ايش بيكون موقفكم لو كان صديقتك كذا ؟؟؟؟؟

بسم الله الرحمن الرحيم

لسلام عليكم ورحمة الله وبركاته

أخواتي الفاضلات .....

أنا بالمرحلة الجامعية وخلاص افترقت عن صديقات الثانوية العزيزات وكانوا فعلا صديقات رائعات وعمري ما زعلت منهن او تضايقت من تصرفاتهن او حسيت بالغيرة ان حصلوا على درجات اعلى مني او ان المعلمة حبت وحده منهم اكثر مني .. اساسا هالاشياء ما كانت تمثل لي أدنى اهمية ولا كنت التفت لها .... بالعكس كنا كلنا نفس الشئ مرحات وحبوبات وكان لكل وحده شئ يميزها ..

الحين انا بالجامعة ومرت علي سنة تقريبا ومعي صديقة هي طيبة ومرحة وممتازة بدراستها وجريئة وعندها قدرة على المناقشة وحبيت هالصفات فيها كثير وحسيت فيه تشابه بيننا بالافكار فتقوت علاقتنا وكذا ... لكن مع الوقت بدأت تظهر صفات سلبية عليها وهي انها تحب تتكلم عن نفسها وعن مواقفها وكيف كانت رئيسة جماعة كذا والمشرفة على كذا وان المعلمات ما يستغنوا عنها ابدا وعن تفوقها وعن وعن وعن وعن ... انا بالبداية تقبلت الامر قلت عادي لاننا بالبداية وحبت تعرفني عن نفسها بس الامر زاااااااااد عن حده وصرنا كل ما قابلنا طالبة من الجامعة تعيد نفس الاسطوانة وتعدد صفاتها وانا اخي فنان و واختي شاعرة وبن عمي احسن واحد بالقبيلة وقبلتنا معرف ايش ...... يا جماعة انا عمري ما قابلت او تعاملت مع شخص بهالطريقة ... وبديت أكتشف شئ ثاني

تقليدي ببعض الكلمات اللي اقولها واسمعها ترددهاوبعدين لما نكون وسط بنات واقول الكلمة تقول هذي كلمتي لا تسرقيها .. انا ما اتكلم اسكت استحي واحيانا اعلق تعليق مضحك لان مو حلوة نجلس نتهاوش واحنا بنات كبار بالجامعة

وكل ما اقول انا احب هالشئ تقول سبحان الله زيي انا وانا وانا

عن جد يا بنات ارتفعلي الضغط وما اقدر اصارحها يمكن هي شخصيتها كذا .... رغم انها محبوبة وجريئة ويبين انها واثقة من نفسها مرة


يا بنات وربي عمري ما مدحت نفسي عندها عشان مثلا تقولون انه رد على كلامي ابدا عادي احكي عن مواقفي واخبرها عن لحظات فشلي ونجاحي و عيوبي ومميزاتي وما احكيها لمجرد احكيها .. بس اذا حد سألني او الموقف استدعى هالشئ

لما احصل على علامة اكثر منها احس وجهها يتغير وتزعل ... انا حز في نفسي هالشئ ... وصرت انا الحين زيها ما احب انها تجي اكثر مني لانها ما تفرح لي اشلون افرح لها

انا اريد الحل كيف اتجاوز عن هالنوعية من الصديقات ...... لانه علا بديت اطلع عن طوري لان قبل 3 ايام كنا عندنا عمل بالكلية وانا جالسة اشتغل واشتغل واقولها اشتغلي تقول اوكي وما تسوي شئ وكل ما وحده دخلت علينا تقعد تحكيلها عن انها كيف كانت وكانت وما زالت .. وانا ساكتة اخر شئ عصبت وقلت انتي مو فالحة الا في الكلام ويا ريت بتسوي حاجة على كذا .. سكتت وانصدمت وبعدين انا حزنت عليها صراحة ما كان قصدي كذا كنت اتمنى يكون اسلوبي احسن عن كذا

المهم ساعدوني .. انا بديت اعصب عليها وانا من النوع اللي ما يعرف يخبي مشاعره وعواطفه

بانتظاركم