولا تعيدين مثل هاذا الكلام وبالنسبه لوالدج لازم تخلين احد يمون عليه يكلمه بالهداوه مره وبالتلميح مره وشوي شوي

بيغير من موقفه عشان لما يتقدم لج عريس يكون لان شوي

الله يرزقم جميعا بالخير

الله يعطيج كل ما تتمنين واكثر ان شاء الله

الله يرزقج ويرزقنا معاج بالزوج الصالح يارب

عاجل غير آجل

هاي ....
أحنا ب لبنان عنا مثل بقول "خلي العسل بجراره لتجي أسعاره" والباقي عليكي

الزواج هم وغم انا ماني عارفه الوحده فيكم مستعجله على همها تحسبون ان الزواج كله سعاده ................
انا اقول اللي مرتاحه ومبسوطه في بيت اهلها ليش تستعجل على النكد ...............
الله يرزقكم بلزوج الصالح ..........

الله يرزقكم بالزوج الصالح ان شا الله بأقرب وقت

لا تتضايقون هذا شعور طبيعي وجود هالغصة .. بس دايما ذكرو نفسكم ان المسأله قسمة ونصيب ومحد ياخذ غير اللي الله كاتبه له