بالله عليكم خبروني شو اسوي .. والله بصيح من الألم والبهدلة..

:sad: السلام عليكم خواتي ..

بخبركم سالفتي وعلى الله القى منكم النصح والشور الزين ...

يوم السبت لما كنت في الجامعة الظهر حسيت اني مب مرتاحة يعني فيني تعب ورفسات البيبي تعورني والم خفيف في ظهري .. قلت خلني اسير اتطمن ...

ولما سرت .. وقلت للدكتورة انه نفس الم الدورة خفيف .. قالت لي لازم نتأكد ونفحصج من تحت ... استسلمت انا وخليتها تفحص ..

وياويلي انا من هالفحص :cry: صرخت من خاطري لأني ما كنت اعرف هو عبارة عن شو ... والصدمة ... لقت الرحم مفتوح 1 سم ...

قالت الدكتورة لازم تترقدين بسبب انه بعده بدري عليج لأني كنت في الأسبوع 33 يعني ثاني اسبوع تقريبا من الثامن ... وقالت انهم يحاولون يوقفون عني التقلصات ...

رقدت عندهم يوم ونص .. وحطوا لي لزقة على البطن عشان توقف التقلصات وهاللزقة فيها دوا.. لكنها اتييب دوار وخمول وكسل وصداع رهيييب :cry:
وعطوني ابرتين احتياط في حالة اني ربيت بدري تكون الرئتين عند البيبي سليمات..

المهم طلعت يوم الأثنين الصبح لكن ... رجعت لهم في الليل ... :sad: ووقتها اوني كنت كملت 34 اسبوع ... وهم قد مايقدرون يبوني ما اربي ...

اللزقة هذي سوت فيني بلاوي ... ايدي وريلي ورمن .. ايدي ما اروم احركها ابد احس انه عروقي بتتفجر من الألم .. مافيها ورم كبير لكن الم والله يهلك ... وريولي من عند الفخوذ شد الله لا يراويكم احس انه مافيني اعصاب ... اعصابي كلها مرتخية .. واحس برجفة في جسمي ..
وظهري الألم فيه نفس الدورة يروح ويرد ... يعني التقلصات خفيفة ...

رقدوني مرة ثانيه لأنه البيبي نازل ومتسعد لأي لحظه للولادة .. والرحم على قولتهم متهيأ بعد يعني صاير طري ومفلطح ( هذا الي قالوه)

وتوني طالعة اليوم الصبح والألم مازال فيني والتعب في ايدي وريلي وظهري ...

هذي سالفتي كاملة بس شوروا على الله يخليكم ... انا كرهت هاللزقة تعبتني وايد .. شو رايكم اشيلها واللا لا ؟؟ انا شليتها اصلا لكن على اساس اني بغيرها وبحط وحدة يديدة ..

ومن التعب اقول ما بحط بتم جي ومتى ما الله راد بربي ما بتوقفني هاللزقة .. شو رايكم بدري علي واللا لا ؟؟؟
وهل في خطر علي اني اربي اللحين واللا لا قبل لا اكمل التاسع ؟؟ في المستشفى يقولون لي ان ربيتي ممكن يتم عندنا البيبي في الحضانة ويحطون له وايرات وخوفوني ..

دلوني شو اسوي ...ومنو صار له شي يشبه الي صار لي ؟؟ والله خايفة اني ما استعمل اللزقات واتندم انا بعدين ... وان حطيتهم الله لا يراويكم حالتي ...

لا تبطون علي ... وعلى فكرة البيبي كل شي فيه زين والحمدلله ووزنه 2.600 يعني ما فيه اي شي يضره