** بنات ديرتي البحرين .. حياكم **

[frame="2 80"][grade="00008B FF6347 008000 4B0082"]
السلام عليكم ورحمة الله وبركاته
والصلاة والسلام على أشرف الخلق سيدنا وحبينا محمد عليه وآله أفضل الصلاة والسلام


خيمة سوق واقف


البارحة رحت الخيمة المنصوبة مقابل سوق واقف في منطقة بوري وصراحة عجبوني أشياء وايد هناك من ضمنهم الجلابيات وحبيبت أخبركم عنهم أول ما تدخلين الخيمة على يدج اليمين محل يبيع جلابيات وأنا شريت منهم ولبستهم رووووعة في اللبس خذيت اللون الفيروزي والأبيض والأحمر يالله صج حلوين راويتهم أمي وهجبوها بس للأسف مافي مقاسها يعني يتراوى لي موديلاتها بناتية أكثر تستفيد منهم العروس بالاستقبال أو أي وحدة بالحفلات أو الزيارات العادية وجدام شوي محل ثاني يبيع جلابيات تركية بعد عجبوني خذيت جلابية سوده وفيها تطريز بالأحمر صراحة بعد حلوة وأسعارهم مناسبة وايد ويرخصون

وعجبني في المعرض أثاث البيت أغلبه من الخشب بس شغل يد شريت لي كبت مكون من 3 أدراج على شكل غريب ومزخرف بألوان حلوة والخشب لونه بني محروق ويصلح للمر واسع أو للصالة أو المجلس لأنه كثير حلو وتقدرين تخلين فوقه أي تحفة أو مزهرية أو فريمات لصور أو حتى شموع

وعجبتني الاكسسوارات اللي تبيعم هندية بعد محل الجلابيات التركية شريت لي خواتم واااايد حلوة ذهبية وفضية تقول انهم ما يتغيرون وبنشوف بس صراحة عجبوني كثير وأشكالهم غريبة شوي


وباقي المحلات حلوة بس ما لقيت فيها شي يصلح
حبيت افيدكم باللش شفته وعجبني وانتوا روحوا الخيمة واتمنى المعرض يعجبكم


وسلامتكم[/grade][/frame]